Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.
Dawqdaq 17:3 - Akha3 Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq3 Pyur shawr-eu oeqlanq nae pyur shawr-awr, Shuir shawr-eu miqdzaq tsawqbym nae shuir shawr-eu lof-aer, Ya’we Miqyaer, tsawrhaqzaq-euq nuima-anr tsermr-eu mae. အခန်းကိုကြည့်ပါ။ |
Dawqdaq 17:3
21 ပူးပေါင်းရင်းမြစ်များ
Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”
Bawˇ tsahˬ bawˇ dahˇ laꞈ kʼoeˇ, naw maꞈ bi dzaˬ-eu gʼaˇ duˬ, naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ dzaˬ haw-euˬ maˬ naˆ kaˬ muˇ, naw maꞈ-ahˇ aˬ yawꞈ biꞈ-euˬ meh. Aˇ saˬ saˬ laˇ jawˬ-ehˇ, muiˬ-eu jeˬ guiˬ lahˬ naw maꞈ-ahˇ aˬ yawꞈ biꞈ nehˬ mawꞈ-eu miˇ neh, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ, aˬ yawꞈ naw maꞈ-ahˇ lawˬ haw-euˬ meh.
Naw maꞈ-euˬ nui ma-ahˇ ya mawˇ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ caw teh-eu hawˇ-eu maˬ caw teh-eu ya siˬ-eu gʼaˇ duˬ, dzeuˇ laˇ-euˬ oeˬ tseˇ kʼoꞈ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ gʼawˬ myahˇ ni sheuˬ sheuˬ-ehˇ cah-awˇ, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ lawˬ haw-euˬ gaˇ noeˬ keuˆ-awˬ.
Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.
Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.
ကြော်ငြာတွေ