Dawqdaq 20:23 - Akha

²³ Maˬ byah-eu cehˇ pehˬ-ahˇ Sahˬpaˬ Miˬyehˇ nui daˆ daˆ-awˇ, maˬ tsaˬ-eu paˆ yawˬ-ahˇ aˬ yawꞈ bye-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ya’we Miqyaer, maqbyan-eu darsav losiq-anr nuidav dav-eu mae. Maqtsaq-eu pavyawq khawf maqmuiq-a.

Dawqdaq 20:23 ပူးပေါင်းရင်းမြစ်များ

Dawqdaq 11:1

Mehˇ shuiˇ shuiˇ dzaˬ-eu paˆ yawˬ-ahˇ Sahˬpaˬ Miˬyehˇ bye-awˇ, tsaˬ-eu byah-eu paˆ yawˬ-ahˇ aˬ yawꞈ nui kʼahˇ shiˇ-eu meh.

Dawqdaq 20:10

Maˬ byah cehˇ pehˬ maˬ tsaˬ daˇ leuˇ, Sahˬpaˬ Miˬyehˇ bye-eu nyiˬ jeˬ.

Yeˬsaˬgeˬlaˇ 45:10

“Yawˬ gʼaˬ na luꞈ tsaˬ-eu cehˇ pehˬ hawˇ-eu tsaˬ-eu daˇ leuˇ ya zmˬ meh.

Hawˇseˬ 12:7

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-aˬ, Kaˬnaˬ tsawˇ haˬ kʼoeˇ deuˬ loꞈ-ehˇ, maˬ sui maˬ dawˇ-eu tsawˇ haˬ meh. Maˬ tsaˬ-eu daˇ leuˇ neh saˆ-awˇ, mehˇ shuiˇ shuiˇ-eu nui ma ahˇ meh.

Aˬmoˆ 8:5

Naw maꞈ yawˬ haˇ yawˬ ha heu loꞈ-ehˇ ehˇ luꞈ meh. “Nga maꞈ cehˇ ahˬ-eu tehˬ-eu miˇ neh, nah lah ya lah-eu muiˬ-eu shawˇ-eu aˇ nah heu deuˬ dzeuˇ-iˇ gaˇ keuˆ ni maˬ dawˬ keuˆ coeˇ nya. Nga maꞈ cehˇ ya ahˬ-eu jawˇ nah dzeuˇ ngeh nah aˬ myah keuˆ le-eu lehˇ gʼeh ta heu. Kʼoeˇ ngeh, nga maꞈ aˇ poeˬ shaˇ daˆ-awˇ, maˬ byah-eu kuˬ pehˬ zmˬ-eu uˬ taꞈ, daˇ leuˇ maˬ tsaˬ ni jahˇ-awˇ, zeuˇ laˇ-eu tsawˇ haˬ deuˬ-ahˇ mehˇ shuiˇ shuiˇ dzaˬma.

Dawˬmehˬ 25:13

Lu jawꞈ-i hawˇ-eu paˆ yawˬ zmˬ ngeh, tsawˇ gahˇ maˬ ya gahˇ dzaˬ-a.