Dawqdaq 22:22 - Akha

²² Nawˇ gʼeh nya-eu miˇ neh shaˬ zaˬ zahˬ zaˬ-ahˇ taˬ kʼaˬ gʼa. Laꞈ jeuˬ shaˇ kʼaˇ maˬ za-eu deuˬ-ahˇ yaˇ kʼaˬ ja gʼaˬ-eu taˬ leh jeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Irshaqzaq-anr tanrjoe taq daenaeq. Aqjeq mirnae aernar-aq, aqyawf-aq irshaq mae. Lanrkhaeq-anr shaqzanq daqluf-eu tsawrhaq-anr khawf, taqpar khaeqnaeq.

Dawqdaq 22:22 ပူးပေါင်းရင်းမြစ်များ

Yawˇbaˆ 31:16

Shaˬ zaˬ zahˬ zaˬ deuˬ-ahˇ ngaˇ maˬ caw ba ni maˬ byehˇ dzeh-aˬ. Miˬ coeˬ miˬ ma deuˬ-ahˇ ngehˬ maˬ gʼeh ni maˬ bi shaˬ-aˬ.

Yawˇbaˆ 31:21

Muˇ coe aˬ nmˇ-ahˇ ngaˇ yaˇ kʼaˬ ja gʼaˬ nya ma lehˇ noeˬ-awˇ,

Doˆ-iˇ 23:3

Shaˬ-eu zahˬ-eu tsawˇ haˬ-ahˇ gʼawˬ shaˬ haw gaˬ-eu laꞈ kʼoeˇ, aˬ yawꞈ jawˇ paw pyawˬ-awˇ yaˇ kʼaˬ maˬ ya ja-a.

Doˆ-iˇ 23:6

“Shaˬ-eu zahˬ-eu tsawˇ haˬ-ahˇ yaˇ kʼaˬ daˇ nehˬ ngeh, maˬ tsaˬ maˬ dawˇ-eu laꞈ kʼoeˇ maˬ ya daˇ nehˬ-a.

Dawqdaq 21:7

Maˬ tsaˬ maˬ dawˇ-eu deuˬ yaw haiˬ jeˬ mˇ-eu iˬ baˇ naꞈ-awˇ, yaw tsaˬ yaw dawˇ jeˬ mˇ-eu nui ma maˬ jaˆ-a.

Dawqdaq 22:16

Smˇ muiˬ-ahˇ laꞈ sawˬ biꞈ-awˇ, yaw shaˬ zaˬ deuˬ-euˬ uˬ duˬ-ahˇ dzaˬ naˇ, nawˇ shaˬ le tehꞈ-a.

Iˇsaˬyaˇ 10:2

Zaˬ coeˬ zaˬ-euˬ yaw tsaˬ yaw dawˇ-ahˇ sheu kaˬ-awˇ, iˇ shaˬ zaˬ-ahˇ yaw lehˬ ciˬ pi-eu meh. Miˬ coeˬ miˬ ma-ahˇ yehˬ bawˬ sehˇ lu-ehˇ gʼeh-awˇ, muˇ coe aˬ nmˇ-ahˇ tahˇ joe joe-eu meh.

Yeˬsaˬgeˬlaˇ 22:29

Smˇ muiˬ smˇ baw deuˬ mehˇ shuiˇ shuiˇ-awˇ, tahˇ joe joe-eu meh. Shaˬ zaˬ zahˬ zaˬ kʼoeˇ taˆ kʼaˆ dzaˬ-awˇ, aˬ cawˬ tsawˇ jeuˬ-euˬ uˬ duˬ-ahˇ dzaˬ-eu meh.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Uˬ duˬ 25:17

Iˇsaˬleˬlaˆ tsawˇ haˬ cawˬ cawˬ, tsawˇ gahˇ taˬ gahˇ dzaˬ. Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˬ.

Zaˬkaˬliˇ 7:10

Miˬ coeˬ miˬ ma deuˬ, muˇ coe aˬ nmˇ deuˬ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ hawˇ-eu, shaˬ-eu zahˬ-eu tsawˇ haˬ deuˬ-ahˇ taˬ kʼehˬ taˬ kʼaˆ nehˬ. Tiˬ gʼaˬ tiˇ gʼaˬ laˆ coeˬ laˆ ciˆ-eu jeˬ taˬ mˇ’ lehˇ dawˬ biꞈ-euˬ ma.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Dawˬmehˬ 23:16

Naw maꞈ-euˬ meuˬ deuˬ laꞈ kʼoeˇ aˬ yawꞈ kʼaˇ jawˇ mawꞈ-eu meuˬ-ahˇ ya bi jawˇ meh. Aˬ yawꞈ-ahˇ maˬ ya kʼehˬ maˬ ya kʼaˆ nehˬ-a.