Dawqdaq 22:4 - Akha

⁴ Smˇ muiˬ muiˬ-awˇ tsawˇ myahˇ doˆ-eu uˬ taꞈ ziˇ baw ziˇ za nya ni, Sahˬpaˬ Miˬyehˇ ehˇ dawˬ naˇ haˬ-awˇ, nui ma nahˬ yu ni taˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nuinanq nuiyu anr-awr, Ya’we Miqyaer-anr guv-eu-aq, Daef-eu jeq hawr-eu khanqsaer za-awr, smrmuiq muiqlar-eu mae.

Dawqdaq 22:4 ပူးပေါင်းရင်းမြစ်များ

Dawqdaq 19:23

Sahˬpaˬ Miˬyehˇ-ahˇ guˆ-eu jeˬ ziˇ baw ziˇ za-awˇ, nui saˇ oꞈ-eu uˬ taꞈ, kʼahˬ lahˇ kʼaˇ maˬ za-a.

Dawqdaq 21:20

Tsawˇ gahˇ byah-eu deuˬ dehꞈ poeˬ jawˇ poeˬ nya kʼawꞈ, aˬ dzawˬ aˇ gah deuˬ pyuˇ yaw kawˇ-ehˇ shehˆ dzeh-eu meh.

Dawqdaq 21:21

Nawˇ ziˇ baw ziˇ za nya ni, gʼawˬ shaˬ gaˬ-eu nui ma ahˇ-awˇ yaw tsaˬ yaw dawˇ jeˬ mˇ-awˬ. Aˬ cawˬ nawˬ-ahˇ yaw zeu baw tehꞈ-a.

Dawqdaq 22:3

Nui ma-ahˇ noeˬ-eu deuˬ shaˬ zahˬ-ahˇ haw mawˇ-awˇ jaw dzeuˇ nya kʼawꞈ, nui ma-ahˇ maˬ noeˬ-eu deuˬ nyiˬ paˆ-ehˇ iˇ gʼeh-awˇ, gʼawˬ shaˇ shaˬ-ehˇ gʼeh-iˬ-eu meh.

Dawqdaq 22:5

Yawˬ ha-euˬ saꞈ laˇ-ahˇ yawˬ ha gaˬ naˇ, gaˇ pehˇ kahˇ li jaˆ-eu haiˬ-eu deuˬ-ahˇ kʼmˇ taˬ-euˬ lahˇ ju-ahˇ yahˇ-awˬ.

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Dawqdaq 3:16

Zaˬ siˬ tsawˇ gahˇ-euˬ aˇ maˇ laꞈ-ahˇ, ziˇ baw ziˇ za-eu jeˬ ahˇ-awˇ, zaˬ siˬ tsawˇ gahˇ-euˬ aˇ caˇ laꞈ-ahˇ, pyuˇ shuiˇ hawˇ-eu myaˆ pyawˬ naˇ mehˇ ahˇ-eu meh.

Dawqdaq 31:30

Aˬ cawˬ bi haw mawꞈ-eu jeˬ maˬ ziꞈ-ehˇ, aˇ gʼehˇ muiˬ-eu jeˬ kʼawꞈ maˬ gmˬ-a. Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu zaˬ miˬ zaˬ-ahˇ aˬ cawˬ ya ja ceuˬ tehꞈ-a.

Iˇsaˬyaˇ 33:6

Naw maꞈ-euˬ aˇ nah aˇ yamˬ gʼaˇ duˬ, ziꞈ dah ni gʼeh-eu dawˬ pehˬ aˬ yawꞈ meh. Aˬ yawꞈ-euˬ tsawˇ haˬ-ahˇ ka kʼoꞈ nehˬ-awˇ, zaˬ siˬ nui gahˇ biꞈ nehˬ tehꞈ-a. Sahˬpaˬ Miˬyehˇ-ahˇ yaw zeu baw-eu jeˬ-aˬ, huiˬ dzehˬ-eu smˇ muiˬ muiˬ-eu jeˬ meh.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Daˬyeˬlaˇ 4:36

“Ngaˇ nui ma-ahˇ paˇ noeˬ laˇ ngeh, ngaˬ-euˬ yaw shehꞈ kʼahˬ sehˇ hawˇ-eu ngaˬ-euˬ miˇ kʼahˬ-euˬ yaw shehꞈ kʼahˬ sehˇ kʼoeˇ deuˬ, ngaˬ-ahˇ paˇ biꞈ kʼoꞈ laꞈ-euˬ meh. Ngaˬ-euˬ gaˇ mˇ-eu yaw huiˬ yaw mahˇ deuˬ hawˇ-eu, ngaˬ-euˬ laꞈ oˆ sahˬ paˬ sahˬ ma geuꞈ luꞈ-eu deuˬ ngaˬ-ahˇ paˇ ha geuꞈ-awˇ, ngaˬ-euˬ dzoeˬ dzaˬ-euˬ baoˬ paˇ za kʼoꞈ-euˬ uˬ taꞈ, yaw beh naˆ maˬ tseˇ ngaˬ-ahˇ taˬ huiˬ taˬ mahˇ nehˬ laꞈ-euˬ meh.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

Yaˬkoˆ 4:10

Sahˬpaˬ Miˬyehˇ-euˬ mehˬ shi nui ma nahˬ yu ni taˬ-awˬ. Aˬ yawꞈ naw maꞈ-ahˇ ciˬ huiˬ ciˬ mahˇ nehˬ laꞈ tehꞈ-a.

Yaˬkoˆ 4:6

Ehˇ kʼawꞈ, Miˬyehˇ neh biꞈ laꞈ-euˬ guiˬ lahˬ yaw dzahˇ-aˬ, kʼoeˇ naˆ maˬ tseˇ naꞈ dzehˬ-eu meh. “Nui ma huiˬ-eu mahˇ-eu tsawˇ haˬ-ahˇ Miˬyehˇ muiˇ-awˇ, nui nahˬ nui yu ahˇ-eu tsawˇ haˬ-ahˇ guiˬ lahˬ biꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.