Dawqdaq 20:2 - Akha

² Sahˬ paˬ nui pehˇ dzoeˬ-eu kʼaˬ laˬ, sahˬ paˬ-ahˇ laˆ ca-euˬ tsawˇ shiˇ uˬ kʼawˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Sanqpaq nuima paerlar nar-aq, Joeqluf-eu arlaqjaqshir-anr dur-eu mae. Aqyawf-anr nuima khar lavpaer-eu tsawrhaq-aq, Yawqha-euq daefzir-anr yawqha iqbax mr-eu mae.

Dawqdaq 20:2 ပူးပေါင်းရင်းမြစ်များ

1 Sahˬpaˬ 2:23

Kʼoeˇ naˇ, Sahˬpaˬ Miˬyehˇ-euˬ tsawˇ myahˇ uˬ moˆ Sawˇlaˬmoˬ saˇ jaˇ dzaˬ-awˇ ehˇ-eu, “Heu loꞈ-ehˇ shaˇ-eu baˬ da neh Aˬdawˇniˇyaˆ maˬ shiˇ-ehˇ ya bi dehꞈ lawˬ naˇ, Miˬyehˇ ngaˬ-ahˇ sehꞈ luꞈ-uˇ.

1 Sahˬpaˬ 2:24

Sahˬpaˬ Miˬyehˇ ngaˬ-ahˇ ngaˬ da Daˬbiˇ-euˬ nuiˇ mahˬ kʼoeˇ taˆ ziꞈ dah ni bi nuiˇ laꞈ-euˬ meh. Aˬ yawꞈ neh dzaˬ taˬ-euˬ saˇ jaˇ-ahˇ aˬ yawꞈ ziꞈ luꞈ-eu laꞈ kʼoeˇ, ngaˇ hawˇ-eu ngaˬ-euˬ zaˬ ngaˬ-euˬ uˆ deuˬ-ahˇ, miˇ kʼahˬ heu kʼahˬ a nehˬ laꞈ gʼaˬ-euˬ meh. Iˬ nah Aˬdawˇniˇyaˆ ya shiˇ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ ehˇ tsehˆ-eu ma.”

Dawqdaq 19:12

Sahˬ paˬ-euˬ nui pehˇ kʼaˬ laˬ joeˬ gaˇ duˇ-awˇ, aˬ yawꞈ-euˬ nui gaˬ yaˇ moꞈ-ahˇ ceuˬ ga gaˇ duˇ-eu meh.

Dawqdaq 8:36

Ehˇ kʼawꞈ, ngaˬ-ahˇ maˬ mawˇ-euˬ tsawˇ haˬ-aˬ, yawˬ haˇ yawˬ ha laˆ shaˬ tehꞈ-a. Ngaˬ-ahˇ kʼaˇ bye-eu tsawˇ haˬ shiˇ-eu jeˬ-ahˇ gaˬ-eu meh.”

Dawˬ tsoˆ 10:4

Sahˬ paˬ sahˬ ma nawˬ-ahˇ nui ma maˬ saˇ ngeh, nawˬ-ahˇ biꞈ taˬ-euˬ gaˇ maˬ mˇ ni taˬ byehˇ dzeh. Ciˬ cuˇ ni jawˇ-eu jeˬ-aˬ, huiˬ-eu iˬ baˇ bi buˬ-iˇ nya-eu meh.

Hawˇseˬ 11:10

“Aˇ laˬ jaˬ shiˇ lmˬ-eu loꞈ-ehˇ, muiˇ-eu deuˬ-ahˇ ngaˇ lmˬ nehˬ ngeh, ngaˬ-euˬ tsawˇ haˬ deuˬ ngaˇ jawˇ gaˇ, nahˇ ma ga kʼehˬ paw pyawˬ-ahˇ neh, guˆ guˆ-ehˇ cehˆ gʼoꞈ laꞈ tehꞈ-a.

Aˬmoˆ 3:8

Aˇ laˬ jaˬ shiˇ joeˬ laˇ ngeh, aˬ suˇ gʼaˬ maˬ guˆ ni jawˇ tehˬ coeˇ ta. Baoˬ huiˬ-eu Sahˬpaˬ Miˬyehˇ dawˬ ngehˬ ngeh, aˬ yawꞈ-euˬ dawˬ maˬ tsaꞈ gaˬ-iˇ ni aˬ suˇ gʼaˬ jawˇ tehˬ coeˇ ta.

Haˬbaˬkuˆ 2:10

Aˬ cawˬ-ahˇ nawˇ yaw doeˇ jahˇ-eu, nawˬ-euˬ nymˇ jiˇ myaˆ pyawˬ cawˆ-awˇ, nawˬ-euˬ uˬ kʼawˇ deuˬ laˇ tehꞈ-a.

Bawˇtsahˬ 16:38

Lawˇ duˬ-ahˇ yuˇ gʼeh ngeh, guiˬ gʼawˆ kʼoeˇ deuˬ muiˬ laˇ shawˇ laˇ tehꞈ-a. Kʼoeˇ ngeh, yawˬ ha-euˬ iˬ baˇ baˬ da neh ya shiˇ-euˬ tsawˇ haˬ kʼoeˇ deuˬ-euˬ guiˬ gʼawˆ kʼoeˇ deuˬ yuˇ-awˇ, aˇ yaˆ tehˆ yaˆ-awˇ, lawˇ duˬ-ahˇ dehˬ kaˬ-eu kʼmˬ pymˬ tiˬ hmˬ jahˇ-awˬ. Heu-aˬ, Iˇsaˬleˬlaˆ tsawˇ haˬ deuˬ bi yahˇ-eu gʼaˇ duˬ, bi siˬ bi mawˇ-eu jeˬ pyeuꞈ tehꞈ-a.”