Dawqdaq 19:16 - Akha

¹⁶ Miˬ yehˇ-euˬ zahˇ dawˬ-ahˇ gʼoe-eu tsawˇ haˬ ziˇ baw-awˇ, zahˇ dawˬ-ahˇ yaw zeu maˬ baw-eu tsawˇ haˬ ziˇ teˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Zanrdawq khofdawq-anr daefcaw-eu tsawrhaq-aq, Yawqha-euq daefzir-anr hawpirnya taef-a. Aerkhawf, yawqha-euq garma-anr hawdoer-eu tsawrhaq-aq, yashir taef-a.

Dawqdaq 19:16 ပူးပေါင်းရင်းမြစ်များ

Yawˇbaˆ 5:2

Shiˇ gaˇ keuˆ ni noeˬ shaˬ-eu-aˬ, tsawˇ uˬ deuˬ mˇ-eu gaˇ meh.

Jaceuq 103:18

Aˬ yawꞈ-euˬ dawˬ ma saˇ jaˇ-ahˇ ziꞈ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu deuˬ-ahˇ, muiˬ-eu guiˬ lahˬ kʼoeˇ loꞈ-ehˇ biꞈ-eu meh.

Dawqdaq 13:13

Dawˬ mehˬ dawˬ tsoˆ maˬ naˇ haˬ-eu tsawˇ haˬ, shaˬ zahˬ shaˇ pi gaˇ duˇ-awˇ, dawˬ mehˬ dawˬ tsoˆ naˇ haˬ geuꞈ-eu tsawˇ haˬ, guiˬ lahˬ shaˇ baꞈ gaˇ duˇ-eu meh.

Dawqdaq 15:32

Dawˬ mehˬ maˬ naˇ haˬ-ehˇ-aˬ, yaw ha-ahˇ laˆ shaˬ-awˇ, dawˬ tsoˆ-ahˇ noeˬ poˆ-eu-aˬ, tsawˇ gahˇ lahˬ-mˇ jeˇ.

Dawqdaq 16:17

Tsawˇ muiˬ-euˬ gaˇ jawˬ yaw haiˬ-ahˇ gaˇ jaw jaw-awˇ, yawˬ ha gaˇ ma yawˬ ha yahˇ-awˇ cah naˇ, yawˬ ha-euˬ saꞈ laˇ-ahˇ haw piˇ gaˇ duˇ-eu meh.

Dawqdaq 21:16

Nui ma-ahˇ maˬ noeˬ ni dehꞈ-eu deuˬ-euˬ mehˬ hu, shiˇ-eu jeˬ dawˬ luꞈ meh.

Dawqdaq 21:23

Shaˬ zahˬ jaw dzeuˇ mawꞈ-eu aˬ cawˇ, dawˬ tmˇ dawˬ ngehˬ yahˇ-awˬ.

Dawqdaq 22:5

Yawˬ ha-euˬ saꞈ laˇ-ahˇ yawˬ ha gaˬ naˇ, gaˇ pehˇ kahˇ li jaˆ-eu haiˬ-eu deuˬ-ahˇ kʼmˇ taˬ-euˬ lahˇ ju-ahˇ yahˇ-awˬ.

Dawqdaq 29:18

Miˬyehˇ sheuˬ gʼeh-eu mehˬ nah maˬ caw teh-eu tsawˇ jeuˬ-aˬ, zahˇ sahˇ kʼoꞈ maˬ baw ni kʼaˇ dehꞈ mawꞈ-eu dehꞈ-eu meh. Miˬyehˇ-euˬ zahˇ sahˇ kʼoꞈ-ahˇ caw teh-eu tsawˇ haˬ nui saˇ oꞈ-eu meh.

Dawqdaq 3:1

Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawˬ tsoˆ 12:13

Dawˬ tawˆ luꞈ kʼoeˇ taˆ uˬ duˬ duˬ leˇ-eu, ehˇ paˬ-ehˇ gʼeh-eu tiˬ jeˬ jaˆ-eu tehꞈ meh. Miˬyehˇ-ahˇ guˆ-awˇ, aˬ yawꞈ-euˬ dawˬ naˇ haˬ geuꞈ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ beh taˬ-euˬ-aˬ, kʼoeˇ loꞈ-ehˇ bi mˇ-eu gʼaˇ duˬ meh.

Dawˬ tsoˆ 8:5

Aˬ yawꞈ-euˬ dawˬ-ahˇ kʼaˇ naˇ haˬ kʼoeˇ keuˆ ni, yaw dehꞈ dehꞈ-eu kʼahˬ lahˇ kʼaˇ maˬ za-a. Zaˬ siˬ tsawˇ gahˇ ahˇ-eu deuˬ, aˬ yawꞈ nui ma tsaˬ ni aˬ joˆ-ehˇ ya dehꞈ ya jawˇ-eu aˇ tsuiꞈ aˇ law siˬ nya-eu meh.

Yeˬlaˬmiˇ 7:23

Ehˇ kʼawꞈ ni, ngaˇ aˬ yawꞈ maꞈ-euˬ Miˬyehˇ pyeuꞈ-awˇ, aˬ yawꞈ maꞈ ngaˬ-euˬ tsawˇ haˬ pyeuꞈ ni, ngaˬ-euˬ ehˇ dawˬ-ahˇ ya naˇ haˬ geuꞈ meh lehˇ, aˬ yawꞈ maꞈ-ahˇ ngaˬ neh biꞈ taˬ-euˬ dawˬ jaˆ ma. Yawˬ jeˬ na luꞈ laꞈ kʼoeˇ aˬ yawꞈ maꞈ guiˬ lahˬ za nya ni, ngaˬ neh dawˬ biꞈ-euˬ loꞈ-ehˇ dehꞈ-eu gʼaˇ duˬ, aˬ yawꞈ maꞈ-ahˇ ngaˇ ehˇ nehˬ-euˬ ma.

Yeˬsaˬgeˬlaˇ 33:5

Aˬ yawꞈ-euˬ yaw lehˬ baˬ da neh aˬ yawꞈ ya shiˇ-eu meh. Aˬ jeˬ miˇ neh ehˇ naˇ, daˇ heh teˇ saˇ gaˬ-euˬ kʼawꞈ aˬ yawˬ maˬ yahˇ-a. Aˬ yawꞈ yahˇ law nmˇ-aˬ, shiˇ kʼawˇ dzeuˇ tehꞈ-a.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Luˇkaꞈ 10:28

Yeˬsuˇ ehˇ-eu, “Nawˇ ehˇ-eu tsaˬ meh. Kʼoeˇ loꞈ-ehˇ mˇ-awˬ. Mˬ maˬ maˬ byaˆ zaˇ ziˇ dehꞈ-eu jeˬ-ahˇ nawˇ za tehꞈ-a.”

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Yoˇhaˬ 14:15

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

1 Gawˇliˬtu 7:19

Aˬ jeˬ miˇ neh ehˇ naˇ, baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, beu gaˇ duˬ maˬ jaˆ-a. Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu tehꞈ-ehˇ gaˇ dahˇ tsoeˬ-eu meh.

1 Yoˇhaˬ 3:22

Aˬ yawꞈ-euˬ dawˬ-ahˇ aˬ dui naˇ haꞈ geuꞈ-awˇ, aˬ yawꞈ nui kʼahˇ shiˇ-eu jeˬ aˬ dui mˇ-eu miˇ neh, aˬ yawꞈ-ahˇ kʼaˇ shaˇ-eu jeˬ aˬ dui za-eu ma.

1 Yoˇhaˬ 5:3

Aˬ dui Miˬyehˇ-ahˇ gaˬ-eu lehˇ ehˇ-eu kʼoeˇ-aˬ, aˬ yawꞈ-euˬ dawˬ-ahˇ naˇ haˬ geuꞈ gaˇ ehˇ-eu meh. Aˬ yawꞈ-euˬ dawˬ-aˬ, aˬ dui maˬ caw teh nya paˬ-ehˇ shaˬ-eu jeˬ maˬ ngeuˇ-a.

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.