Dawqdaq 19:27 - Akha

²⁷ Dawˬ mehˬ dawˬ tsoˆ maˬ naˇ haˬ ni byehˇ-eu aˬ li, za-euˬ tsawˇ gahˇ byoˆ jiˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Ngaq-euq zaqyo-or! Maeqdawq tsovdawq-anr maq narhaqni byaer nar-aq, Nawr siqnya-eu tsawrganr-euq dawq-anr nae, Garbanq banq-ir taef-a.

Dawqdaq 19:27 ပူးပေါင်းရင်းမြစ်များ

2 Saˬmeuˬlaˆ 13:5

Aˬmaˬnoˬ-ahˇ Yawˇnaˬdehˇ ehˇ nehˬ-eu, “Nawˇ pyaˬ-eu jahˇ geuꞈ-awˇ yuꞈ zaˇ-ahˇ yuꞈ leˇ-awˇ jawˇ-awˬ. Nawˬ da nawˬ-ahˇ haw laˇ naˇ, heu loꞈ-ehˇ ehˇ nehˬ-awˬ. ‘Ngaˬ-euˬ dmˇ ma Taˬmaˬ-ahˇ ngaˇ jawˇ gaˇ bi oe-awˇ, ngaˇ dzaˬ-eu tiˬ jeˬ paˬ bi jahˇ nehˬ le-awˬ. Ngaˇ mawˇ gaˇ aˬ yawꞈ-ahˇ dzaˇ bi jahˇ le-awˇ, aˬ yawꞈ-euˬ aˬ laꞈ neh ngaˬ-ahˇ bi dzaˬ le-awˬ’ lehˇ nawˬ da-ahˇ ehˇ nehˬ-awˬ tawˇ.”

2 Laˬsaˬbaˬ 10:10

Aˬ yawꞈ maꞈ ehˇ-eu, “Tsawˇ haˬ kʼoeˇ deuˬ-ahˇ heu loꞈ-ehˇ ehˇ kʼoꞈ nehˬ-awˬ. ‘Ngaˬ-euˬ caˇ caˬ-aˬ ngaˬ da-euˬ joꞈ naˆ maˬ tseˇ tuˇ dzehˬ ma’ lehˇ ehˇ nehˬ-awˬ.

Dawqdaq 14:7

Aˬ dzawˬ aˇ gah-ahˇ gaˇ jaw jaw-awˬ. Nawˬ-euˬ gʼaˇ duˬ lahˬ laˇ duˬ maˬ jaˆ-a.

Dawqdaq 19:26

Aˬ da-ahˇ ceh-awˇ aˬ ma-ahˇ teh-eu aˬ li, paˬ daˬ kʼahˇ daˬ ga-eu zaˬ meh.

Dawqdaq 19:28

Tsawˇ kaˬ yaw lehˬ, yaw tsaˬ yaw dawˇ-ahˇ ja bu-awˇ, yaw haiˬ-euˬ kʼaˬ meh iˬ baˇ myoꞈ ahˇ tehꞈ-a.

Yeˬlaˬmiˇ 27:9

Kʼoeˇ miˇ neh, Baˬbuˇloˬ sahˬ paˬ uˆ lahˇ-eu uˬ moˆ taˬ jawˇ lehˇ, naw maꞈ-ahˇ kʼaˇ ehˇ laˇ-eu, Miˬyehˇ gʼaˇ duˬ ngehˬ dah-eu deuˬ, nyiˇ paˬ shaˆ ma deuˬ, mah loˬ ja maw nya-eu deuˬ hawˇ-eu, yuꞈ maˆ maˆ mawˇ nya-eu deuˬ-euˬ dawˬ-ahˇ, naw maꞈ taˬ naˇ haˬ.

Maꞈtehˬ 16:12

Kʼoeˇ ngeh jawˇ, kaˬ muˇ jahˇ gaˇ dawˆ-eu dehˬ tseˬ-ahˇ yahˇ-eu gʼaˇ duˬ, Yeˬsuˇ aˬ yawꞈ maꞈ-ahˇ ehˇ mawꞈ-eu maˬ ngeuˇ-ehˇ, Paˬliˬsehˇ deuˬ hawˇ-eu Saˬduˬgehˇ deuˬ neh mehˬ-euˬ tsoˆ-euˬ dawˬ deuˬ-ahˇ yahˇ-awˬ lehˇ ehˇ mawꞈ-eu gaˇ kawˆ, zaˬ lahˇ deuˬ gʼoˆ shaw-euˬ meh.

Maꞈtehˬ 16:6

Yeˬsuˇ aˬ yawꞈ maꞈ-ahˇ ehˇ nehˬ-eu, “Paˬliˬsehˇ hawˇ-eu Saˬduˬgehˇ deuˬ-euˬ dehˬ tseˬ-ahˇ yaw kʼaˆ kʼaˆ-ehˇ yahˇ-awˬ.”

Maꞈtehˬ 7:15

“Miˬyehˇ gʼaˇ duˬ ngehˬ dah-eu jaˬ myawꞈ deuˬ-ahˇ yahˇ-awˬ. Aˬ yawꞈ maꞈ-aˬ, laꞈ nyiˇ paw haw ngeh yawˇ zaˬ loꞈ-ehˇ nahˬ jawˆ ni gʼeh gaˇ duˇ kʼawꞈ, laꞈ kʼoeˇ paw haiˬ dui dui-eu kʼaˬ yehˇ pyeuꞈ-eu meh.

Maˬkuˆ 4:24

Aˬ yawꞈ maꞈ-ahˇ aˬ yawꞈ heu loꞈ-ehˇ paˇ ehˇ nehˬ-euˬ meh. “Kʼaˇ ya gaˬ-euˬ yawˬ jeˬ na luꞈ-ahˇ yaw muiˬ paˬ-ehˇ noeˬ gahˇ-awˇ naˇ haˬ geuꞈ-awˬ. Naw maꞈ neh aˬ cawˬ-ahˇ kʼaˇ jahˇ nehˬ-euˬ loꞈ-ehˇ, naw maꞈ-ahˇ Miˬyehˇ jahˇ kʼoꞈ nehˬ laꞈ tehꞈ-a. Kʼoeˇ naˆ maˬ tseˇ kʼawꞈ, naw maꞈ-ahˇ paˇ jahˇ kʼoꞈ nehˬ laꞈ tehꞈ-a.

Yoˇhaˬ 10:5

Aˬ cawˬ-euˬ mehˬ nah yawˇ kʼoeˇ deuˬ maˬ iˇ ni cehˆ-eu meh. Aˬ jeˬ miˇ neh ehˇ naˇ, aˬ cawˬ-euˬ teˇ saˇ-ahˇ aˬ yawꞈ maꞈ maˬ siˬ nya-a.”

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

1 Tiˆmoˇseˬ 4:7

Miˬyehˇ-ahˇ yaw zeu baw-eu jeˬ maˬ ahˇ-eu ja mahˇ maˬ tsahˇ-eu aˬ poeˬ dawˬ oeˇ deuˬ-ahˇ maˬ naˇ haˬ ni, Miˬyehˇ-ahˇ yaw zeu baw-eu jeˬ laꞈ kʼoeˇ bym laˇ byehˆ laˇ ni mˇ dzaw shaˇ dzaw tehˇ tehˬ-awˬ.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.

2 Yoˇhaˬ 1:10

Kʼoeˇ miˇ neh, Ka li neh mehˬ-euˬ tsoˆ-euˬ jeˬ maˬ yuˇ laꞈ ni naw maꞈ jawˇ gaˇ kʼaˇ laˇ-eu tsawˇ haˬ deuˬ-ahˇ iˇ kahˇ laꞈ kʼoeˇ taˬ ha ahˇ. Dawˬ cawˬ kʼawꞈ taˬ puˬ nehˬ.

Panmaeq 2:2

Nawˬ neh mˇ taˬ-euˬ gaˇ deuˬ ngaˇ siˬ nya ma. Nawˇ aˇ naˆ ni leh jeh-awˇ mˇ-euˬ gaˇ kawˆ maˬ ehˇ, aˇ naˆ ni oˇ-euˬ gaˇ kawˆ maˬ ehˇ, ngaˇ siˬ nya ma. Haiˬ-eu tsawˇ haˬ deuˬ-ahˇ nawˇ maˬ bi dzeuˇ-iˇ-euˬ gaˇ kawˆ maˬ ehˇ, Miˬyehˇ gaˇ mˇ-eu gʼaˬ kʼehˇ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ deuˬ-ahˇ nawˇ lawˬ haw-euˬ gaˇ kawˆ maˬ ehˇ, aˬ yawꞈ maꞈ jaˬ myawꞈ myawꞈ-eu tsawˇ haˬ meh lehˇ nawˇ caw duˬ-euˬ gaˇ kawˆ maˬ ehˇ, ngaˇ siˬ nya ma.