Dawqdaq 21:8 - Akha

⁸ Tsawˇ doeˇ gaˇ jaw poˆ. Tsawˇ muiˬ gaˇ dawˇ shaˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yawlaeq tsawrhaq-euq garma-aq, Birpyawv-aer ghae-eu mae. Aerkhawf, yawshawr tsawrhaq mr-eu jeq-aq yawtsaq mae.

Dawqdaq 21:8 ပူးပေါင်းရင်းမြစ်များ

Aˇ dahˬ 6:12

Miˇ tsaˬ-ahˇ Miˬyehˇ haw ngeh, cawˆ dui dui-iˇ taˬ-euˬ gaˇ ya mawˇ-euˬ meh. Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ yaw haiˬ jeˬ tehꞈ-ehˇ mˇ-awˇ, maˬ tsaˬ maˬ dawˇ-eu jeˬ laꞈ kʼoeˇ tehꞈ-ehˇ yaw dehꞈ dehꞈ luꞈ-eu meh.

Dawqdaq 15:26

Yaw haiˬ deuˬ-euˬ nui noeˬ-ahˇ Sahˬpaˬ Miˬyehˇ nui daˆ daˆ-awˇ, yaw sui yaw dawˇ deuˬ-euˬ dawˬ aˬ yawꞈ-ahˇ laˬ kʼaˬ bi cehˇ-eu meh.

Dawqdaq 2:15

Gaˇ ma yaw dawˇ-ahˇ byehˇ dzeh-awˇ, gaˇ bahˬ iˇ luꞈ-eu tsawˇ haˬ kʼoeˇ deuˬ-euˬ laꞈ-ahˇ, (zaˬ siˬ tsawˇ gahˇ nawˬ-ahˇ ka kʼoꞈ nehˬ laꞈ tehꞈ-a.)

Dawqdaq 21:9

Mehˬ boeˬ taˆ-eu miˬ zaˬ nehˬ-ehˇ dahˬ dzaˬ-eu naˆ maˬ tseˇ, nymˇ mˬ-ahˇ daˆ jawˇ leˇ-eu zaˬ dzehˬ meh.

Dawqdaq 30:12

Yawˬ haˇ yawˬ ha yaw shawˇ ma lehˇ noeˬ-eu jawꞈ dui dui-eu tsawˇ haˬ jawˇ-eu meh.

Dawˬ tsoˆ 7:29

Ngaˬ neh poˆ duˬ-euˬ gaˇ kawˆ uˬ dzah-aˬ, heu loꞈ-ehˇ ma. Miˬyehˇ neh aˬ dui-ahˇ beh taˬ-euˬ muiˬ dui jaˬ dui dui-eu meh. Ehˇ kʼawꞈ, aˬ dui yawˬ haˇ yawˬ ha dehꞈ bahˬ dehꞈ lahˇ-euˬ meh.”

Dawˬ tsoˆ 9:3

Tsawˇ muiˬ tsawˇ doeˇ maˬ baw ni, tsawˇ haˬ dawˬ tawˆ luꞈ aˬ yawꞈ tiˬ tsahˇ-ahˇ tehꞈ-ehˇ uˬ duˬ ya duˬ leˇ-eu meh. Nahˇ ma heu siˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ, kʼoeˇ naˆ ni doeˇ-eu meh. Tsawˇ haˬ zaˬ yaw dehꞈ kʼaˇ dehꞈ kʼoeˇ keuˆ ni, nui ma laꞈ kʼoeˇ yaw haiˬ jeˬ hawˇ-eu aˬ dzawˬ aˇ gah gah-eu jeˬ tehꞈ-ehˇ byah luꞈ-awˇ, ja pyuˬ ni ya shiˇ jiˇ-eu meh.

Iˇsaˬyaˇ 26:7

Sahˬpaˬ Miˬyehˇ nawˇ tsawˇ muiˬ deuˬ gʼaˇ duˬ, gaˇ ma saˇ lehˆ ni shaˇ dahˇ-awˇ, juiˇ tsui ni laˆ saˆ nehˬ-eu meh.

Iˇsaˬyaˇ 59:8

Naw maꞈ dawˬ peh tiˬ gʼaˬ-iˬ nui saˇ maˬ oꞈ-a. Naw maꞈ mˇ-euˬ yaw tsaˬ tiˬ jeˬ-iˬ maˬ jaˆ-a. Gaˇ ma yaw gʼahˬ kahˇ-ahˇ naw maꞈ cah-awˇ, kʼoeˇ gaˇ kʼaˇ cah-eu tsawˇ haˬ nui saˇ maˬ oꞈ-a.

Daˬyeˬlaˇ 12:10

Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.

Maꞈtehˬ 12:33

“Aˇ siˬ yaw muiˬ geuꞈ mawꞈ naˇ, aˇ bawˇ-ahˇ ya laˆ saˆ nehˬ meh. Aˇ bawˇ yaw doeˇ-ahˇ aˇ siˬ yaw muiˬ maˬ siˬ le-a. Aˇ siˬ-ahˇ haw-awˇ, aˇ bawˇ-ahˇ siˬ duˬ nya-eu meh.

Maꞈtehˬ 5:8

“Nui ma laꞈ kʼoeˇ muiˬ-eu shawˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ ya mawˇ tehꞈ-a.

Gʼaˬkʼehˇ 15:9

Aˬ dui hawˇ-eu aˬ yawꞈ maꞈ-ahˇ aˬ yawꞈ tiˬ jeˬ-iˬ maˬ sawˇ beu-a. Aˬ yawꞈ maꞈ jah-eu miˇ neh, aˬ yawꞈ iˬ baˇ pyehˬ nehˬ-euˬ meh.

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

Tiˇtuˆ 1:15

Shawˇ jehˆ ni gʼeh-eu tsawˇ haˬ deuˬ gʼaˇ duˬ, yawˬ jeˬ na luꞈ yaw shawˇ meh. Ehˇ kʼawꞈ, maˬ jah-eu jawꞈ-eu tsawˇ haˬ deuˬ gʼaˇ duˬ-aˬ, yaw shawˇ tiˬ jeˬ-iˬ maˬ jaˆ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma maˬ ehˇ, noeˬ siˬ nya-eu jeˬ maˬ ehˇ, dawˬ tawˆ luꞈ yaw jawꞈ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

1 Yoˇhaˬ 2:29

Ka li yaw tsaˬ yaw dawˇ meh lehˇ naw maꞈ siˬ nya luꞈ-eu-aˬ, yaw tsaˬ yaw dawˇ jeˬ kʼaˇ mˇ-eu tsawˇ haˬ yawˬ gʼaˬ na luꞈ Miˬyehˇ-euˬ zaˬ meh lehˇ naw maꞈ siˬ nya-eu tsaˬ meh.

1 Yoˇhaˬ 3:3

Ka li laꞈ kʼoeˇ, kʼoeˇ loꞈ-ehˇ kʼaˇ noeˬ tmˬ taˬ-euˬ tsawˇ haˬ deuˬ-aˬ, Ka li muiˬ-eu shawˇ-eu loꞈ-ehˇ, yawˬ ha kʼawꞈ ya bi muiˬ ya bi shawˇ meh.