Dawqdaq 19:22 - Akha

²² Tsawˇ haˬ zaˬ saˇ jaˇ ziꞈ gaˇ nui kʼahˇ jaˆ-awˇ, jaˬ myawꞈ zaˬ iˇ shaˬ maˬ tawˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Ghawqshaq gaq-eu jeq-aq, Tsawrhaqzaq tiq ghaq-euq lafkhoer nae, Aqcawq geufmawf dzaeqdzaeq-eu jeq pyeuf-eu mae. Irshaqzaq pyeuf-eu-aq, Jaqmyawf myawf-eu tsawrhaq pyeuf-eu navmaqtser muiqdzaeq-eu mae.

Dawqdaq 19:22 ပူးပေါင်းရင်းမြစ်များ

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

2 Laˬsaˬbaˬ 6:8

Ehˇ kʼawꞈ, Sahˬpaˬ Miˬyehˇ aˬ yawꞈ-ahˇ ehˇ nehˬ-eu, ‘Ngaˬ-euˬ gʼaˇ duˬ nawˇ uˬ duˬ tahˬ nymˇ tiˬ nymˇ tsoˆ mawꞈ-eu-aˬ, muiˬ meh.

Yawˇbaˆ 17:5

Tsawˇ haˬ tiˬ gʼaˬ pyuˇ shuiˇ myaˆ pyawˬ-ahˇ haw-awˇ yawˬ ha-euˬ cawˬ-ahˇ byehˇ naˇ, yawˬ ha-euˬ zaˬ deuˬ ya shaˬ ya zahˬ tehꞈ-a lehˇ dawˬ daˬ jaˆ-eu meh.

Yawˇbaˆ 6:15

Ehˇ kʼawꞈ, ngaˬ-euˬ cawˬ deuˬ-oˇ, uˬ yehˇ maˬ jaˆ ngeh gui-iˇ-eu lawˇ gawˆ deuˬ loꞈ-ehˇ, naw maꞈ ngaˬ-ahˇ saˇ jaˇ maˬ ziꞈ-a.

Jaceuq 62:9

Tsawˇ haˬ zaˬ dawˬ tawˆ luꞈ saꞈ kʼoeˬ loꞈ-ehˇ tehꞈ meh. Huiˬ zaˬ nyiˇ zaˬ dawˬ tawˆ luꞈ yawꞈ ngehꞈ meh. Aˬ yawꞈ maꞈ-ahˇ paˆ yawˬ neh saˆ haw ngeh tiˬ pawꞈ-iˬ maˬ kah-ehˇ, saꞈ kʼoeˬ naˆ maˬ tseˇ pyaˇ-eu meh.

Dawqdaq 19:1

Dawˬ ngehˬ bahˬ-eu aˬ dzawˬ aˇ gah-aˬ, maˬ lehˬ maˬ ca-eu tsawˇ shaˬ maˬ tawˬ-a.

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Dawqdaq 19:23

Sahˬpaˬ Miˬyehˇ-ahˇ guˆ-eu jeˬ ziˇ baw ziˇ za-awˇ, nui saˇ oꞈ-eu uˬ taꞈ, kʼahˬ lahˇ kʼaˇ maˬ za-a.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.