Dawqdaq 21:21 - Akha

²¹ Nawˇ ziˇ baw ziˇ za nya ni, gʼawˬ shaˬ gaˬ-eu nui ma ahˇ-awˇ yaw tsaˬ yaw dawˇ jeˬ mˇ-awˬ. Aˬ cawˬ nawˬ-ahˇ yaw zeu baw tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Tsaq-awr dawr-eu jeq hawr-eu, Ghawqshaq gaq-eu jeq-anr cantae-eu tsawrhaq-aq, Daef-eu jeq, tsaq-awr dawr-eu jeq hawr-eu khanqsaer ya’mawr taef-a.

Dawqdaq 21:21 ပူးပေါင်းရင်းမြစ်များ

Jaceuq 112:4

Gʼawˬ shaˬ gaˬ nya-awˇ yaw tsaˬ yaw dawˇ jeˬ-ahˇ gaˬ-eu muiˬ-eu jaˬ-eu tsawˇ haˬ deuˬ kʼoeˇ taˆ, yaw zahˇ laꞈ kʼoeˇ yaw shehꞈ bya-eu meh.

Dawqdaq 10:16

Yaw tsaˬ yaw dawˇ tsawˇ haˬ-euˬ gʼaˬ mahˇ poeˬ-aˬ, aˬ yawꞈ-ahˇ bi dehꞈ dzaˬ laˇ-awˇ, haiˬ-eu tsawˇ haˬ deuˬ neh laˆ za-euˬ pyuˇ shuiˇ-aˬ, iˬ baˇ bi doˆ laˇ-eu meh.

Dawqdaq 11:19

Yaw tsaˬ yaw dawˇ jeˬ-ahˇ tsuˆ tehˬ taˬ-euˬ deuˬ ya dehꞈ-awˇ, yaw haiˬ jeˬ mehˬ nah caw teh-eu deuˬ ya shiˇ tehꞈ-a.

Dawqdaq 15:9

Haiˬ-eu deuˬ neh mˇ-euˬ gaˇ-ahˇ, Sahˬpaˬ Miˬyehˇ nui daˆ daˆ-awˇ, yaw tsaˬ yaw dawˇ mˇ-eu tsawˇ haˬ deuˬ-ahˇ, aˬ yawꞈ gaˬ-eu meh.

Dawqdaq 22:4

Smˇ muiˬ muiˬ-awˇ tsawˇ myahˇ doˆ-eu uˬ taꞈ ziˇ baw ziˇ za nya ni, Sahˬpaˬ Miˬyehˇ ehˇ dawˬ naˇ haˬ-awˇ, nui ma nahˬ yu ni taˬ-awˬ.

Dawqdaq 3:22

Aˬ yawꞈ-aˬ, nawˬ-euˬ nui ma-ahˇ dehꞈ-eu saꞈ laˇ biꞈ-awˇ, nawˬ-euˬ kawˬ lahˇ aˇ gʼehˇ muiˬ laˇ ni shuiˇ lawˇ dah bi dah laꞈ gaˇ duˇ tehꞈ-a.

Iˇsaˬyaˇ 51:1

Sahˬpaˬ Miˬyehˇ heu loꞈ-ehˇ ehˇ-eu meh. “Ka kʼoꞈ-eu jeˬ-ahˇ poˆ luꞈ-awˇ, ngaˬ-ahˇ tahˬ shaˇ laˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Naw maꞈ doˆ le-euˬ lo guˇ-ahˇ haw-awˬ. Naw maꞈ-ahˇ taꞈ doˆ-euˬ lo gahˬ-ahˇ shaˇ noeˬ-awˬ.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Lormav 14:19

Kʼoeˇ miˇ neh, tiˬ gʼaˬ tiˇ gʼaˬ tsaˬ leˇ dzoeˇ leˇ-eu jeˬ hawˇ-eu, tiˬ gʼaˬ tiˇ gʼaˬ caw dehˬ caw toˆ-eu jeˬ-ahˇ aˬ dui noeˬ tsoˆ taˬ-eu tsaˬ meh.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

Piˇliˇpiˆ 3:12

Ngaˇ heu loꞈ-ehˇ ehˇ-eu-aˬ, nymˬ-mˇ za gʼaˬ-euˬ ma lehˇ ehˇ-eu maˬ ngeuˇ. Byah laˇ gʼaˬ-euˬ ma lehˇ ehˇ-eu kʼawꞈ maˬ ngeuˇ. Yeˬsuˇ Ka li neh ngaˬ-ahˇ aˬ yawꞈ-euˬ tsawˇ haˬ bi pyeuꞈ laˇ-euˬ loꞈ-ehˇ, laꞈ sawˬ kʼoeˇ-ahˇ ngaˇ za nya ni leh jeh luꞈ-eu ma.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

2 Tiˆmoˇseˬ 2:22

Zaˬ guˬ deuˬ nui kʼahˇ jaˆ-eu jeˬ-ahˇ gaˇ jaw jaw-awˇ, Sahˬpaˬ Yeˬsuˇ-ahˇ caw ba nehˬ laꞈ lehˇ kuˇ luꞈ-eu nui ma shawˇ jehˆ ni gʼeh-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, yaw tsaˬ yaw dawˇ jeˬ , jah-eu jeˬ, gʼoeˇ-eu gaˬ-eu jeˬ, tsaˬ leˇ dzoeˇ leˇ-eu jeˬ, heu deuˬ gʼaˇ duˬ leh jeh dui dui-awˬ.

HeˬByehˇ 12:14

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ tsahˇ leˇ-eu laꞈ kʼoeˇ yaw muiˬ yaw shawˇ shawˇ-ehˇ dehꞈ-awˬ. Kʼoeˇ loꞈ-ehˇ maˬ dehꞈ naˇ, tsawˇ haˬ tiˬ gʼaˬ-iˬ Sahˬpaˬ Miˬyehˇ-ahˇ maˬ mawˇ nya-a.

1 Beˬtuˆluˆ 1:7

Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.