Dawqdaq 18:10 - Akha

¹⁰ Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ya’we Miqyaer-euq tsawrmyanr-aq, Zifdanni ghae-eu lofpir-eu nymrgor pyeuf-awr, Tsaq-awr dawr-eu tsawrhaq deuq caevzafler ngae, Yabuq-ir-eu mae.

Dawqdaq 18:10 ပူးပေါင်းရင်းမြစ်များ

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

2 Saˬmeuˬlaˆ 22:2

Sahˬpaˬ Miˬyehˇ ngaˬ-euˬ lo guˇ, ziꞈ dah ni gʼeh-eu taˆ pyeuꞈ-awˇ, ngaˬ-ahˇ ka kʼoꞈ nehˬ-eu gʼaˬ meh.

2 Saˬmeuˬlaˆ 22:3

Ngaˬ-euˬ Miˬyehˇ ngaˬ-euˬ lo guˇ, shaˬ zahˬ oe ngeh dzuˇ zaꞈ duˬ ma. Ngaˬ-ahˇ loꞈ piˇ-eu dehˬ daˬ duˬ, ngaˬ-ahˇ ka kʼoꞈ-eu uˬ coeˇ meh. Ngaˬ-euˬ ziꞈ duˬ hawˇ-eu gʼoe duˬ, ngaˬ-ahˇ ka kʼoꞈ-eu yaw sahˇ meh. Yaw haiˬ yaw doeˇ mˇ daˆ laˇ gaˇ, nawˇ ngaˬ-ahˇ ka kʼoꞈ laꞈ-euˬ meh.

2 Saˬmeuˬlaˆ 22:51

Miˬyehˇ aˬ yawꞈ-euˬ sahˬpaˬ-ahˇ, aˬ cawˬ kʼoeˇ taˆ bi gʼaˬ leˇ-awˇ, aˬ yawꞈ neh tseˇ doˆ-euˬ gʼaˬ-ahˇ, maˬ tsehˆ leˇ ni gaˬ luꞈ-eu meh. Daˬbiˇ-euˬ mawˇ do-ahˇ maˬ ehˇ, Daˬbiˇ-euˬ zaˬ deuˬ-ahˇ maˬ ehˇ, mˬ maˬ maˬ byaˆ zaˇ ziˇ gaˬ meh.

Jaceuq 144:2

Aˬ yawꞈ-aˬ, ngaˬ-euˬ gʼoe duˬ ngaˬ-euˬ lo guˇ ma. Ngaˬ-ahˇ haw piˇ-awˇ ka kʼoꞈ-eu gʼaˬ pyeuꞈ-eu ma. Aˬ yawꞈ-ahˇ ngaˇ gʼoe-awˇ ngaˇ nui saˇ za-eu ma. Tsawˇ jeuˬ dawˬ tawˆ luꞈ ngaˬ-euˬ laꞈ oꞈ ya awꞈ ni aˬ yawꞈ jahˇ-eu meh.

Jaceuq 18:2

SahˬpaˬMiˬyehˇngaˬ-euˬlo guˇ, ziꞈdui dui-eu taˆpyeuꞈ-eu ma. Ngaˬ-euˬMiˬyehˇngaˬ-euˬlo guˇ, guˆgaˆdzeuˇni awˆshmˇduˬma. Dehˬdaˬduˬloꞈ-ehˇtahˬ piˇ-awˇ, ka kʼoꞈ-eu uˬcoeˇ pyeuꞈ-eu meh.

Jaceuq 20:2

Uˬduˬtahˬnymˇnymˇma-ahˇneh, caw ba-eu jeˬ bi keuˆle-awˇ, yawꞈ-euˬ Ziˇoˬgawˬjawˬ-ahˇneh, ngehˬgʼeh-eu jeˬ keuˆle luꞈ-uˇ.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 91:14

Miˬ yehˇ heu loꞈ-ehˇ ehˇ-eu meh. Ngaˬ-ahˇ gaˬ-eu deuˬ-ahˇ ngaˇ ka kʼoꞈ-awˇ, ngaˬ-ahˇ Sahˬpaˬ Miˬyehˇ meh lehˇ kʼaˇ siˬ nya-eu deuˬ-ahˇ ngaˇ haw piˇ ma.

Jaceuq 91:2

aˬ yawꞈ-ahˇ heu loꞈ-ehˇ ehˇ nya meh. “Nawˇ-aˬ, ngaˬ-ahˇ ngehˬ gʼeh haw piˇ-eu gʼaˬ meh. Nawˇ-aˬ ngaˬ-euˬ Miˬyehˇ meh. Nawˬ-ahˇ ngaˇ gʼoe-eu ma.”

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Dawqdaq 14:26

Sahˬpaˬ Miˬyehˇ-ahˇ guˆ-eu jeˬ-aˬ, nymˇ tsoˆ ziꞈ gaˇ duˇ-awˇ, zaˬ ziˇ keuˆ ni gmˬ-eu meh.

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

Iˇsaˬyaˇ 26:4

Mˬ maˬ maˬ byaˆ zaˇ ziˇ Sahˬpaˬ Miˬyehˇ-ahˇ jah-awˬ. Aˬ dui-ahˇ aˬ yawꞈ aˬ myah luꞈ haw piˇ tehꞈ-a.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Haˬbaˬkuˆ 3:19

Sahˬpaˬ Miˬyehˇ ngaˬ-euˬ Miˬyehˇ, ngaˬ-euˬ gʼaˬ kʼaˆ duˬ pyeuꞈ-eu ma. Kʼaˬ tsehˆ loꞈ-ehˇ kuiˇ toꞈ ziꞈ-awˇ, yaw goˇ-ahˇ daˆ keuˆ leˇ nya ni, aˬ yawꞈ ngaˬ-ahˇ gʼaˬ biꞈ-eu meh.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

1 Saˬmeuˬlaˆ 17:45

Daˬbiˇ ehˇ-eu, “Gahˬ gahˬ zaˬ gahˬ ma kuꞈ ni baꞈ-awˇ, mi cehˇ shaꞈ-eu laꞈ kʼoeˇ, ngaˬ-ahˇ deuˆ laˇ-eu lehˇ nawˇ laˇ-eu nga laˬ. Ehˇ kʼawꞈ, ngaˇ-aˬ, nawˇ lmˬ luꞈ-eu Iˇsaˬleˬlaˆ guiˇ maꞈ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ guiˇ deuˆ le-euˬ ma.

1 Saˬmeuˬlaˆ 30:6

Kʼoeˇ ngeh jawˇ, Daˬbiˇ nui ma cawˆ dui dui-eu meh. Aˬ je ˬmiˇ neh ehˇ naˇ, aˬ yawꞈ maꞈ-euˬ miˬ sawˇ zaˬ deuˬ ya smˬ-iˇ jiˇ-euˬ baˬ da neh, aˬ yawꞈ-euˬ tsawˇ haˬ deuˬ nui ma naˇ dui dui-awˇ, aˬ yawꞈ-ahˇ kʼaˬ lo neh biˬ-eu lehˇ lmˬ luꞈ-eu meh. Ehˇ kʼawꞈ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ gʼaˬ biꞈ-euˬ meh.