Dawqdaq 21:11 - Akha

¹¹ Naˬ lehˬ-ahˇ diˬ paˇ-eu jeˬ-aˬ, dawˇ ga-ahˇ bi noeˬ gahˇ-eu meh. Yaw gahˇ deuˬ dawˬ mehˬ dawˬ tsoˆ gʼoˆ geuꞈ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqjaf jaf-eu tsawrhaq-anr khaeqnaeq ngae, Maqdzaw-euq zaq-anr bi ganrlar-eu mae. Aerkhawf, tsawrganr anr-eu tsawrhaq-anr maeqnaeq tsovnaeq ngae, Siqnya-eu tsawrganr za-eu mae.

Dawqdaq 21:11 ပူးပေါင်းရင်းမြစ်များ

Dawqdaq 1:5

Dawˬ daˬ heu deuˬ-aˬ, nui gahˇ ahˇ-eu deuˬ-ahˇ bi gahˇ dzehˬ laˇ-awˇ, zaˬ siˬ tsawˇ gahˇ byah-eu tsawˇ haˬ deuˬ-ahˇ bi byah dzehˬ laˇ-eu miˇ neh,

Dawqdaq 15:14

Zaˬ siˬ zaˬ, tsawˇ gahˇ poˆ, aˇ gah zaˬ, aˬ jaꞈ jaꞈ.

Dawqdaq 18:1

Aˬ cawˬ-ahˇ maˬ dehꞈ tsaˬ nya-eu tsawˇ haˬ, yawˬ ha nui noeˬ tehꞈ-ehˇ geuꞈ-awˇ, aˬ cawˬ-euˬ dawˬ maˬ geuꞈ-a.

Dawqdaq 18:15

Nui noeˬ dehꞈ-eu tsawˇ haˬ tsawˇ gahˇ za-awˇ, zaˬ siˬ naˬ bawˇ tsawˇ gahˇ ciˬ kʼmˇ-eu meh.

Dawqdaq 19:25

Zaˬ siˬ zaˬ dawˬ mehˬ dawˬ tsoˆ gʼoˆ geuꞈ nya kʼawꞈ, dawˇ ga deuˬ dzaw geuꞈ nya ni, naˬ lehˬ-ahˇ ya diˬ-eu meh.

Dawqdaq 9:7

Kʼahˬ sehˇ jehˆ-eu tsawˇ haˬ-ahˇ dzaw paˇ-eu gʼaˬ, dawˬ doeˇ ya daˬ-awˇ, aˬ dzawˬ aˇ gah-ahˇ mehˬ paˇ-eu gʼaˬ, laˆ tahˬ laˆ naˇ laˇ gaˇ ya daˬ tehꞈ-a.

Dawqdaq 9:9

Tsawˇ gahˇ ahˇ-eu tsawˇ haˬ-ahˇ mehˬ nehˬ tsoˆ nehˬ naˇ, tsawˇ gahˇ ahˇ dzehˬ laˇ tehꞈ-a. Yaw tsaˬ yaw dawˇ tsawˇ haˬ-ahˇ mehˬ nehˬ tsoˆ nehˬ naˇ, siˬ laˇ gahˇ laˇ dzehˬ tehꞈ-a.

Bawˇtsahˬ 16:34

Aˬ yawꞈ maꞈ guˇ-awˇ ngoeˇ-eu teˇ saˇ-ahˇ ya gaˬ ngeh, kʼoeˇ gaˇ jawˇ-eu Iˇsaˬleˬlaˆ tsawˇ haˬ deuˬ, “Cehˆ-awˬ de. Aˬ dui maꞈ-ahˇ kʼawꞈ miˇ tsaˬ paˇ myoꞈ ahˇ laˇ nmˇ de” lehˇ guˇ guˇ-ehˇ cehˆ jiˇ-euˬ meh.

Gʼaˬkʼehˇ 5:5

Dawˬ kʼoeˇ dawˬ-ahˇ Haˬnaˬniˇ ya gaˬ-euˬ nehˬ-ehˇ, coˬ dzeh-awˇ shiˇ-euˬ meh. Gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ guˆ dui dui-iˇ-euˬ meh.

Dawˬmehˬ 13:11

Pyeuꞈ laˇ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ dawˬ tawˆ luꞈ ya gaˬ-awˇ guˆ-eu laꞈ kʼoeˇ, kʼoeˇ loꞈ-ehˇ gʼeh-eu maˬ muiˬ maˬ jaˬ-eu jeˬ-ahˇ, tsawˇ haˬ tiˬ gʼaˬ-iˬ maˬ paˇ mˇ peuˬ ni pyeuꞈ-iˇ tehꞈ-a.

Dawˬmehˬ 21:21

Kʼoeˇ ngeh, meuˬ-ahˇ jawˇ-eu tsawˇ haˬ deuˬ aˬ li kʼoeˇ gʼaˬ-ahˇ kʼaˬ lo neh ya biˬ sehꞈ meh. Kʼoeˇ loꞈ-ehˇ jahˇ-eu laꞈ kʼoeˇ, kʼoeˇ loꞈ-ehˇ gʼeh-eu yaw haiˬ jeˬ byoˆ-iˇ ni naw maꞈ ya mˇ meh. Gaˇ kawˆ kʼoeˇ Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ yawˬ gʼaˬ na luꞈ ya gaˬ-awˇ, guˆ-iˇ tehꞈ-a.

Panmaeq 11:13

Kʼoeˇ ngeh kʼaˆ tseuˆ ni, miˇ luˆ yaw kʼaˆ-ehˇ luˆ laˇ-euˬ baˬ da neh, meuˬ kʼoeˇ meuˬ-euˬ tseˇ bymˇ tiˬ bymˇ cawˆ-iˇ-awˇ, tsawˇ haˬ shiꞈ heˇ gʼaˬ shiˇ-euˬ meh. Dzeˇ-eu tsawˇ haˬ deuˬ guˆ dui dui-iˇ-awˇ, mˬ taˆ Miˬyehˇ huiˬ dui mahˇ dui dui gaˇ ja ceuˬ tehꞈ-a.