Dawqdaq 19:29 - Akha

²⁹ Aˬ jaꞈ mehˬ hu guiˇ oꞈ aˬ dzawˬ naˇ kʼah daˇ cuiˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Aqjaf jaf-eu tsawrhaq-anr, Yarkhaq dar-eu laer laeqhmq taq-awr, Aqdzawq argan deuq-euq narkhan, Diq-eu laer laeqhmq taq-euq mae.

Dawqdaq 19:29 ပူးပေါင်းရင်းမြစ်များ

2 Sahˬpaˬ 2:24

Eˇliˇshehˇ naˇ kʼah ciˬ pyawˇ-awˇ, aˬ yawꞈ maꞈ-ahˇ lmˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ yaˬ kʼehˇ yaˬ nehˬ-euˬ meh. Kʼoeˇ ngeh, kʼaˬ hmˇ aˬ ma nyiˬ mawˇ aˇ bawˇ sahˬ kʼaˆ-ahˇ neh doˆ le-awˇ, aˬ li zaˬ guˬ oeˬ tseˇ nyiꞈ gʼaˬ-ahˇ kawꞈ sehꞈ-euˬ meh.

Jaceuq 1:1

Guiˬlahˬhuiˬ-eu tsawˇhaˬdeuˬ-aˬ, maˬtsaˬmaˬdawˇ-eu tsawˇhaˬ-euˬ mehˬbawˬ mˇgaˇ maˬnaˇhaˬ-a. Iˬbaˇmˇ-eu tsawˇhaˬdeuˬ-ahˇ, naˇhaˬgeuꞈ-awˇ maˬcaw teh-ehˇ, Miˬyehˇ-ahˇ maˬ zeu-eu deuˬ-ahˇ, taꞈ leˇ gm leˇ-eu maˬ baw-a.

Dawqdaq 1:22

“Aˬ dzawˬ deuˬ-oˇ, aˇ myah keuˆ ni dzawˬ-eu gʼeh te. Aˇ gah deuˬ-oˇ, aˇ myah keuˆ ni gah-eu gʼeh te. Aˇ myah keuˆ ni zaˬ siˬ tsawˇ gahˇ-ahˇ ja bu-eu gʼeh te.

Dawqdaq 1:26

Naw maꞈ shaˬ zahˬ naꞈ ngeh ngaˇ uiˇ haw-awˇ, guˆ-eu gaˆ-eu jeˬ keuˆ le ngeh naˬ gʼa ma.

Dawqdaq 10:13

Noeˬ dahˇ doe-eu deuˬ-euˬ mehˬ luˬ, tsawˇ gahˇ ahˇ-eu dawˬ doˆ le-awˇ, aˬ dzawˬ aˇ gah dahˇ teˇ daˇ cuiˇ oꞈ meh.

Dawqdaq 17:10

Aˬ dzawˬ aˇ gah-ahˇ tiˬ yaˇ laꞈ diˬ-eu naˆ maˬ tseˇ, zaˬ siˬ tsawˇ gahˇ ahˇ-eu gʼaˬ-ahˇ mehˬ-eu tiˬ dawˬ, nui ma bi paˇ laˇ nya-eu meh.

Dawqdaq 18:6

Aˬ dzawˬ-euˬ mehˬ luˬ iˬ dehˬ iˬ ceh mehˬ kʼehˬ pyeuꞈ-awˇ, aˇ gah-euˬ kʼaˬ meh daˇ cuiˇ shaˇ diˬ-eu meh.

Dawqdaq 26:3

Mahˬ-ahˇ aˇ caˆ neh ya juiꞈ-awˇ, mahˬ tahˬ laˆ-ahˇ mehˬ kawꞈ ya dawˆ-eu loꞈ-ehˇ, aˬ dzawˬ-ahˇ ya diˬ paˇ-eu meh.

Dawqdaq 3:34

Kʼahˬ sehˇ jehˆ-eu tsawˇ haˬ deuˬ-ahˇ aˬ yawꞈ yehˬ bawˬ-ehˇ gʼeh nehˬ-awˇ, nui nahˬ nui yu ahˇ-eu deuˬ-ahˇ aˬ yawꞈ nui ma tsaˬ-eu meh.

Dawqdaq 7:22

Laˬ peu-ahˇ paꞈ leˇ-euˬ ciˇ haˬ loꞈ-ehˇ, shaˬ jiˇ sehꞈ duˬ-ahˇ bi tsahˇ gʼeh-euˬ mawˇ neˇ loꞈ-ehˇ, maˬ nyi naˬ ni aˬ yawꞈ caw teh gʼeh-euˬ meh.

Dawqdaq 9:12

Nawˇ zaˬ siˬ tsawˇ gahˇ ahˇ naˇ, nawˬ-euˬ gʼaˇ duˬ jiˇ jeuˬ jaˆ-awˇ, nawˇ dawˇ ga gaˬ naˇ, yawˬ haˇ yawˬ ha ya shaˬ ya zahˬ tehꞈ-a.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Iˇsaˬyaˇ 29:20

Aˬ cawˬ-ahˇ kʼehˬ-eu deuˬ aˇ nah jiˇ-awˇ, aˬ cawˬ-ahˇ cehꞈ lehꞈ ka-eu deuˬ byoˆ le-awˇ, yaw haiˬ jeˬ mˇ-eu lehˇ jawˬ luꞈ-eu deuˬ bi coeˇ tsehˆ dzeh tehꞈ-a.

Dawˬmehˬ 25:2

Iˬ baˇ ahˇ-eu kʼoeˇ gʼaˬ-ahˇ ya diˬ meh lehˇ daˇ tsehˆ nehˬ-euˬ ngeuˇ naˇ, yaˇ kʼaˬ daˇ-eu gʼaˬ tsawˇ haˬ kʼoeˇ gʼaˬ-ahˇ moꞈ tsahˬ-ehˇ bi yuꞈ-awˇ, aˬ yawꞈ-euˬ mehˬ shi ya bi diˬ meh. Aˬ yawꞈ neh mˇ lehˬ-euˬ iˬ baˇ-ahˇ haw-awˇ, aˇ myaˆ laꞈ ya diˬ-euˬ ya daˇ tsehˆ nehˬ meh.

HeˬByehˇ 12:6

Aˬ jeˬ miˇ neh ehˇnaˇ, Sahˬpaˬ Miˬyehˇ gaˬ-eu gʼaˬ-ahˇ, aˬ yawꞈ mehˬ paˇ tsoˆ paˇ nehˬ-awˇ, Yawꞈ-euˬ zaˬ lehˇ sawˇ-euˬ gʼaˬ-ahˇ, aˬ yawꞈ diˬ paˇ dzaw paˇ-eu meh.”