Dawqdaq 19:21 - Akha

²¹ Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Tsawrhaqzaq-euq nuima-euq lafkhoer. Bawqtov ghawqmya’ni anr-eu law-awr khawf, Ya’we Miqyaer-euq maeqbawq taef-aer zifnya-eu mae.

Dawqdaq 19:21 ပူးပေါင်းရင်းမြစ်များ

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

2 Saˬmeuˬlaˆ 17:14

Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Aˬhiˇtawˇpeˬlaˆ-euˬ nui noeˬ naˆ maˬ tseˇ, Huˇshaiˇ-euˬ nui noeˬ muiˬ dzehˬ meh lehˇ ehˇ-eu meh. Aˬhiˇtawˇpeˬlaˆ neh biꞈ-euˬ muiˬ-eu nui noeˬ nui duˇ-ahˇ aˬ yawꞈ maꞈ maˬ caw teh-ehˇ, Aˬbaˇsaˬloˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu gʼaˇ duˬ, Sahˬpaˬ Miˬyehˇ neh kʼoeˇ loꞈ-ehˇ jahˇ nehˬ-euˬ meh.

Iˇsaˬtaˆ 9:25

Ehˇ kʼawꞈ, Iˇsaˬtaˆ gʼaˬ sahˬ paˬ jawˇ gaˇ le ngeh, sahˬ paˬ dawˬ biꞈ-awˇ sahˬ boꞈ bi pyehˬ gʼeh-eu laꞈ kʼoeˇ, Haˬmaˬ neh Yuˇdaˆ tsawˇ haˬ deuˬ-ahˇ jahˇ coeˬ nehˬ-eu lehˇ lehˬ hmˬ taˬ-euˬ jeˬ, Haˬmaˬ-euˬ uˬ duˬ-ahˇ paˇ bi keuˆ le-euˬ meh.

Yawˇbaˆ 23:13

Aˬ yawꞈ tiˬ jawˇ-iˬ poˆ laˇ paˇ laˇ-eu maˬ baw-ehˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ ciˬ daˬ leˇ peuˬ-a. Aˬ yawꞈ mˇ mawꞈ-eu jeˬ mˇ gaˇ kʼawꞈ, tiˬ gʼaˬ-iˬ maˬ laˆ tsoeˬ leˇ nya-a.

Jaceuq 21:11

Sahˬpaˬ-ahˇpuiˬ-eu leh jeh kʼawꞈ, aˬyawꞈmaꞈ maˬlaˆpyeuꞈnya-ehˇ,

Jaceuq 83:4

“Iˇsaˬleˬlaˆ tsawˇ myahˇ byoˆ-iˇ ni, miˇ kʼahˬ laˆ cawˆ nehˬ kaˇ-euˇ” lehˇ, aˬ yawꞈ maꞈ bawˬ luꞈ meh.

Dawqdaq 12:2

Tsawˇ muiˬ-ahˇ Sahˬpaˬ Miˬyehˇ nui kʼahˇ shiˇ-awˇ, yaw haiˬ jeˬ toˆ-eu tsawˇ doeˇ-ahˇ aˬ yawꞈ bye-eu meh.

Dawqdaq 16:1

Nui noeˬ tsawˇ haˬ-ahˇ oꞈ kʼawꞈ, dawˬ tmˇ Sahˬpaˬ Miˬyehˇ-ahˇ oꞈ-mˇ jeˇ.

Dawqdaq 16:9

Tsawˇ haˬ zaˬ nui noeˬ bym kʼawꞈ, Sahˬpaˬ Miˬyehˇ neh kʼaˇ sheu pyawˆ-euˬ jeˬ ya geuꞈ-eu meh.

Dawqdaq 19:22

Tsawˇ haˬ zaˬ saˇ jaˇ ziꞈ gaˇ nui kʼahˇ jaˆ-awˇ, jaˬ myawꞈ zaˬ iˇ shaˬ maˬ tawˬ-a.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Dawˬ tsoˆ 7:29

Ngaˬ neh poˆ duˬ-euˬ gaˇ kawˆ uˬ dzah-aˬ, heu loꞈ-ehˇ ma. Miˬyehˇ neh aˬ dui-ahˇ beh taˬ-euˬ muiˬ dui jaˬ dui dui-eu meh. Ehˇ kʼawꞈ, aˬ dui yawˬ haˇ yawˬ ha dehꞈ bahˬ dehꞈ lahˇ-euˬ meh.”

Iˇsaˬyaˇ 14:24

Baoˬ huiˬ-eu Sahˬpaˬ Miˬyehˇ ehˇ-eu, “Ngaˬ neh kʼaˇ lehˬ hmˬ taˬ-euˬ jeˬ keuˆ le-awˇ, ngaˇ kʼaˇ noeˬ tsehˆ taˬ-euˬ jeˬ pyeuꞈ laˇ tehꞈ-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Yeˬlaˬmiˇ 44:29

Jawˇ duˬ heu tsahˇ-ahˇ naw maꞈ-ahˇ ngaˇ kʼehˬ nehˬ ma lehˇ ehˇ-euˬ dawˬ hawˇ-eu, naw maꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le ma lehˇ, Sahˬpaˬ Miˬyehˇ pyeuꞈ-eu ngaˬ neh saˇ jaˇ dzaˬ taˬ-euˬ dawˬ deuˬ aˬ diˇ aˬ maˇ ngeuˇ-eu gaˇ kawˆ, naw maꞈ-ahˇ bi siˬ bi mawˇ duˬ ma.

Yeˬsaˬgeˬlaˇ 20:32

Aˇ bawˇ hawˇ-eu lo guˇ doe ni uˬ duˬ tahˬ-eu aˬ cawˬ miˇ kʼahˬ-ahˇ jawˇ-eu tsawˇ jeuˬ deuˬ-ahˇ dehꞈ duˇ ma lehˇ, naw maꞈ noeˬ tsehˆ taˬ-euˬ meh. Kʼoeˇ loꞈ-ehˇ tiˬ jawˇ-iˬ maˬ dehꞈ pyeuꞈ nya-a.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

1 Beˬtuˆluˆ 2:8

Jaˇliꞈ laꞈ kʼoeˇ heu loꞈ-ehˇ paˇ ehˇ taˬ-euˬ jaˆ-eu meh. “Tsawˇ haˬ zaˬ sahˬ tiꞈ bi tiꞈ-awˇ, bi coˬ dzeh-iˇ-eu kʼaˬ lo meh.” Miˬyehˇ dawˬ kawˬ-ahˇ aˬ yawꞈ maꞈ maˬ jah-eu baˬ da neh, aˬ yawꞈ maꞈ sahˬ tiˬ tiꞈ-eu meh. A yawꞈ maꞈ sahˬ tiˬ tiꞈ-eu kʼoeˇ-aˬ, Miˬyehˇ aˇ hu ba neh lehˬ hmˬ taˬ-euˬ jeˬ pyeuꞈ-eu meh.

Yuˇdaˆ 1:4

Aˬ jeˬ miˇ neh ehˇ naˇ, Miˬyehˇ-ahˇ yaw zeu maˬ baw-eu tsawˇ haˬ tiˬ paˆ na deuˬ, aˬ dui laꞈ kʼoeˇ ciˬ cuˇ ni uˇ kʼoeˬ laˇ taˬ-euˬ meh. Tsawˇ haˬ kʼoeˇ deuˬ-aˬ, yawˬ ha maˬ tsaˬ maˬ dawˇ-eu laꞈ kʼoeˇ yaw dehꞈ dehꞈ-eu jeˬ-ahˇ yaw tsaˬ yaw dawˇ jeˬ bi pyeuꞈ laˇ-eu gʼaˇ duˬ Miˬyehˇ-euˬ guiˬ lahˬ yaw dzahˇ-ahˇ yuˇ pyawˆ-eu uˬ taꞈ, aˬ dui-ahˇ uˆ lahˇ-eu gʼaˬ hawˇ-eu aˬ dui-euˬ Sahˬpaˬ pyeuꞈ-eu Yeˬsuˇ Ka li-ahˇ maˬ ha geuꞈ-a. Aˬ yawꞈ maꞈ yaˇ kʼaˬ daˇ nehˬ gaˇ ya daˬ-eu gaˇ kawˆ, aˇ hu ba neh Jaˇliꞈ laꞈ kʼoeˇ ehˇ taˬ-euˬ jaˆ-eu meh.