Dawqdaq 17:17 - Akha

¹⁷ Cawˬ yaw muiˬ yamˬ maˬ tseˇ ni gʼoeˇ-awˇ, mehˇ nmˇ-aˬ, shaˬ zahˬ caw pi-eu gʼaˇ duˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Cawq-aq, yawqjawr navluf gaq-awr, Maernmr-aq, shaqzanq cawpi-eu gharduq daefle-euq mae.

Dawqdaq 17:17 ပူးပေါင်းရင်းမြစ်များ

2 Saˬmeuˬlaˆ 1:26

Ngaˬ-euˬ mehˇ nmˇ Yawˇnaˆshaˬ-oˇ, nawˬ-ahˇ noeˬ-eu maˬ jiˇ leˇnya. Ngaˬ-euˬ dawˬ peh nawˇ jawˇ luꞈ ngeh, ngaˇ laˬ kʼaˬ cehˇ dui dui-euˬ ma. Nawˬ neh ngaˬ-ahˇ gaˬ-euˬ kʼoeˇ-aˬ, zaˬ miˬ zaˬ gaˬ-eu naˆ maˬtseˇ, maˬ ehˇ jiˇ coeˇ ni myaˬ-eu meh.

2 Saˬmeuˬlaˆ 15:21

Ehˇ kʼawꞈ, Iˇtehˇ ehˇ-eu, “Sahˬ paˬ-oˇ, nawˇ kʼaˇ iˇ gaˇ nawˬ-euˬ mehˬ nah ngaˇ aˬ myah luꞈ caw teh ma lehˇ, Sahˬpaˬ Miˬyehˇ-euˬ tsawˇ myahˇ uˬ moˆ ngaˇ saˇ jaˇ dzaˬ-eu ma. Shiˇ-eu jeˬ keuˆ le kʼawꞈ ehˬ ngeuˇ luꞈ-uˇ.”

Iˇsaˬtaˆ 4:14

Heu loꞈ-ehˇ keuˆ le teuˇ le-euˬ aˇ yamˬ-ahˇ nawˇ maˬ ngehˬ maˬ tmˇ ni jawˇ te lehˇ ngeuˇ naˇ, Yuˇdaˆ tsawˇ haˬ-ahˇ ngehˬ gʼeh dah teˬ-eu jeˬ mˬ kʼoeˇ taˆ neh oe-awˇ, aˬ yawꞈ maꞈ-ahˇ ka kʼoꞈ tehꞈ-a. Ehˇ kʼawꞈ, nawˇ gʼaˬ-aˬ ya shiˇ-awˇ, nawˬ da-euˬ tsuiꞈ dahˬ-iˇ tehꞈ-a. Ehˇ kʼawꞈ aˬ suˇ gʼaˬ ehˇ nya nmˇ. Heu loꞈ-ehˇ gʼeh-eu aˇ yamˬ aˇ law-ahˇ gaˇ dahˇ bi tsoeˬ-eu gʼaˇ duˬ nawˬ-ahˇ sahˬ paˬ-euˬ miˬ zaˬ bi pyeuꞈ laˇ-euˬ maˬ siˬ tawˇ.”

Dawqdaq 16:28

Tsawˇ doeˇ iˬ dehˬ iˬ ceh laˆ myaˬ-awˇ, dawˬ saˆ saˆ kʼoeˬ-eu jeˬ nui ma laˆ gʼawˬ-eu meh.

Dawqdaq 18:24

Cawˬ kʼaˇ ngeuˇ-eu yaw gʼoeˇ maˬ ngeuˇ, cawˬ muiˬ mehˇ nmˇ maˬ tseˇ tawˬ-mˇ jeˇ.

Dawqdaq 19:13

Zaˬ yo aˬ dzawˬ aˬ da-ahˇ laˆ shaˬ-awˇ, miˬ zaˬ-euˬ nui pehˇ uˬ yehˇ yehˇ muˆ-ahˇ duˇ-eu meh.

Dawqdaq 19:7

Tsawˇ shaˬ zaˬ-ahˇ mehˇ nmˇ maˬ caw-ehˇ, cawˬ deuˬ dawˬ peh maˬ nyiˬ leˇ-eu miˇ neh, dawˬ gʼoeˇ tehꞈ-ehˇ ngehˬ leˇ kʼawꞈ, myaˆ haw maˬ cawˬ nehˬ-a.

HeˬByehˇ 2:11

Aˬ yawꞈ-aˬ, tsawˇ haˬ zaˬ-ahˇ iˬ baˇ shawˇ nehˬ-eu gʼaˬ pyeuꞈ-eu meh. Aˬ yawꞈ hawˇ-eu aˬ yawꞈ neh iˬ baˇ shawˇ nehˬ-euˬ tsawˇ haˬ dawˬ tawˆ luꞈ, Aˬ da tiˬ da-ahˇ taꞈ-eu tehꞈ meh. Kʼoeˇ miˇ neh, aˬ yawꞈ maꞈ-ahˇ aˬ yawꞈ-euˬ mehˇ nmˇ lehˇ ya kuˇ gaˇ aˬ yawꞈ maˬ shaꞈ dawˇ-a.

Luˇta 1:16

Ehˇ kʼawꞈ, Luˇta ehˇ-eu, “Ngaˬ-ahˇ maˬ bi gʼoꞈ-iˇ laꞈ-ehˇ, nawˬ nehˬ-ehˇ bi laˇ nehˬ laꞈ-awˬ. Nawˇ kʼaˇ iˇ gaˇ ngaˇ iˇ-awˇ, nawˇ kʼaˇ jawˇ gaˇ ngaˇ jawˇ ma. Nawˬ-euˬ tsawˇ jeuˬ tsawˇ ca-aˬ, ngaˬ-euˬ tsawˇ jeuˬ tsawˇ caˬ pyeuꞈ-awˇ, nawˬ-euˬ Miˬyehˇ kʼawꞈ, ngaˬ-euˬ Miˬyehˇ pyeuꞈ luꞈ-uˇ.

1 Saˬmeuˬlaˆ 18:3

Yawˇnaˆshaˬ-aˬ, maˬ shiˇ tiˬ ziˇ Daˬbiˇ nehˬ-ehˇ cawˬ cawˬ daˆ leꞈ-eu gʼaˇ duˬ saˇ jaˇ dzaˬ-euˬ meh. Aˬ jeˬ miˇ neh ehˇ naˇ, Daˬbiˇ-ahˇ aˬ yawꞈ nui kʼahˇ shiˇ dui dui-eu meh.

1 Saˬmeuˬlaˆ 19:2

Kʼoeˇ miˇ neh, Daˬbiˇ-ahˇ Yawˇnaˆshaˬ ehˇ nehˬ-eu, “Ngaˬ da nawˬ-ahˇ sehꞈ-eu lehˇ gʼeh-eu meh. Nawˇ yahˇ pawˇ-eu laꞈ kʼoeˇ, ni shawˬ uˬ shawˬ paw tiˬ gaˇ cehˆ zaꞈ-iˇ-awˇ jawˇ-awˬ.

1 Saˬmeuˬlaˆ 19:3

Nawˇ dzuˇ zaꞈ luꞈ-eu deh ga-ahˇ ngaˬ da-euˬ dawˬ peh ngaˇ yawꞈ leˇ-awˇ, nawˬ-euˬ gaˇ kawˆ aˬ yawꞈ-ahˇ ngaˇ dzawˇ nehˬ ma. Kʼoeˇ naˇ, nawˬ-ahˇ kʼaˇ-ehˇ nehˬ paˬ-ehˇ gʼeh-eu jeˬ ngaˇ paˇ ehˇ gaˬ le ma.”

1 Saˬmeuˬlaˆ 20:17

Yawˇnaˆshaˬ-ahˇ Daˬbiˇ gaˬ ni, Yawˇ naˆshaˬ neh Daˬbiˇ-ahˇ saˇ jaˇ paˇ bi dzaˬ poˆ-euˬ meh. Aˬ jeˬ miˇ neh ehˇ naˇ, Yawˇnaˆshaˬ-aˬ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ Daˬbiˇ-ahˇ gaˬ-eu meh.

1 Saˬmeuˬlaˆ 23:16

Daˬbiˇ jawˇ-eu Hawˇlehˆ-ahˇ Yawˇnaˆshaˬ le-awˇ, “Miˬyehˇ nawˬ-ahˇ haw piˇ nehˬ laꞈ tehꞈ-a” lehˇ ehˇ-awˇ gʼaˬ biꞈ nehˬ-euˬ meh.