Dawqdaq 22:8 - Akha

⁸ Maˬ tsaˬ maˬ dawˇ-eu siˬ yoeˬ sehˬ naˇ, shaˬ zahˬ dehꞈ doˆ laˇ-awˇ, aˬ cawˬ kʼoeˇ taˆ maˬ kʼaˆ dzaˬ nya ni pyeuꞈ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yawlaeq yawca saeq-eu tsawrhaq-aq, Nuima ghawqshaq-aer ghae-eu jeq yayaeq-awr, Aqyawf-euq nuima paer-eu gawqyoeq-aq, Gardanr maqtsoeq-eu jeq pyeuf-ir taef-a.

Dawqdaq 22:8 ပူးပေါင်းရင်းမြစ်များ

Yawˇbaˆ 4:8

Tsawˇ haˬ zaˬ maˬ muiˬ maˬ jaˬ-eu deh ma tsehˬ-awˇ, haiˬ-eu siˬ yoeˬ sehˬ-eu laꞈ kʼoeˇ, yaw haiˬ jeˬ hawˇ-eu maˬ muiˬ maˬ jaˬ-eu aˇ nuiˆ deuˬ aˬ yawꞈ maꞈ yehˬ uiˬ diˬ uiˬ luꞈ meh.

Jaceuq 125:3

Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Dawqdaq 1:31

yawˬ ha kʼaˇ sehˬ taˬ-euˬ jeˬ ya yehˬ-awˇ, yawˬ ha neh yaw doeˇ jahˇ-euˬ jeˬ, yawˬ ha-ahˇ gʼoꞈ kʼoꞈ laˇ tehꞈ-a.

Dawqdaq 14:3

Aˬ dzawˬ aˇ gah-euˬ dawˬ daˇ cuiˇ shaˇ diˬ-awˇ, tsawˇ gahˇ ahˇ-eu deuˬ neh ngehˬ-euˬ dawˬ yawˬ ha-ahˇ mˇ cu-eu meh.

Iˇsaˬyaˇ 10:25

Aˬ yawꞈ maꞈ naw maꞈ-ahˇ kʼehˬ-eu kʼaˆ-eu jeˬ, tiˬ kʼehˇ laˇ kʼehˬ laꞈ kʼoeˇ aˇ saˬ bi saˬ-awˇ, aˬ yawꞈ maꞈ-ahˇ ngaˇ laˆ luˬ laˆ seˇ nehˬ ma.

Iˇsaˬyaˇ 10:5

Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Iˇsaˬyaˇ 14:29

“Piˇliˇtiˆ tsawˇ haˬ kʼaˇ jawˇ kʼaˇ deuˬ-oˇ, naw maꞈ-ahˇ diˬ-eu daˇ cuiˇ kʼehꞈ-iˇ-euˬ miˇ neh, naw maꞈ laˬ kʼaˬ taˬ cehˇ. Shiˇ dzeuˇ-euˬ aˇ lawˇ kʼoeˇ mawˇ-euˬ duˬ ciˇ-ahˇ, doꞈ kʼaˆ dzehˬ-eu aˇ lawˇ yaw shuiꞈ doˆ laˇ tehꞈ-a. Aˇ lawˇ ya uˆ ceuꞈ deˇ laˇ ngeh, zaw nya-eu aˇ lawˇ ceuꞈ doˆ leꞈ tehꞈ-a.

Iˇsaˬyaˇ 30:31

Sahˬpaˬ Miˬyehˇ-euˬ teˇ saˇ ya gaˬ-awˇ, aˬ yawꞈ-euˬ kʼehˬ-eu kʼaˆ-eu jeˬ-ahˇ ya siˬ ya mawˇ ngeh, Aˬshuˇliˆ tsawˇ haˬ deuˬ guˆ dui dui tehꞈ-a.

Iˇsaˬyaˇ 9:4

Aˬ yawꞈ maꞈ-ahˇ daˇ awˆ taˬ-euˬ kʼaˆ baꞈ kawˬ hawˇ-eu, aˬ yawꞈ maꞈ-euˬ baꞈ pu-ahˇ deh-eu daˇ kawˬ-ahˇ, nawˇ ngawˬ kʼehꞈ nehˬ-euˬ meh. Aˇ hu Miˇdiˬyaˬ guiˇ maꞈ-ahˇ nawˇ deuˆ gʼaˬ-euˬ loꞈ-ehˇ, nawˬ-euˬ tsawˇ haˬ-ahˇ nawˬ dzaˬ kʼaˆ dzaˬ-euˬ tsawˇ jeuˬ-ahˇ, nawˇ deuˆ gʼaˬ nehˬ-euˬ meh.

Hawˇseˬ 10:13

Ehˇkʼawꞈ, naw maꞈ yaw haiˬ sehˬ-awˇ, yaw haiˬ jeˬ yehˬ dzaˬ taˬ-euˬ meh. Jaˬ myawꞈ mehˇ shuiˇ aˇ siˬ aˇ lu, naw maꞈ dzaˬ taˬ-euˬ jaˆ-eu meh. “Mahˬ laˆ lawˬ hawˇ-eu guiˇ zaˬ deuˬ, yaw myaˬ ma lehˇ naw maꞈ noeˬ-eu,

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.