Dawqdaq 21:4 - Akha

⁴ Haiˬ-eu deuˬ-euˬ nui ma yaw huiˬ yaw mahˇ, iˬ baˇ huiˬ dui dui meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nuima huiq-awr janrghae-eu myavnuiv, Hawr-eu tsawrcawv-euq tsirkhmq-aq, iqbax mae.

Dawqdaq 21:4 ပူးပေါင်းရင်းမြစ်များ

Yawˇbaˆ 18:5

Haiˬ-eu tsawˇ haˬ-euˬ yaw shehꞈ miˆ-iˇ tehꞈ-a. Miˬ dzaˬ miˬ lmˇ maˬ paˇ doˆ laˇ-ehˇ pyeuꞈ-iˇ tehꞈ-a.

Yawˇbaˆ 18:6

Aˬ yawꞈ-euˬ sehˬ gʼawˆ laꞈ kʼoeˇ doꞈ-eu tsiˇ kʼmˬ miˆ-iˇ tehꞈ-a.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

Jaceuq 101:5

Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

Jaceuq 131:1

Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.

Dawqdaq 15:8

Tsawˇ muiˬ neh shaˇ-euˬ shaˇ dawˬ-ahˇ Sahˬpaˬ Miˬyehˇ nui kʼahˇ shiˇ-awˇ, tsawˇ doeˇ neh lawˇ-euˬ shehˇ-euˬ jeˬ-ahˇ aˬ yawꞈ bye-eu meh.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Dawqdaq 24:20

Maˬ tsaˬ maˬ dawˇ-eu tsawˇ haˬ yaw dehꞈ dehꞈ-eu uˬ duˬ duˬ leˇ kʼaˇ maˬ za-a. Noeˬ tmˬ duˬ tiˬ jeˬ-iˬ maˬ jaˆ-a. -30-

Dawqdaq 30:13

Yawˬ haˇ yawˬ ha maˬ gaˇ dui dui miˇ-a lehˇ noeˬ-eu tsawˇ haˬ jawˇ-eu meh.

Dawqdaq 6:16

Sahˬpaˬ Miˬyehˇ bye-eu koꞈ jeˬ jaˆ-awˇ, aˬ yawꞈ nui daˆ daˆ-eu shiꞈ jeˬ jaˆ meh.

Dawqdaq 6:17

Jahˇ gʼeh-eu myaˆ nuiˆ tiˬ jeˬ, jaˬ myawꞈ myawꞈ-eu mehˬ laˇ tiˬ jeˬ, maˬ bahˬ-eu tsawˇ haˬ-ahˇ sehꞈ-eu aˬ laꞈ tiˬ jeˬ,

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 2:17

Tsawˇ haˬ zaˬ nui ma huiˬ-eu jeˬ bi dehˬ awˆ-awˇ, jahˇ gʼeh haw-eu nui ma bi gʼeu ka tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 3:16

Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ jahˇ huiˬ gaˇ haw sheˇ. Aˬ yawꞈ maꞈ gaˇ ma cah ngeh kawˬ lahˇ mˇ leuˇ-awˇ, myaˆ nuiˆ haw-eu jahˇ gʼeh-eu jeˬ ahˇ-eu meh. Aˬ yawꞈ maꞈ kuiˇ toꞈ ciˬ-eu mˇ yeuꞈ-awˇ, kuiˇ du-ahˇ duꞈ taˬ-euˬ kuiˇ duꞈ shoe loe shuiˇ luiˇ-ehˇ mahˇ-eu meh.

Luˇkaꞈ 11:34

Nawˬ-euˬ myaˆ nuiˆ-aˬ, nawˬ-euˬ gʼawˇ mawˇ-euˬ tsiˇ kʼmˬ pyeuꞈ-eu meh. Nawˬ-euˬ myaˆ nuiˆ muiˬ naˇ, nawˬ-euˬ gʼawˇ mawˇ mawˇ lah-ehˇ yaw shehꞈ za tehꞈ-a. Ehˇ kʼawꞈ, nawˬ-euˬ myaˆ nuiˆ maˬ muiˬ naˇ, nawˬ-euˬ gʼawˇ mawˇ mawˇ lah-ehˇ zahˇ tsui ni gʼeh tehꞈ-a.

Luˇkaꞈ 18:14

Ngaˇ naw maꞈ-ahˇ ehˇ nehˬ nyaˇ. Kawˬ taꞈ-eu tsawˇ haˬ kʼoeˇ gʼaˬ gʼoꞈ ka-iˇ ngeh, Paˬliˬsehˇ kʼoeˇ gʼaˬ naˆ maˬ tseˇ Miˬyehˇ mehˬ shi guiˬ lahˬ za dzehˬ-awˇ, tsaˬ dzehˬ dawˇ dzehˬ-eu tsawˇ haˬ pyeuꞈ laˇ-euˬ meh. Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ-aˬ, aˬ cawˬ taˬ huiˬ nehˬ-eu jeˬ-ahˇ za tehꞈ-a.”

Lormav 14:23

Ehˇ kʼawꞈ, yawˬ ha dzaˬ-eu jeˬ-ahˇ yawˬ ha-euˬ nui ma laꞈ kʼoeˇ maˬ shaw naˇ, jah-eu laꞈ kʼoeˇ mˇ-eu maˬ ngeuˇ-eu miˇ neh Miˬyehˇ yaˇ kʼaˬ daˇ gaˇ ya daˬ tehꞈ-a. Maˬ jah-eu laꞈ kʼoeˇ kʼaˇ mˇ-euˬ yawˬ jeˬ na luꞈ iˬ baˇ meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.