Dawqdaq 20:18 - Akha

¹⁸ Bawˬ toˆ yaw muiˬ suˇ teˇ naˇ, suˇ dawˬ maˬ kuꞈ gaˇ guiˇ taˬ deuˆ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Maeqbawq-euq baqda’nae bawqtov dovlar-eu mae. Maeqbawq yawmuiq za-awr nae taef-aer guirdeuv deuv-awq.

Dawqdaq 20:18 ပူးပေါင်းရင်းမြစ်များ

1 Sahˬpaˬ 1:12

Ngaˇ nawˬ-ahˇ heu loꞈ-ehˇ ja noeˬ ja duˇ nehˬ nyaˇ. Nawˇ hawˇ-eu nawˬ li Sawˇlaˬmoˬ maˬ ya shiˇ ni dehꞈ mawꞈ te lehˇ ngeuˇ naˇ, heu loꞈ-ehˇ jahˇ-awˬ.

2 Sahˬpaˬ 18:20

Baoˬ hawˇ-eu tsawˇ gahˇ-ahˇ gʼoe-awˇ guiˇ deuˆ-eu maˬ ngeuˇ-ehˇ, kʼaˬ meh mehˬ boeˬ-ahˇ gʼoe-awˇ guiˇ deuˆ nya meh lehˇ naw maꞈ noeˬ te loˇ. Aˬshuˇliˆ miˇ kʼahˬ-ahˇ naw maꞈ puiˬ peuˬ paˬ-ehˇ, naw maꞈ-ahˇ aˬ suˇ gʼaˬ caw ba nehˬ laꞈ tehꞈ-a lehˇ noeˬ luꞈ te.

Dawqdaq 11:14

Sheuˬ gʼeh-eu gʼaˬ maˬ jawˇ ngeh, tsawˇ jeuˬ byoˆ le-awˇ, mehˬ-eu tsoˆ-eu tsawˇ haˬ myaˬ ngeh, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za-a.

Dawqdaq 15:22

Suˇ dawˬ maˬ naˇ-aˬ, yaw lehˬ myaˬ-awˇ, tseˇ dawˬ yaˇ dawˬ naˇ-eu guiˬ lahˬ baw-eu meh.

Dawqdaq 24:6

Nawˇ guiˇ maˬ deuˆ mi naˆ-ehˇ, guiˇ aˬ joˆ-ehˇ deuˆ nmˇ lehˇ jeˬ huˬ ya sawˇ duˬ-eu meh. Muiˬ-eu byah-eu dawˬ mehˬ dawˬ tsoˆ za myaˬ naˇ, guiˇ deuˆ gʼaˬ-eu yaw duˬ baw meh. -22-

Dawqdaq 25:8

Nawˇ ya tahˬ puˬ-euˬ tiˬ jeˬ na gaˇ kawˆ-ahˇ, yaˇ kʼaˬ daˇ duˬ-ahˇ tsaꞈ gaˬ leˇ-eu taˬ tehˬ. Nui gʼaˬ nawˇ naˆ maˬ tseˇ duˬ-awˇ, nawˬ neh ehˇ-euˬ dawˬ yaw lehˬ meh lehˇ saˇ kiˇ kamˬ naˇ, nawˇ aˬ joˆ-ehˇ jahˇ nmˇ.

Luˇkaꞈ 14:31

“Sahˬ paˬ tiˬ gʼaˬ sahˬ paˬ yawˬ gʼaˬ yawˬ-ahˇ guiˇ deuˆ-eu lehˇ gʼeh ngeh, yawˬ ha-euˬ yehˇ tiˬ muiˇ gʼaˬ tehꞈ-ehˇ, aˬ cawˬ-euˬ yehˇ nyiˬ muiˇ gʼaˬ laˇ luꞈ gaˇ ciˬ daˬ-awˇ deuˆ gʼaˬ nya nga loˇ, maˬ deuˆ gʼaˬ nya nga loˇ lehˇ, jeuˬ huˬ nuiˇ-awˇ maˬ shaˇ sawˇ-aˇ loˇ.

Yaˇ kʼaˬ daˇ 19:30

Kʼoeˇ gaˇ ya mawˇ-euˬ tsawˇ haˬ yawˬ gʼaˬ na luꞈ ehˇ-eu, “Heu loꞈ-ehˇ gʼeh-eu jeˬ nga maꞈ tiˬ jawˇ-iˬ maˬ ya mawˇ haw-aˬ. Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh tiˬ nah neh, heu loꞈ-ehˇ gʼeh-eu jeˬ tiˬ jawˇ-iˬ maˬ pyeuꞈ laˇ haw-aˬ. Aˬ joˆ-ehˇ jahˇ nmˇ lehˇ shaˇ noeˬ haw sheˇ.”

Yaˇ kʼaˬ daˇ 20:18

Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ-ahˇ Iˇsaˬleˬlaˆ tsawˇ haˬ deuˬ le-awˇ, “Beˬyaˬmiˬ tsawˇ jeuˬ-ahˇ tsawˇ jeuˬ aˬ geu jeuˬ guiˇ jeˬ hu ya deuˆ-iˇ nmˇ” lehˇ, Miˬyehˇ-ahˇ naˇ haˬ-euˬ meh. “Yuˇdaˆ tsawˇ haˬ jeˬ hu deuˆ-iˇ-awˬ” lehˇ Sahˬpaˬ Miˬyehˇ ehˇ-eu meh.

Yaˇ kʼaˬ daˇ 20:7

Naw maꞈ dawˬ tawˆ luꞈ Iˇsaˬleˬlaˆ tsawˇ haˬ pyeuꞈ-eu meh. Gaˇ kawˆ heu aˬ dui aˬ joˆ-ehˇ jahˇ nmˇ.”

Yaˇ kʼaˬ daˇ 9:29

Tsawˇ haˬ heu deuˬ-ahˇ ngaˇ aˬ yuiꞈ geuꞈ-awˇ sheuˬ gʼeh mawꞈ-eu nui ma ahˇ ma. Aˬbiˇmaˬlehˆ-ahˇ ngaˇ yuˇ dzeh ma. Nawˬ-euˬ guiˇ maꞈ deuˬ deh uiˬ-awˇ ngaˬ-ahˇ guiˇ deuˆ laˇ-awˬ lehˇ, aˬ yawꞈ-ahˇ ngaˇ ehˇ nehˬ ma.”