Dawqdaq 20:3 - Akha

³ Iˬ dehˬ yahˇ-eu suˇ gahˇ. Iˬ ceh poˆ-euˬ suˇ dzawˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Iqdaeq iqcae-anr maqbi keuvlerni, Lavnaq nya-eu tsawrhaq-aq, taqhuiq-eu jeq za taef-a. Aerkhawf, aqdzawq argan aqgeu ghaq maqkaq, Caedanqbae nya-eu mae.

Dawqdaq 20:3 ပူးပေါင်းရင်းမြစ်များ

Aˇ dahˬ 13:7

Kʼoeˇ miˇ neh, Aˬbyaˬ-euˬ jeˬ zaˬ bo-eu tsawˇ haˬ deuˬ hawˇ-eu, Lawˇtaˬ-euˬ jeˬ zaˬ bo-eu tsawˇ haˬ deuˬ yaw kaˬ, tiˬ kʼehˬ maˬ taˬ ni dawˬ ja doˆ-eu meh. Aˇ yamˬ kʼoeˇ yamˬ-ahˇ, Kaˬnaˬ tsawˇ jeuˬ hawˇ-eu Paˬyehˆ tsawˇ jeuˬ kʼawꞈ, miˇ kʼahˬ kʼoeˇ kʼahˬ laꞈ kʼoeˇ jawˇ luꞈ-eu meh.

Aˇ dahˬ 13:8

Kʼoeˇ ngeh, Lawˇtaˬ-ahˇ Aˬbyaˬ ehˇ nehˬ-eu, “Aˇ nyaꞈ-aˬ, aˬ uiˬ hawˇ-eu aˬ duˇ lehˇ gʼeh-eu miˇ neh, nawˬ-euˬ tsawˇ haˬ hawˇ-eu ngaˬ-euˬ tsawˇ haˬ yaw kaˬ dawˬ ja bi laˆ doˆ-eu maˬ muiˬ-a.

2 Sahˬpaˬ 14:9

Ehˇ kʼawꞈ, sahˬ paˬ Yeˬhawˇshaˆ neh heu loꞈ-ehˇ ehˇ kʼoꞈ nehˬ-euˬ meh. “Aˇ hu ba, Leˬbaˬnoˬ gawˬ jawˬ-ahˇ dehꞈ-eu aˬ gah baw duˆ tiˬ duˆ neh, shuˬ liˇ aˇ bawˇ-ahˇ, ‘Nawˬ buˇ ngaˬ li-ahˇ bi mˇ dzaˬ le-awˬ’ lehˇ bi ehˇ gaˬ leˇ-euˬ meh jeˇ. Kʼoeˇ ngeh, Leˬbaˬnoˬ gawˬ jawˬ-ahˇ jawˇ-eu bawˇ tsahˬ jeˬ zaˬ tiˬ mawˇ oe tsehˆ-awˇ, aˬ gah baw duˆ kʼoeˇ duˆ-ahˇ nawˬ lawˇ-euˬ meh jeˇ.

Dawqdaq 14:17

Nui ma yaw suˬ deuˬ aˬ laꞈ kawˇ-awˇ, tsawˇ gahˇ byah-eu deuˬ nui ma yaw mahˇ meh.

Dawqdaq 14:29

Oˇ dzeuˇ nya-eu tsawˇ haˬ zaˬ siˬ tsawˇ gahˇ byah-awˇ, nui ma yaw suˬ deuˬ yawˬ ha-euˬ yaw lehˬ pah pyehˬ-eu meh.

Dawqdaq 16:32

Oˇ dzeuˇ nya-eu jeˬ-aˬ, aˬ cawˬ-ahˇ gʼaˬ leˇ-eu jeˬ naˆ maˬ tseˇ muiˬ-awˇ, meuˬ meuˬ lah-ehˇ deuˆ gʼaˬ-eu naˆ maˬ tseˇ, yawˬ ha-euˬ nui ma-ahˇ gʼaˬ leˇ-eu poeˬ dzehˬ meh.

Dawqdaq 17:14

Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Dawqdaq 18:6

Aˬ dzawˬ-euˬ mehˬ luˬ iˬ dehˬ iˬ ceh mehˬ kʼehˬ pyeuꞈ-awˇ, aˇ gah-euˬ kʼaˬ meh daˇ cuiˇ shaˇ diˬ-eu meh.

Dawqdaq 19:11

Nui ma-ahˇ noeˬ-eu tsawˇ haˬ nui pehˇ laꞈ nyiˇ maˬ bi mawˇ-ehˇ, iˬ dehˬ iˬ ceh oˇ dzeuˇ-eu jeˬ, aˬ yawꞈ-euˬ kʼahˬ sehˇ meh.

Dawqdaq 21:24

Aˬ dzawˬ aˇ gah aˬ cawˬ maˬ ngeuˇ-a, nui ma huiˬ-eu gʼaˬ meh.

Dawqdaq 26:17

Yawˬ ha-ahˇ tiˬ jeˬ-iˬ maˬ taꞈ gaˇ, aˬ cawˬ tsawˇ pyehˇ pyehˇ gaˇ uˇ leˇ-eu tsawˇ haˬ-aˬ, meuˬ gʼahˇ lahˇ ceh aˬ kuiˬ naˬ paꞈ-ahˇ tsuˆ tehˬ-iˇ gaˇ duˇ tehꞈ-a.

Eˇpeˇsu 4:32

Ka li laꞈ kʼoeˇ Miˬyehˇ naw maꞈ-ahˇ iˬ baˇ pyehˬ nehˬ laꞈ-euˬ loꞈ-ehˇ, naw maꞈ kʼawꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ gʼawˬ shaˬ gaˬ-awˇ iˬ baˇ pyehˬ-awˬ.

Yaˬkoˆ 3:14

Ehˇ kʼawꞈ, myaˆ naˆ-eu jeˬ, aˬ cawˬ-ahˇ nui ma naˇ-eu jeˬ hawˇ-eu, yawˬ ha-euˬ gʼaˇ duˬ tehꞈ-ehˇ shaˇ noeˬ-eu jeˬ naw maꞈ-euˬ nui ma laꞈ kʼoeˇ ahˇ naˇ, zaˬ siˬ tsawˇ gahˇ ahˇ ma lehˇ kʼahˬ sehˇ jehˆ-awˇ yaw tsaˬ yaw dawˇ jeˬ-ahˇ taˬ mˇ bahˬ.

Yaˬkoˆ 4:1

Naw maꞈ yaw kaˬ iˬ dehˬ iˬ ceh myaˬ-eu jeˬ aˬ gaˇ neh doˆ le-euˬ ta. Naw maꞈ-euˬ gʼawˇ mawˇ laꞈ kʼoeˇ aˬ myah luꞈ ceh luꞈ-eu jeˬ pyeuꞈ-eu byawˬ gʼa mo gʼa-eu nui kʼahˇ-ahˇ neh doˆ le-euˬ meh.