Dawqdaq 21:30 - Akha

³⁰ Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Ya’we Miqyaer-anr lavtsoeq nya-eu, zaqsiq tsawrganr, Ghovshaw nya-eu jeq hawr-eu maeqbawq maqjav-a.

Dawqdaq 21:30 ပူးပေါင်းရင်းမြစ်များ

2 Saˬmeuˬlaˆ 11:9

Ehˇ kʼawꞈ, Uˇliˇyaˆ gʼaˬ iˇ kahˇ maˬ gʼoꞈ-iˇ ni, sahˬ paˬ-ahˇ loꞈ piˇ-eu guiˇ maꞈ nehˬ-ehˇ, sahˬ paˬ-euˬ hawˇ nymˇ gʼoˆ kʼehˬ dawˬ peh yuꞈ-euˬ meh.

1 Sahˬpaˬ 14:6

Ehˇ kʼawꞈ, aˬ yawꞈ laˇ gʼoˆ-ahˇ uˇ laˇ-eu nehˬ-ehˇ, Aˬhiˇyaˬ heu loꞈ-ehˇ ehˇ-eu meh. “Uˇ laˇ-awˬ. Nawˇ Yeˬyawˇbamˬ-euˬ miˬ zaˬ meh lehˇ ngaˇ siˬ nya ma. Aˬ jeˬ miˇ neh yawˬ gʼaˬ yawˬ geuꞈ-awˇ oe teˬ. Nawˬ-euˬ gʼaˇ duˬ noeˬ shaˬ paˬ-ehˇ gʼeh-eu gaˇ kawˆ ehˇ nehˬ paˬ-ehˇ jaˆ-eu ma.

2 Sahˬpaˬ 6:12

Aˬ yawꞈ maꞈ laꞈ kʼoeˇ tiˬ gʼaˬ ehˇ-eu, “Sahˬ paˬ-oˇ, nga maꞈ tiˬ gʼaˬ-iˬ Iˇsaˬleˬlaˆ sahˬ paˬ jawˇ paw pyawˬ-eu maˬ ngeuˇ, Miˬyehˇ gʼaˇ duˬ ngehˬ dah-eu Eˇliˇshehˇ kʼoeˇ gʼaˬ-aˬ, nawˬ-euˬ naˬ suˬ laꞈ kʼoeˇ nawˬ neh ngehˬ-euˬ dawˬ-ahˇ keuˆ ni, Iˇsaˬleˬlaˆ sahˬ paˬ-ahˇ ehˇ nehˬ luꞈ-eu meh.”

Yawˇbaˆ 41:2

Byaˆ yahˬ-ahˇ nawˇ naˇ kaˬ smˇ nya-awˇ, mehˬ law-ahˇ kuˆ seuˬ tahˇ byoe nya te loˇ.

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Dawˬ tsoˆ 6:10

Kʼaˇ pyeuꞈ laˇ-eu jeˬ dawˬ tawˆ luꞈ, aˇ hu ba neh ehˇ taˬ-awˇ jaˆ-eu gaˇ kawˆ tehꞈ meh. Yawˬ ha naˆ maˬ tseˇ gʼaˬ kʼaˆ-eu tsawˇ haˬ nehˬ-ehˇ tsawˇ pyehˇ maˬ pyehˇ nya-a lehˇ, tsawˇ haˬ yawˬ gʼaˬ na luꞈ siˬ nya meh.

Iˇsaˬyaˇ 14:27

Baoˬ huiˬ-eu Sahˬpaˬ Miˬyehˇ neh lehˬ hmˬ taˬ-euˬ jeˬ-ahˇ, kawˆ pyaˆ nya-eu aˬ suˇ gʼaˬ jawˇ ta. Cawˬ ja taˬ-eu aˬ yawꞈ-eu aˬ laꞈ-ahˇ, dehˬ kʼoꞈ nya-eu aˬ suˇ gʼaˬ jawˇ ta.

Iˇsaˬyaˇ 36:5

Aˬ yawꞈ ehˇ-eu, “Guiˇ deuˆ-eu tsawˇ gahˇ hawˇ-eu baoˬ maˬ jaˆ gaˇ, mehˬ boeˬ neh gʼaˬ leˇ nya ma lehˇ naw maꞈ noeˬ te loˇ. Aˬshuˇliˆ tsawˇ jeuˬ-ahˇ naw maꞈ ciˬ cehˆ nya ni, naw maꞈ-ahˇ aˬ suˇ gʼaˬ caw ba le gaˇ noeˬ muiˬ luꞈ te.

Iˇsaˬyaˇ 45:9

Miˇ tsaˬ oeˬ lahˬ tsahˬ-ahˇ ga-eu miˇ tsaˬ oeˬ lahˬ, tehˆsahˇ-ahˇ dawˬ dziˇ dziˇ leˇ nya ta loˇ. Oeˬ lahˬ tehˆ gaˇ zmˬ-euˬ shaˬ jehˆ, tehˆ sahˇ-ahˇ teh ngehˬ leˇ nya ta loˇ. Tehˆ sahˇ gʼaˬ maˬ bym law nyaˬ lehˇ, shaˬ jehˆ oeˬ lahˬ ehˇ nya ta loˇ.

Yeˬlaˬmiˇ 9:23

Sahˬpaˬ Miˬyehˇ ehˇ-eu, “Tsawˇ gahˇ ahˇ-eu tsawˇ haˬ tsawˇ gahˇ kʼahˬ sehˇ taˬ jehˆ. Baoˬ ahˇ-eu tsawˇ haˬ baoˬ kʼahˬ sehˇ taˬ jehˆ. Pyuˇ shuiˇ jaˆ-eu tsawˇ haˬ pyuˇ shuiˇ kʼahˬ sehˇ taˬ jehˆ.

Yawˇnaˆ 1:13

Ehˇ kʼawꞈ, saˇ baoˬ kʼoeˇ taˆ gaˇ mˇ-eu tsawˇ haˬ kʼoeˇ deuˬ-aˬ, saˇ baoˬ kʼoeˇ laˇ-ahˇ laˆ shaˆ lawˇ deh-ahˇ heu keuˆ gʼeh-eu lehˇ leh jeh-awˇ heu dui dui-euˬ meh. Aˬ yawꞈ maꞈ kʼoeˇ loꞈ-ehˇ leh jeh-awˇ heu kʼawꞈ, jaˬ lehˇ lehˇ ma kʼoeˇ bahˬ ngehˬ baw ngehˬ kʼaˆ laˇ-eu miˇ neh, tiˬ gʼaˬ-iˬ maˬ heu luˆ nya-a.

Gʼaˬkʼehˇ 5:38

Kʼoeˇ miˇ neh, gaˇ kawˆ heu hmˬ-ahˇ taꞈ leˇ-awˇ, naw maꞈ-ahˇ ngaˇ heu loꞈ-ehˇ ehˇ mawꞈ miˇ-a. Tsawˇ haˬ heu deuˬ-ahˇ do maˬ yuˇ ni bi jawˇ-awˬ. Aˬ yawꞈ maꞈ neh mˇ-euˬ gaˇ heu, tsawˇ haˬ zaˬ neh noeˬ doˆ-awˇ mˇ-euˬ jeˬ ngeuˇ naˇ, aˬ yawˇ yawꞈ piˬ-iˇ byoˆ-iˇ tehꞈ-a.

Gʼaˬkʼehˇ 5:39

Ehˇ kʼawꞈ, Miˬyehˇ neh bi mˇ-euˬ jeˬ ngeuˇ lawˬ naˇ, naw maꞈ maˬ zuiˆ gʼaˬ nya-aˇ. Nymˬ-mˇ Miˬyehˇ-ahˇ guiˇ deuˆ cawˬ shaˇ gaˇ duˇ tehꞈ-a.” Baꞈ dzah aˇ muˇ kʼoeˇ, Gaˬmaˬleˬlaˇ-euˬ ehˇ dawˬ geuꞈ-euˬ meh.

Yawˇshuˆ 2:2

Kʼoeˇ ngeh miˇ, Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ kʼoeˬ sho laˇ-euˬ gaˇ kawˆ, Yeˬliˇkoˇ sahˬ paˬ ya gaˬ-euˬ meh.

1 Beˬtuˆluˆ 2:8

Jaˇliꞈ laꞈ kʼoeˇ heu loꞈ-ehˇ paˇ ehˇ taˬ-euˬ jaˆ-eu meh. “Tsawˇ haˬ zaˬ sahˬ tiꞈ bi tiꞈ-awˇ, bi coˬ dzeh-iˇ-eu kʼaˬ lo meh.” Miˬyehˇ dawˬ kawˬ-ahˇ aˬ yawꞈ maꞈ maˬ jah-eu baˬ da neh, aˬ yawꞈ maꞈ sahˬ tiˬ tiꞈ-eu meh. A yawꞈ maꞈ sahˬ tiˬ tiꞈ-eu kʼoeˇ-aˬ, Miˬyehˇ aˇ hu ba neh lehˬ hmˬ taˬ-euˬ jeˬ pyeuꞈ-eu meh.