Dawqdaq 20:6 - Akha

⁶ Mehˬ boeˬ saˇ jaˇ ziꞈ-eu tiˬ tahˇ tiˬ yaˇ, nui ma saˇ jaˇ ziꞈ-eu tiˬ gʼaˬ maˬ keuˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Tsawrhaq myaqni-aq, yawqha yawmuiq ma laer taef-aer aer-eu mae. Aerkhawf, sarjax zif-eu tsawrhaq-anr aqsur ghaq povmawr nya-eu?

Dawqdaq 20:6 ပူးပေါင်းရင်းမြစ်များ

Jaceuq 12:1

Sahˬpaˬ Miˬyehˇ caw ba le-awˬ. Tsawˇmuiˬtiˬ gʼaˬ-iˬ maˬjawˇ-ehˇ, tsawˇjaˬ maˬpaˇpoˆmawˇnya meh.

Jaceuq 12:2

tiˬgʼaˬtiˇgʼaˬ jaˬmyawꞈmyawꞈ-awˇ, nui ma nyiˬjeˬnoeˬ-eu laꞈkʼoeˇ, mehˇshuiˇshuiˇdzaˬ-eu toˆ-eu meh.

Dawqdaq 20:5

Tsawˇ haˬ nui noeˬ tmˬ naꞈ dawˬ dah pahˬ kʼawꞈ, zaˬ siˬ tsawˇ siˬ beuˬ doˆ laꞈ nya-eu meh.

Dawqdaq 25:14

Yawˬ ha maˬ mˇ keuˆ nya gaˇ keuˆ ni saˇ jaˇ dzaˬ-eu tsawˇ haˬ-aˬ, uˬ yehˇ maˬ ahˇ-eu mˬ dmˇ hawˇ-eu jaˬ lehˇ-ahˇ duˇ-eu meh.

Dawqdaq 27:2

Yawˬ haˇ yawˬ ha taˬ ja ceuˬ. Aˬ cawˬ neh bi ja ceuˬ-awˬ. Boeˇ miˬ siˬ kʼaˬ deuˬ neh bi ja ceuˬ-awˬ.

Dawˬ tsoˆ 7:28

Ngaˇ maˬ siˬ nya-eu gaˇ kawˆ nui deuˬ poˆ duˬ-eu lehˇ leh jeh kʼawꞈ, maˬ poˆ mawˇ nya nya. Kʼaˬ dzeˇ zaˬ tiˬ heˇ gʼaˬ laꞈ kʼoeˇ yaw zeu baw nehˬ paˬ-ehˇ gʼeh-eu tiˬ gʼaˬ ahˇ-awˇ, zaˬ miˬ zaˬ laꞈ kʼoeˇ tiˬ gʼaˬ-iˬ maˬ ahˇ-a.

Yeˬlaˬmiˇ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, meuˬ-euˬ gaˇ ma doe ni cehˆ doe haw-awˬ. Doe doe-ehˇ cah-awˇ haw doe-awˬ. Lehˆ kawˆ doe ni poˆ doe haw-awˬ. Yaw tsaˬ yaw dawˇ jeˬ-ahˇ mˇ-awˇ, Miˬyehˇ-ahˇ saˇ jaˇ ziꞈ-awˇ dehꞈ luꞈ-eu, tsawˇ haˬ tiˬ gʼaˬ nawˇ mawˇ nya naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ iˬ baˇ pyehˬ nehˬ tehꞈ-a.

Miˇkaˬ 7:1

Ngaˇ nui ma cawˆ dui dui miˇ-a. Aˇ siˬ tiˬ siˬ-iˬ maˬ ngeuˬ-eu aˇ siˬ aˇ bawˇ hawˇ-eu aˬ gaꞈ baw duˆ-ahˇ tahˬ puˬ le-euˬ mehꞈ-eu shuꞈ-eu tsawˇ haˬ tiˬ gʼaˬ-ahˇ duˇ miˇ-a. Aˬ gaꞈ aˇ siˬ hawˇ-eu kuiˇ dui dui-eu siˬ guˬ maˇ sheuˇ aˇ siˬ dawˬ tawˆ luꞈ pyaˆ cuˬ jiˇ taˬ-euˬ meh.

Miˇkaˬ 7:2

Miˇ kʼahˬ kʼahˬ lah-ehˇ yaw sui yaw dawˇ tiˬ gʼaˬ-iˬ maˬ jawˇ-ehˇ, Miˬyehˇ -ahˇ saˇ jaˇ ziꞈ-eu tiˬ gʼaˬ-iˬ maˬ jawˇ-a. Tsawˇ haˬ yawˬ gʼaˬ na luꞈ aˬ cawˬ-ahˇ sehꞈ-eu lehˇ nawˬ jawˬ luꞈ meh. Yawˬ gʼaˬ na luꞈ yawˬ ha-euˬ miˇ kʼahˬ laꞈ kʼoeˇ tiˬ kawˆ loꞈ-ehˇ jawˇ-eu tsawˇ haˬ-ahˇ lahˇ ju kʼmˇ-eu meh.

Maꞈtehˬ 6:2

“Shaˬ-eu zahˬ-eu tsawˇ haˬ deuˬ-ahˇ gamꞈ nehˬ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ, daˇ heh baw baw-ehˇ gamꞈ-eu jeˬ taˬ jahˇ. Aˬ yawꞈ maꞈ-aˬ, aˬ cawˬ bi ciˬ poeˬ-eu gʼaˇ duˬ, uˬ duˬ tahˬ nymˇ laꞈ kʼoeˇ maˬ ehˇ, gaˇ ma doe ni maˬ ehˇ, daˇ heh baw-awˇ gamꞈ nehˬ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Luˇkaꞈ 18:11

“Paˬliˬsehˇ kʼoeˇ gʼaˬ tiˬ paw yawꞈ-awˇ, ‘Miˬyehˇ-oˇ, ngaˇ-aˬ, aˬ cawˬ-ahˇ maˬ duˇ-eu miˇ neh nawˬ-euˬ guiˬ lahˬ-ahˇ ja ceuˬ-eu ma. Aˬ cawˬ loꞈ-ehˇ kʼoeˬ dzaˬ kʼaˆ dzaˬ-eu, maˬ sui maˬ dawˇ-eu, aˬ cawˬ miˬ zaˬ-ahˇ bahˬ-eu heu deuˬ ngaˇ maˬ mˇ. Kʼoeˇ uˬ taꞈ, kʼoeˇ gaˇ yawꞈ luꞈ-eu kawˬ taꞈ-eu tsawˇ haˬ heu gʼaˬ-ahˇ ngaˇ maˬ duˇ-eu miˇ neh, nawˬ-euˬ guiˬ lahˬ-ahˇ ja ceuˬ-eu ma.

Luˇkaꞈ 18:28

Kʼoeˇ ngeh, Beˬtuˆluˆ ehˇ-eu, “Haw sheˇ. Nga maꞈ kʼaˇ jaˆ-eu yawˬ jeˬ na luꞈ byehˇ dzeh yaꞈ jiˇ-awˇ, nawˬ-euˬ mehˬ nah caw teh laˇ-euˬ maˬ ngeuˇ nga loˇ.”

Luˇkaꞈ 18:8

Aˬ yawꞈ maꞈ-euˬ gʼaˇ duˬ aˬ yawꞈ yaw kawˇ-ehˇ yaˇ kʼaˬ daˇ tehꞈ-a lehˇ, naw maꞈ-ahˇ ngaˇ ehˇ-eu ma. Ehˇ kʼawꞈ, Tsawˇhaˬ-euˬ Zaˬmaˇ zaꞈ le ngeh, miˇ tsaˬ kʼoeˇ taˆ jah-eu jeˬ jaˆ luꞈ gaˇ ya mawˇ tehꞈ-a loˇ.”

Luˇkaꞈ 22:33

Beˬtuˆluˆ ehˇ-eu, “Sahˬpaˬ-oˇ, nawˬ nehˬ-ehˇ paꞈ kuˆ-ahˇ tiˬ kawˆ loꞈ-ehˇ uˇ-awˇ tiˬ gaˇ shiˇ-eu gʼaˇ duˬ ngaˇ noeˬ tsehˆ taˬ-euˬ ma.”

Yoˇhaˬ 1:47

Naˬdaˬneˬlaˇ aˬ yawꞈ jawˇ gaˇ laˇ luꞈ-eu ya mawˇ ngeh, Yeˬsuˇ ehˇ-eu, “Maˇ maˇ ni gʼeh-eu Iˇsaˬleˬlaˆ tsawˇ haˬ laˇ ngaˇ. Aˬ yawꞈ laꞈ kʼoeˇ jaˬ myawꞈ myawꞈ-eu jeˬ tiˬ pawꞈ-iˬ maˬ ahˇ-a.”

2 Gawˇliˬtu 12:11

Ngaˇ aˬ dzawˬ aˇ gah-euˬ dawˬ ngehˬ la. Kʼoeˇ loꞈ-ehˇ ngehˬ ni naw maꞈ neh teh suꞈ nehˬ laꞈ-euˬ meh. Naw maꞈ ngaˬ-ahˇ noeˬ muiˬ nehˬ laꞈ paˬ-ehˇ gʼeh-eu meh. Ngaˇ-aˬ, gaˇ dahˇ tsoeˬ leˇ-eu tsawˇ haˬ maˬ ngeuˇ kʼawꞈ, naw maꞈ-euˬ huiˬ dzehˬ mahˇ dzeuˬ-eu gʼaˬ kʼehˇ kʼoeˇ deuˬ taꞈ-ehˇ tiˬ pawꞈ-iˬ maˬ nyiˇ teˬ.