Dawqdaq 18:1 - Akha

¹ Aˬ cawˬ-ahˇ maˬ dehꞈ tsaˬ nya-eu tsawˇ haˬ, yawˬ ha nui noeˬ tehꞈ-ehˇ geuꞈ-awˇ, aˬ cawˬ-euˬ dawˬ maˬ geuꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yawqha taef-aer yawceuv ceuv-aer jawr-eu tsawrhaq-aq, Yawqha-euq yawmawf ya’mrni pov-awr, Tsawrganr-euq lafkhoer dartsaev-euq yawqjeq navluf-anr caeler-eu mae.

Dawqdaq 18:1 ပူးပေါင်းရင်းမြစ်များ

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

Dawqdaq 14:10

Noeˬ shaˬ kʼawꞈ yawˬ ha kʼaˆ behˆ, noeˬ saˇ kʼawꞈ yawˬ ha shaˬ bymˇ meh. Suˇ ngehˬ gʼeh-ehˇ yawˬ kʼawˇ maˬ piˇ-a.

Dawqdaq 17:14

Yaˇ kʼaˬ mehˬ dzaˬ iˇ tsahˇ daˬ paˆ gaˇ duˇ-eu miˇ neh, naꞈ ngeh neh ya dehˬ tsoeˬ-eu meh.

Dawqdaq 20:19

Duˬ peuˬ ngawˬ naˇ aˇ lawˇ doˆ-eu miˇ neh, dawˬ ja myaˬ-eu tsawˇ haˬ-ahˇ yahˇ-awˬ.

Dawqdaq 20:3

Iˬ dehˬ yahˇ-eu suˇ gahˇ. Iˬ ceh poˆ-euˬ suˇ dzawˬ.

Dawqdaq 24:21

Ngaˬ li-oˇ, Sahˬpaˬ Miˬyehˇ-ahˇ guˆ-awˇ, nawˬ-euˬ sahˬ paˬ-ahˇ taˬ huiˬ taˬ mahˇ-awˬ. Aˬ yawꞈ nyaꞈ-ahˇ puiˬ-eu tsawˇ haˬ deuˬ nehˬ-ehˇ cawˬ taˬ cawˬ.

Dawqdaq 26:17

Yawˬ ha-ahˇ tiˬ jeˬ-iˬ maˬ taꞈ gaˇ, aˬ cawˬ tsawˇ pyehˇ pyehˇ gaˇ uˇ leˇ-eu tsawˇ haˬ-aˬ, meuˬ gʼahˇ lahˇ ceh aˬ kuiˬ naˬ paꞈ-ahˇ tsuˆ tehˬ-iˇ gaˇ duˇ tehꞈ-a.

Dawqdaq 3:21

Ngaˬ li-oˇ, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ ziꞈ dah ni tuˆ teh taˬ-awˇ, nawˬ-euˬ laꞈ-ahˇ neh taˬ bi iˇ doˆ.

Dawqdaq 8:14

Ngaˬ-euˬ nui ma laꞈ kʼoeˇ yaw muiˬ paˬ-ehˇ sawˇ duˬ-awˇ, mˇ doˆ shaˇ doˆ nya-eu ma. Ngaˇ noeˬ siˬ noeˬ mawˇ nya-awˇ, gʼaˬ tiˬ byah tiˬ loꞈ ahˇ ma.

Yeˬlaˬmiˇ 15:17

Ngaˇ aˬ cawˬ nehˬ-ehˇ uiˇ uiˇ-ehˇ laˬ kʼaˬ cehˇ-eu laꞈ kʼoeˇ, aˇ yamˬ maˬ bi jiˇ haw-aˬ. Nawˬ-euˬ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha jawˇ-awˇ, nui ma pehˇ pehˇ-ehˇ shaˬ-euˬ ma. Aˬ jeˬ miˇ neh ngaˬ-euˬ shaˬ zahˬ maˬ jiˇ ta.

Zaˬkaˬliˇ 7:3

piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ heu loꞈ-ehˇ bi naˇ haˬ laˇ-euˬ meh. “Dzeuˇ laˇ ngeh nga maꞈ neh gʼawˬ mya kʼoꞈ gʼawˬ mya la mˇ dzeuˇ yaꞈ-euˬ loꞈ-ehˇ, Uˬ duˬ tahˬ nymˇ nymˇ ma cawˆ-iˇ-euˬ gaˇ noeˬ keuˆ -awˇ, ba la ngaˬ siˬ tiˬ siˬ-ahˇ maˬ dzaˬ-eu zahˇ jahˇ-awˇ tsawˇ ngoeˇ ngoeˇ-eu jeˬ paˇ mˇ daˆ leꞈ-awˬ loˇ.”

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Maꞈtehˬ 13:44

“Mˬtaˆ Miˇkʼahˬ-aˬ, heu loꞈ-ehˇ duˇ-eu meh. Tsawˇ haˬ tiˬ gʼaˬ deh ma tiˬ kawˬ-ahˇ pyuˇ pahˬ mawˇ-awˇ, yaˆ pymˬ taˬ yaꞈ-euˬ meh. Aˬ yawꞈ laˬ kʼaˬ cehˇ dui dui-eu laꞈ kʼoeˇ, kʼaˇ jaˆ-eu jeˬ dawˬ tawˆ luꞈ ahˬ jiˇ-awˇ, deh ma kʼoeˇ kawˬ zeuˇ tsehˆ-euˬ meh.

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Maˬkuˆ 4:11

Miˬyehˇ Miˇkʼahˬ gaˇ kawˆ aˬ cawˬ maˬ gʼoˆ siˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, laꞈ nyiˇ paw-euˬ tsawˇ haˬ deuˬ gʼaˇ duˬ-aˬ, kʼaˇ mehˬ nehˬ-euˬ yawˬ jeˬ na luꞈ, yaw jeˬ ma jeˬ ja mehˬ nehˬ-euˬ loꞈ-ehˇ tehꞈ-ehˇ pyeuꞈ-awˇ, dawˬ tsuiꞈ maˬ siˬ nya-a.

Lormav 1:1

Ngaˇ-aˬ, Yeˬsuˇ Ka liˬ-euˬ zaˬ kʼaˆ Pawˇluˆ ma. Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ, Miˬyehˇ neh tseˇ doˆ-awˇ kuˇ-euˬ gʼaˬ kʼehˇ tiˬ gʼaˬ pyeuꞈ-eu ma.

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

Dawˬmehˬ 14:6

Kuiˇ sehˬ nyiˬ paˆ baw-awˇ, dzaˇ jiˆ jiˆ-eu jeˬ zaˬ deuˬ naw maꞈ dzaˬ kʼmˬ meh.

Yuˇdaˆ 1:19

Tsawˇ haˬ kʼoeˇ deuˬ-aˬ, aˇ maꞈ aˇ muˇ laˆ paˆ-eu jeˬ mˇ-eu, shiˬ shaˬ jiˇ nui noeˬ nui loˆ mˇ-eu, yawˬ ha laꞈ kʼoeˇ Yaw sahˇ Miˬyehˇ maˬ jawˇ-eu, kʼoeˇ loꞈ-ehˇ gʼeh-eu tsawˇ haˬ pyeuꞈ-eu meh.