Dawqdaq 17:12 - Akha

¹² Aˬ dzawˬ aˇ gah yaw haiˬ jeˬ mˇ gaˇ tahˬ puˬ leˇ-eu-aˬ, zaˬ bi nyehꞈ byoˆ-euˬ kʼaˬ hmˇ aˬ ma-ahˇ tahˬ pu-eu naˆ maˬ tseˇ doeˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Zaq binyaef-euq khaqhmr aqma-anr tanqpuq-ir-eu-aq, Aqdzawq argan tiq ghaq, yawdzawq yawgan jeq mrmr-aer jawr-eu gar tanqpuq-ir-eu navmaqtser ghaqdzaeq-eu mae.

Dawqdaq 17:12 ပူးပေါင်းရင်းမြစ်များ

2 Saˬmeuˬlaˆ 17:8

Nawˬ da Daˬbiˇ hawˇ-eu aˬ yawꞈ-euˬ tsawˇ haˬ deuˬ-aˬ, guiˇ deuˆ-eu kʼaˆ dui dui-awˇ, kʼaˬ hmˇ zaˬ bi nyehꞈ geuꞈ-euˬ kʼaˬ hmˇ aˬ ma tiˬ mawˇ loꞈ-ehˇ, guˆ dui dui laˇ paˬ-ehˇ gʼeh-eu tsawˇ haˬ deuˬ pyeuꞈ-eu gaˇ kawˆ nawˇ siˬ nya meh. Nawˬ da-aˬ, guiˇ mˇ myahˇ laꞈ-euˬ tsawˇ haˬ tiˬ gʼaˬ pyeuꞈ-awˇ, uˬ ciꞈ paw aˬ yawꞈ-euˬ tsawˇ haˬ deuˬ nehˬ-ehˇ aˬ yawꞈ maˬ yuꞈ-a.

2 Sahˬpaˬ 2:24

Eˇliˇshehˇ naˇ kʼah ciˬ pyawˇ-awˇ, aˬ yawꞈ maꞈ-ahˇ lmˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ yaˬ kʼehˇ yaˬ nehˬ-euˬ meh. Kʼoeˇ ngeh, kʼaˬ hmˇ aˬ ma nyiˬ mawˇ aˇ bawˇ sahˬ kʼaˆ-ahˇ neh doˆ le-awˇ, aˬ li zaˬ guˬ oeˬ tseˇ nyiꞈ gʼaˬ-ahˇ kawꞈ sehꞈ-euˬ meh.

Dawqdaq 17:11

Haiˬ-eu tsawˇ haˬ yaw cawˆ jeˬ tehꞈ-ehˇ mˇ-eu miˇ neh, haiˬ dui dui-eu tsawˇ kaˬ-ahˇ, aˬ yawꞈ jawˇ gaˇ pyehˬ gʼeh tehꞈ-a.

Dawqdaq 27:3

Kʼaˬ lo hawˇ-eu kʼaˇ shuiꞈ yaw kah meh. Ehˇ kʼawꞈ, aˬ dzawˬ aˇ gah kʼoeˇ naˆ maˬ tseˇ kah-eu meh.

Dawqdaq 28:15

Maˬ tsaˬ maˬ dawˇ-eu sahˬ paˬ-aˬ, shaˬ zaˬ zahˬ zaˬ mehˬ shi joeˬ joeˬ-ehˇ cah-eu aˇ laˬ jaˬ shiˇ hawˇ-eu, lmˬ lmˬ-ehˇ oe-eu kʼaˬ hmˇ-ahˇ duˇ-eu meh.

Dawqdaq 29:9

Tsawˇ gahˇ ahˇ-eu tsawˇ haˬ aˬ dzawˬ aˇ gah nehˬ-ehˇ yaˇ kʼaˬ ja ngeh, aˬ dzawˬ aˇ gah uiˇ uiˇ-ehˇ, dawˬ kʼaˆ ngehˬ-awˇ tsawˇ pyehˇ pyehˇ-eu meh.

Hawˇseˬ 13:8

Zaˬ bi nyehꞈ-euˬ kʼaˬ hmˇ loꞈ-ehˇ, naw maꞈ-euˬ kʼahˬ ngawˬ paˆ dzeh ma. Haiˬ-eu aˇ laˬ jaˬ shiˇ loꞈ-ehˇ, naw maꞈ-ahˇ ngaˇ kawꞈ sehꞈ dzaˬ ma. Bawˇ tsahˬ jeˬ zaˬ yaw haiˬ loꞈ-ehˇ, naw maꞈ-ahˇ ngaˇ cehˬ paˆ dzeh ma.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.