Dawqdaq 18:22 - Akha

²² Miˬ zaˬ gʼa mawˇ-euˬ deuˬ muiˬ-eu guiˬ lahˬ za-awˇ, Sahˬpaˬ Miˬyehˇ nui kʼahˇ shiˇ-eu jeˬ za-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Miqzaq povmawr-euq tsawrhaq-aq, Yawmuiq jeq povmawr-awr, Ya’we Miqyaer ghoer mr-eu jeq za-euq mae.

Dawqdaq 18:22 ပူးပေါင်းရင်းမြစ်များ

Aˇ dahˬ 2:18

Kʼoeˇ naˇ, “Tsawˇ haˬ zaˬ tiˬ gʼaˬ tehꞈ-ehˇ jawˇ-eu maˬ muiˬ-a. Aˬ yawꞈ-ahˇ bi caw ba-eu gʼaˇ duˬ, aˬ yawꞈ-ahˇ geuˇ-eu cawˬ tiˬ gʼaˬ ngaˇ beh nehˬ ma” lehˇ, Miˬyehˇ pyeuꞈ-eu Sahˬpaˬ Miˬyehˇ ehˇ-eu meh.

Aˇ dahˬ 24:67

Kʼoeˇ ngeh, Iˇtsaˆ-aˬ, aˬ yawꞈ aˬ ma Saˬlaˇ yaw dehꞈ dehꞈ ngeh jawˇ-euˬ sehˬ gʼawˆ laꞈ kʼoeˇ Leˬbehˇkaꞈ-ahˇ sheuˬ uˇ gʼeh-awˇ, aˬ yawꞈ-euˬ miˬ zaˬ bi pyeuꞈ laˇ-euˬ meh. Iˇtsaˆ Leˬbehˇkaꞈ-ahˇ gaˬ-eu miˇ neh, aˬ yawꞈ aˬ ma shiˇ-euˬ gaˇ noeˬ luꞈ-eu nui ma byoˆ-iˇ-euˬ meh.

Aˇ dahˬ 29:28

Kʼoeˇ ngeh, Laˬbaˬ kʼaˇ ehˇ-euˬ loꞈ-ehˇ geuꞈ-eu gʼaˇ duˬ Yaˬkoˆ noeˬ jiˇ-euˬ meh. Jiˇ cehˇ gʼeh gʼaˬ-awˇ, Laˬkeˬlaˇ Yaˬkoˆ-ahˇ bi mˇ dzaˬ-iˇ-euˬ meh.

Dawqdaq 12:4

Muiˬ-eu miˬ zaˬ-aˬ, yo zaˬ-euˬ kʼahˬ sehˇ pyeuꞈ-awˇ, daˬ ga-eu miˬ zaˬ-aˬ, yo zaˬ-euˬ yoeˬ laꞈ laˆ buꞈ-eu meh.

Dawqdaq 19:14

Pyuˇ shuiˇ,Nymˇ muiˬ aˬ da jeˬ biˇ. Miˬ zaˬ yaw bym Sahˬpaˬ Miˬyehˇ guiˬ lahˬ.

Dawqdaq 3:4

Nawˇ kʼoeˇ loꞈ-ehˇ jahˇ naˇ, Miˬyehˇ nawˬ-ahˇ nui kʼahˇ shiˇ-awˇ, tsawˇ haˬ zaˬ nawˬ-ahˇ nui ma tsaˬ tehꞈ-a.

Dawqdaq 8:35

Ngaˬ-ahˇ mawˇ-euˬ tsawˇ haˬ dehꞈ-eu saꞈ laˇ mawˇ-awˇ, aˬ yawꞈ-ahˇ Sahˬpaˬ Miˬyehˇ nui kʼahˇ shiˇ tehꞈ-a.

Dawˬ tsoˆ 9:9

Nahˇ ma heu siˬ uˬ moˆ Miˬyehˇ neh nawˬ-ahˇ bi dehꞈ bi jawˇ laꞈ-euˬ tiˬ jeˬ-iˬ gaˇ dahˇ maˬ tsoeˬ-eu aˇ nah aˇ yamˬ heu laꞈ kʼoeˇ, nawˇ gaˬ-eu nawˬ-euˬ miˬ zaˬ nehˬ-ehˇ byawˬ gʼa-awˬ. Shaˬ zahˬ naꞈ-awˇ gaˇ dahˇ maˬ tsoeˬ-eu aˇ nah yawˬ nah na luꞈ laꞈ kʼoeˇ, nawˬ-ahˇ oꞈ-eu jiˇ jeuˬ kʼoeˇ tehꞈ meh.

Hawˇseˬ 12:12

Aˬ dui-euˬ aˬ poeˬ Yaˬkoˆ-aˬ, miˬ zaˬ tiˬ gʼaˬ sheuˬ-euˬ aˇ poeˬ, aˬ cawˬ-euˬ yawˇ bo nehˬ-euˬ meh.

1 Gawˇliˬtu 7:2

Ehˇ kʼawꞈ, aˬ cawˬ nehˬ-ehˇ joe ni muˇ juˇ juˇ-eu jeˬ jaˆ myaˬ-eu miˇ neh, kʼaˬ dzeˇ zaˬ yawˬ gʼaˬ na luꞈ miˬ zaˬ baw-eu tsaˬ-awˇ, zaˬ miˬ zaˬ yawˬ gʼaˬ na luꞈ kʼawꞈ kʼaˬ dzeˇ zaˬ baw-eu tsaˬ meh.

Luˇta 4:10

Kʼoeˇ uˬ taꞈ, Maˬhaˬloˬ-euˬ nymˇ dahˬ pyeuꞈ-eu Mawˇbaˆ tsawˇ jeuˬ Luˇta kʼawꞈ, ngaˬ-euˬ miˬ zaˬ pyeuꞈ laˇ gʼaˬ-euˬ meh. Kʼoeˇ miˇ neh, myawˬ heu deuˬ dawˬ tawˆ luꞈ, shiˇ dzeuˇ-euˬ gʼaˬ-euˬ nymˇ jiˇ laꞈ kʼoeˇ jaˆ-awˇ, aˬ yawꞈ-euˬ zaˬ deuˬ uˆ deuˬ kʼawꞈ, aˬ yawꞈ-eu tsawˇ haˬ laꞈ kʼoeˇ hawˇ-eu aˬ yawꞈ-euˬ meuˬ laꞈ kʼoeˇ, tsuiꞈ dahˬ maˬ dahˬ-iˇ ni, paˇ jawˇ laˇ tehꞈ-a. Iˬ nah, naw maꞈ-aˬ, gaˇ kawˆ heu hmˬ-euˬ saˇ kiˇ pyeuꞈ-eu meh.”