Dawqdaq 18:14 - Akha

¹⁴ Dehꞈ mawꞈ-eu nui kʼahˇ naˇ gawˇ-ahˇ kamˬ coeˇ-awˇ, nui ma ga byaˆ-iˇ naˇ, noeˬ tmˬ kʼaˇ maˬ paˇ za meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Tsawrhaq-euq saflar-aq, nargawr-anr daqcoer-eu mae. Aerkhawf, nuima saflar pav-ir-euq nar-aq, Aqsur ghaq kamqcoer nmr-mq?

Dawqdaq 18:14 ပူးပေါင်းရင်းမြစ်များ

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Jaceuq 109:22

Ngaˇ-aˬ, shaˬ-eu zahˬ-eu mehꞈ-eu shuꞈ-eu tsawˇ haˬ pyeuꞈ-awˇ, nui ma shaˬ zahˬ naꞈ dui dui-eu ma.

Jaceuq 147:3

Nui ma tsawˬ paˆ-iˇ-euˬ deuˬ-ahˇ aˬ yawꞈ laˆ taˬ nehˬ-awˇ, maˇ kʼehˬ-ahˇ lahˇ cuꞈ nehˬ-eu meh.

Jaceuq 55:3

Muiˇ-eu deuˬ laˆ guˆ laˇ-eu miˇ neh, nui saˇ tiˬ pawꞈ-iˬ maˬ oꞈ nya. Haiˬ-eu tsawˇ haˬ deuˬ kʼehˬ nehˬ kʼaˆ nehˬ laꞈ-eu miˇ neh, shaˬ zahˬ naꞈ dui dui miˇ-a. Aˬ yawꞈ maꞈ ngaˬ-ahˇ laˆ shaˬ laˆ zahˬ nehˬ laꞈ-eu meh. Ngaˬ-ahˇ nui ma pehˇ-awˇ bye-eu meh.

Jaceuq 55:5

Guˆ-awˇ yaw dzuˬ dzuˬ-eu jeˬ ngaˬ-ahˇ zuiˆ gʼaˬ-awˇ, laˇ baˇ-iˇ miˇ-a.

Doˆ-iˇ 6:9

Gaˇ kawˆ heu Iˇsaˬleˬlaˆ tsawˇ haˬ deuˬ-ahˇ Moˇseˬ dzawˇ mehˬ nehˬ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ maˬ naˇ haˬ geuꞈ-a. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ daˬ-awˇ, aˬ cawˬ zaˬ kʼaˆ ya geuꞈ luꞈ-eu miˇ neh, aˬ yawꞈ maꞈ nui ma cawˆ dui dui luꞈ-eu meh.

Dawqdaq 15:13

Laˬ kʼaˬ cehˇ-eu nui ma myaˆ pyawˬ bi shiˬ-awˇ, noeˬ shaˬ-eu nui ma myaˆ pyawˬ bi nyoeˬ-eu meh.

Dawqdaq 17:22

Nui ma saˇ-eu jeˬ jaˆ gʼaˬ gʼaˬ ma pyeuꞈ-awˇ, nui ma cawˆ-eu jeˬ puˇ nmꞈ gui-iˇ-eu naˇ gawˇ meh.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 2:7

Ehˇ kʼawꞈ, aˬ yawꞈ aˇ dzehˬ dzeuˇ ni noeˬ shaˬ-awˇ maˬ ya cawˆ-iˇ ni, nymˬ-mˇ naw maꞈ aˬ yawꞈ-ahˇ iˬ baˇ pyehˬ nehˬ-awˇ gʼaˬ biꞈ nehˬ-eu tsaˬ tehꞈ-a.

Yaˬkoˆ 1:2

Aˬ yuiꞈ aˬ nyiˇ Ka li zaˬ deuˬ-oˇ, lawˬ haw-eu gʼawˬ mya jeˬ-ahˇ ya tahˬ puˬ ngeh, yaw muiˬ jeˬ keuˆ le-euˬ loꞈ-ehˇ laˬ kʼaˬ cehˇ-awˬ.

1 Beˬtuˆluˆ 1:6

Lawˬ haw-eu gʼawˬ mya jeˬ-ahˇ ya daˬ-eu baˬ da neh nymˬ-mˇ tiˬ kʼehˬ laꞈ kʼoeˇ naw maꞈ ya noeˬ shaˬ kʼawꞈ, Miˬyehˇ neh lehˬ hmˬ taˬ-euˬ kʼoeˇ-ahˇ laˬ kʼaˬ cehˇ-awˬ.