Dawqdaq 19:12 - Akha

¹² Sahˬ paˬ-euˬ nui pehˇ kʼaˬ laˬ joeˬ gaˇ duˇ-awˇ, aˬ yawꞈ-euˬ nui gaˬ yaˇ moꞈ-ahˇ ceuˬ ga gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Sanqpaq nuima paerlar nar-aq, Joeqluf-eu arlaqjaqshir-anr dur-eu mae. Aerkhawf, aqyawf-euq ghoer mr-eu jeq-aq, Yarmof-euq khoertav gadav le-euq ceuq-anr dur-eu mae.

Dawqdaq 19:12 ပူးပေါင်းရင်းမြစ်များ

Aˇ dahˬ 27:28

Mˬ kʼoeˇ taˆ neh Miˬyehˇ ceuˬ bi ga le-awˇ, nawˬ-euˬ deh yaˇ miˇ tsaˬ miˇ muiˬ muiˬ dui dui laˇ luꞈ-uˇ. Miˬyehˇ nawˬ-ahˇ dzaˬ la gʼo cehˇ hawˇ-eu aˬ gaꞈ dzaˇ uiˇ tiˬ byah tiˬ loꞈ biꞈ luꞈ-uˇ.

2 Saˬmeuˬlaˆ 23:4

kʼahˬ zaˬ deh zaˬ deuˬ-euˬ kʼoeˇ taˆ, uˬ shaw yaw shehꞈ bya gaˇ duˇ meh. Juˬ kʼoeˬ maˬ tmˬ-eu uˬ shawˬ paw, nahˇ ma gʼa doˆ laˇ gaˇ duˇ-awˇ, Yaˇ moꞈ dehꞈ doˆ laˇ ni oe-eu, uˬ yehˇ tiˬ bahˬ-ahˇ duˇ-eu meh.”

Iˇsaˬtaˆ 1:12

Ehˇ kʼawꞈ, sahˬ paˬ kʼoeˇ loꞈ-ehˇ dawˬ biꞈ-euˬ gaˇ kawˆ sahˬ paˬ miˬ zaˬ Baˬshaˬtiˇ-ahˇ zaˬ kʼaˆ kʼoeˇ deuˬ ehˇ nehˬ ngeh, Baˬshaˬtiˇ gʼaˬ sahˬ paˬ jawˇ gaˇ maˬ iˇ ni jawˇ-euˬ meh. Aˬ yawꞈ kʼoeˇ loꞈ-ehˇ maˬ iˇ ni jawˇ-euˬ miˇ neh, sahˬ paˬ nui ma pehˇ-euˬ meh.

Iˇsaˬtaˆ 7:8

Sahˬ paˬ yaˇ kmˇ-ahˇ neh nymˇ laꞈ kʼoeˇ paˇ gʼoꞈ uˇ keuˆ laˇ ngeh, Haˬmaˬ gʼaˬ Iˇsaˬtaˆ nuiˇ luꞈ-eu nuiˇ mahˬ dawˬ peh coˬ lah-awˇ gʼawˬ shaˬ bi gaˬ nehˬ-eu gʼaˇ duˬ tahˬ shaˇ luꞈ-eu tiˬ dehˬ pyeuꞈ-eu meh. Kʼoeˇ loꞈ-ehˇ coꞈ lah gʼeh gaˇ sahˬ paˬ ya mawˇ ngeh, “Tsawˇ haˬ heu gʼaˬ ngaˬ-euˬ nymˇ laꞈ kʼoeˇ, ngaˬ-euˬ mehˬ shi nyiˬ paˆ-ehˇ, sahˬ paˬ miˬ zaˬ-ahˇ dawꞈ-awˇ yehˬ bawˬ-ehˇ jahˇ-eu gʼeh ta loˇ” lehˇ yaw kʼaˆ-ehˇ guˇ-eu meh. Sahˬ paˬ kʼoeˇ loꞈ-ehˇ guˇ doˆ laˇ-euˬ nehˬ-ehˇ, sahˬ paˬ-euˬ zaˬ miˬ zaˬ deuˬ-ahˇ haw luꞈ pyaˆ luꞈ-eu tsawˇ haˬ deuˬ Haˬmaˬ-euˬ uˬ duˬ-ahˇ dehˬ kaˬ-euˬ meh.

Jaceuq 133:3

Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.

Jaceuq 72:6

Sahˬ paˬ gʼaˬ deh ga-ahˇ yehˇ le-eu uˬ yehˇ-ahˇ duˇ luꞈ-uˇ. Miˇ tsaˬ-ahˇ yehˇ shehˬ le-eu uˬ yehˇ-ahˇ duˇ luꞈ-uˇ.

Dawqdaq 20:2

Sahˬ paˬ nui pehˇ dzoeˬ-eu kʼaˬ laˬ, sahˬ paˬ-ahˇ laˆ ca-euˬ tsawˇ shiˇ uˬ kʼawˇ.

Dawqdaq 28:15

Maˬ tsaˬ maˬ dawˇ-eu sahˬ paˬ-aˬ, shaˬ zaˬ zahˬ zaˬ mehˬ shi joeˬ joeˬ-ehˇ cah-eu aˇ laˬ jaˬ shiˇ hawˇ-eu, lmˬ lmˬ-ehˇ oe-eu kʼaˬ hmˇ-ahˇ duˇ-eu meh.

Dawˬ tsoˆ 8:4

Sahˬ paˬ-aˬ, baoˬ-ahˇ gʼoe-awˇ gaˇ mˇ-eu miˇ neh, tiˬ gʼaˬ-iˬ maˬ teh ngehˬ leˇ nya-a.

Iˇsaˬyaˇ 18:4

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Nahˇ ma yaw shehꞈ laꞈ kʼoeˇ ahˇ-eu nahˇ tsaˇ hawˇ-eu, nahˇ tsaˇ tsoꞈ gaˇ cehˇ diˬ luꞈ ngeh jaˆ-eu ceuˬ ahˇ-eu mˬ dmˇ loꞈ-ehˇ, mˬ taˆ ngaˬ-euˬ jawˇ duˬ-ahˇ ngaˇ jawˇ-awˇ, ciˬ cuˇ ni haw luꞈ ma.

Daˬyeˬlaˇ 5:19

Aˬ yawꞈ huiˬ dui mahˇ dui dui-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ, aˬ yawꞈ-ahˇ guˆ-awˇ yaw dzuˬ dzuˬ-eu meh. Aˬ yawꞈ sehꞈ mawꞈ-eu gʼaˬ-ahˇ sehꞈ-awˇ, aˬ yawꞈ bi dehꞈ mawꞈ-eu gʼaˬ-ahˇ maˬ sehꞈ ni bi dehꞈ-euˬ meh. Aˬ yawꞈ ciˬ huiˬ mawꞈ-eu gʼaˬ-ahˇ ciˬ huiˬ-awˇ, aˬ yawꞈ dehˬ awˆ mawꞈ-eu gʼaˬ-ahˇ dehˬ awˆ nehˬ-euˬ meh.

Daˬyeˬlaˇ 6:24

Kʼoeˇ naˇ, Daˬyeˬlaˇ-ahˇ yaw doeˇ jahˇ-euˬ tsawˇ haˬ dawˬ tawˆ luꞈ-ahˇ nyehꞈ-eu gʼaˇ duˬ sahˬ paˬ dawˬ biꞈ-awˇ, aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ deuˬ dawˬ tawˆ luꞈ-ahˇ, aˇ laˬ jaˬ shiˇ kuˆ-ahˇ biˬ ahˇ jiˇ-euˬ meh. Aˬ yawꞈ maꞈ aˇ laˬ jaˬ shiˇ kuˆ-euˬ duˬ kʼahˬ-ahˇ maˬ ga keuˆ -iˇ mi naˆ-ehˇ, aˇ laˬ jaˬ shiˇ kʼoeˇ deuˬ aˬ yawꞈ maꞈ-ahˇ tsawˬ dawꞈ-awˇ, shaˬ yoeˬ shaˬ laꞈ kawꞈ kʼehꞈ kawꞈ kʼoeˆ jiˇ-euˬ meh.

Hawˇseˬ 14:5

Miˇ tsaˬ gui-awˇ kʼoˆ dui dui gaˇ, uˬ yehˇ yehˇ shehˬ nehˬ-eu loꞈ-ehˇ, Iˇsaˬleˬlaˆ-ahˇ ngaˇ haw ma. Aˬ yawꞈ maꞈ aˇ yehˆ yehˆ laˇ-awˇ, Leˬbaˬnoˬ aˇ bawˇ deuˬ loꞈ-ehˇ, duˬ ciˇ ziꞈ dah ni jaˆ tehꞈ-a.

Miˇkaˬ 5:7

Dzeˇ yaꞈ-euˬ Iˇsaˬleˬlaˆ tsawˇ haˬ deuˬ-aˬ, tsawˇ jeuˬ gʼawˬ mya jeuˬ gʼaˇ duˬ gʼaˬ bi ahˇ laˇ-eu lehˇ Sahˬpaˬ Miˬyehˇ neh pyehˬ gʼeh leꞈ-euˬ ngehˇ hawˇ-eu, aˇ bawˬ bi mehˇ laˇ-eu lehˇ bi yehˇ shehˬ le-euˬ uˬ yehˇ-ahˇ duˇ-eu meh. Tsawˇ haˬ zaˬ-ahˇ aˬ yawꞈ maꞈ maˬ gʼoe ni Miˬyehˇ-ahˇ gʼoe tehꞈ-a.

Dawˬmehˬ 33:28

Kʼoeˇ miˇ neh, Yaˬkoˆ-euˬ zaˬ deuˬ, dzaˬ la gʼo cehˇ aˬ gaꞈ dzaˇ uiˇ, dzaˬ ngeh maˬ jiˇ dawˇ ngeh maˬ shuꞈ, uˬ yehˇ loꞈ-ehˇ ceuˬ ga muiˬ-eu, miˇ kʼahˬ-ahˇ naw maꞈ ya jawˇ-awˇ, nui saˇ oꞈ-eu laꞈ kʼoeˇ dehꞈ-awˬ.