Dawqdaq 17:21 - Akha

²¹ Aˬ dzawˬ dzawˬ-eu aˬ li, aˬ da-ahˇ shaˬ zahˬ laˆ naꞈ-awˇ, aˇ gah-euˬ aˬ da nui saˇ maˬ oꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aqdzawq argan gan-eu zaq jawr-eu tsawrhaq-aq, nuima yacawv-awr, Dawrga-euq aqda-aq, laqkhaq maqya caerhaw-ar.

Dawqdaq 17:21 ပူးပေါင်းရင်းမြစ်များ

Aˇ dahˬ 26:34

Iˇsawˇ oeˬ tseˇ kʼoꞈ byah laˇ ngeh, Heˬtaˆ tsawˇ jeuˬ zaˬ miˬ zaˬ nyiˬ gʼaˬ-ahˇ sheuˬ-euˬ meh. Zaˬ miˬ zaˬ kʼoeˇ nyiˬ gʼaˬ-aˬ Beˬliˇ-euˬ aˬ buˇ Juˇdiˆ hawˇ-eu Eˇloˬ-euˬ aˬ buˇ Baˬseˬmaˇ pyeuꞈ-eu meh.

2 Saˬmeuˬlaˆ 18:33

Kʼoeˇ ngeh, sahˬ paˬ noeˬ shaˬ dui dui-awˇ, meuˬ-euˬ lahˇ kʼehˬ laˇ gʼoˆ laꞈ taˆ jaˆ-eu jawˇ duˬ-ahˇ le uˇ-awˇ ngoeˇ-euˬ meh. Aˬ yawꞈ daˆ leˇ leꞈ-euˬ nehˬ-ehˇ, “Ngaˬ li Aˬbaˇsaˬloˬ-oˇ. Ngaˬ li-oˇ. Ngaˬ li Aˬbaˇsaˬloˬ-oˇ. Aˬ jeˬ miˇ neh nawˬ-euˬ dah zaˇ ngaˬ-ahˇ maˬ bi shiˇ laꞈ ta. Ngaˬ li Aˬbaˇsaˬloˬ-oˇ” lehˇ, dawˬ kawˬ kawˬ kawˬ-ehˇ ngoeˇ-euˬ meh.

Dawqdaq 10:1

Heu-aˬ, Sawˇlaˬmoˬ-euˬ dawˬ daˬ deuˬ meh. Nui ma-ahˇ noeˬ-eu aˬ li-aˬ, aˬ da-ahˇ nui saˇ bi oꞈ-awˇ, aˬ dzawˬ dzawˬ-eu aˬ li-aˬ, aˬ ma-ahˇ shaˬ zahˬ ciˬ pi-eu meh.

Dawqdaq 15:20

Zaˬ yo yaw muiˬ aˬ da nui saˇ oꞈ-awˇ, zaˬ yo yaw lehˬ aˬ ma-ahˇ laˆ shaˬ-eu meh.

Dawqdaq 17:25

Aˬ dzawˬ dzawˬ-eu aˬ li aˬ da-ahˇ laˆ shaˬ-awˇ, aˬ ma shaˬ zahˬ bi naꞈ-eu ma.

Dawqdaq 19:13

Zaˬ yo aˬ dzawˬ aˬ da-ahˇ laˆ shaˬ-awˇ, miˬ zaˬ-euˬ nui pehˇ uˬ yehˇ yehˇ muˆ-ahˇ duˇ-eu meh.

2 Gawˇliˬtu 2:3

Ngaˇ laˬ kʼaˬ cehˇ ni jahˇ nehˬ laꞈ paˬ-ehˇ gʼeh-eu tsawˇ haˬ deuˬ neh ngaˇ ya noeˬ shaˬ ni paˇ bi jahˇ-eu lehˇ naw maꞈ jawˇ gaˇ ngaˇ maˬ paˇ oe mawꞈ miˇ-a. Aˬ jeˬ miˇ neh ehˇ naˇ, ngaˇ laˬ kʼaˬ cehˇ naˇ, naw maꞈ dawˬ tawˆ luꞈ kʼawꞈ laˬ kʼaˬ cehˇ meh lehˇ ngaˇ jah-eu ma.

3 Yoˇhaˬ 1:4

Ngaˬ-euˬ zaˬ deuˬ yaw tsaˬ yaw dawˇ jeˬ laꞈ kʼoeˇ dehꞈ luꞈ meh lehˇ ya gaˬ-eu naˆ maˬ tseˇ, ngaˇ laˬ kʼaˬ cehˇ-eu nui jeˬ maˬ paˇ jaˆ ma.

1 Saˬmeuˬlaˆ 8:3

Aˬ nyaꞈ nmˇ-aˬ, aˬ da-ahˇ maˬ dzaw geuꞈ-ehˇ, pyuˇ za laˇ ni tehꞈ-ehˇ gaˇ mˇ-awˇ, aˬ cawˬ neh laꞈ nmꞈ nmꞈ nehˬ-euˬ pyuˇ yuˇ dzaˬ-eu laꞈ kʼoeˇ, dawˇ coe ni yaˇ kʼaˬ maˬ daˇ-a.