Dawqdaq 16:20 - Akha

²⁰ Dawˬ mehˬ dawˬ tsoˆ naˇ haˬ geuꞈ-eu deuˬ baw le za le-awˇ, Sahˬpaˬ Miˬyehˇ-ahˇ gʼoe-eu deuˬ laˬ kʼaˬ ya cehˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Tsawrganr zmq-awr Yaerdawq-anr povtser-eu tsawrhaq-aq, Yawmuiq jeq ya povmawr-awr, Ya’we Miqyaer-anr ghoe-eu tsawrhaq-aq, guiqlanqhuiq taef-a.

Dawqdaq 16:20 ပူးပေါင်းရင်းမြစ်များ

1 Laˬsaˬbaˬ 5:20

Aˬ yawꞈ maꞈ Miˬyehˇ-ahˇ jah-eu laꞈ kʼoeˇ “Caw ba nehˬ laꞈ-awˬ” lehˇ guiˬ lahˬ shaˇ-euˬ loꞈ-ehˇ, aˬ yawꞈ maꞈ-euˬ shaˇ dawˬ-ahˇ Miˬyehˇ naˇ haˬ nehˬ-awˇ, Haˬgaˬliˇ tsawˇ jeuˬ hawˇ-eu aˬ yawꞈ maꞈ nehˬ-ehˇ kʼaˇ gm leˇ-euˬ deuˬ kʼoeˇ taˆ guiˇ bi deuˆ gʼaˬ-euˬ meh.

Jaceuq 125:1

Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Jaceuq 146:5

Yaˬkoˆ-euˬ Miˬyehˇ neh caw ba nehˬ-euˬ gʼaˬ guiˬ lahˬ huiˬ-eu meh. Aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-eu gʼaˬ guiˬ lahˬ huiˬ-eu meh.

Jaceuq 32:10

Haiˬ-eu tsawˇhaˬ shaˬzahˬnaꞈ-awˇ, SahˬpaˬMiˬyehˇ-ahˇgʼoe-eu deuˬ, gʼoeˇ-eu gaˬ-eu bi tsahˇlahˇmeh.

Jaceuq 34:8

SahˬpaˬMiˬyehˇmuiˬdui dui-eu, yaw muiˬpaˬ-ehˇpyehˆtseˇduˬ-awˬ. Aˬyawꞈ-ahˇtahˬshaˇleˇ-eu deuˬ, laˬkʼaˬcehˇ-eu jeˬ oꞈ-eu meh.

Dawqdaq 13:13

Dawˬ mehˬ dawˬ tsoˆ maˬ naˇ haˬ-eu tsawˇ haˬ, shaˬ zahˬ shaˇ pi gaˇ duˇ-awˇ, dawˬ mehˬ dawˬ tsoˆ naˇ haˬ geuꞈ-eu tsawˇ haˬ, guiˬ lahˬ shaˇ baꞈ gaˇ duˇ-eu meh.

Dawqdaq 13:15

Dehꞈ tsaˬ dehꞈ tsahˇ nya-eu tsawˇ haˬ myaˆ pyawˬ naˇ mehˇ jaˆ-awˇ, saˇ jaˇ maˬ ziꞈ-eu tsawˇ haˬ cawˆ-iˇ-eu gaˇ ma-ahˇ cah luꞈ-eu meh.

Dawqdaq 17:2

Tsawˇ gahˇ ahˇ-eu zaˬ kʼaˆ, daˬ ga-eu aˬ li maˬ tseˇ tawˬ-awˇ, jeˬ biˇ tiˬ paˆ za-eu yaw duˬ baw meh.

Dawqdaq 19:8

Zaˬ siˬ tsawˇ gahˇ poˆ-eu tsawˇ haˬ yawˬ haˇ yawˬ ha gaˬ gaˇ duˇ-awˇ, noeˬ siˬ noeˬ mawˇ nya-eu jeˬ ahˇ-eu tsawˇ haˬ baw le za le tehꞈ-a.

Dawqdaq 8:35

Ngaˬ-ahˇ mawˇ-euˬ tsawˇ haˬ dehꞈ-eu saꞈ laˇ mawˇ-awˇ, aˬ yawꞈ-ahˇ Sahˬpaˬ Miˬyehˇ nui kʼahˇ shiˇ tehꞈ-a.

Iˇsaˬyaˇ 30:18

Naw maꞈ-ahˇ gʼawˬ shaˬ gaˬ nehˬ-eu gʼaˇ duˬ, Sahˬpaˬ Miˬyehˇ loꞈ luꞈ-eu meh. Aˬ yawꞈ aˬ myah luꞈ yaw tsaˬ yaw dawˇ miˇ neh, naw maꞈ-ahˇ gʼawˬ shaˬ gaˬ-eu lehˬ hmˬ taˬ-euˬ meh. Sahˬpaˬ Miˬyehˇ-ahˇ gʼoe-eu tsawˇ haˬ guiˬ lahˬ huiˬ-eu meh.

Daˬyeˬlaˇ 3:28

Kʼoeˇ ngeh, sahˬ paˬ heu loꞈ-ehˇ ehˇ-eu meh. “Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ ja ceuˬ-awˬ. Aˬ yawꞈ-ahˇ gʼoe-awˇ aˬ yawꞈ-euˬ nui kʼahˇ mˇ-eu tsawˇ haˬ heu smˇ gʼaˬ-ahˇ, aˬ yawꞈ-euˬ mˬ taˆ gʼaˬ kʼehˇ pyehˬ leꞈ-awˇ bi ka kʼoꞈ le-euˬ meh. Aˬ yawꞈ maꞈ-euˬ Miˬyehˇ-ahˇ maˬ ngeuˇ naˇ miˬ yehˇ nui gʼaˬ-ahˇ uˬ duˬ maˬ tahˬ lehˇ, shiˇ gaˇ maˬ guˆ ni ngaˬ-euˬ ehˇ dawˬ-ahˇ puiˬ-euˬ meh.

Daˬyeˬlaˇ 6:23

Sahˬ paˬ laˬ kʼaˬ cehˇ dui dui-awˇ, Daˬyeˬlaˇ-ahˇ aˇ laˬ jaˬ shiˇ kuˆ-ahˇ neh gʼeu doˆ-eu gʼaˇ duˬ dawˬ biꞈ-euˬ meh. Aˬ yawꞈ maꞈ aˬ yawꞈ-ahˇ gʼeu doˆ ngeh, aˬ yawꞈ Miˬyehˇ-ahˇ jah-eu miˇ neh tiˬ jeˬ-iˬ maˬ gʼeh ni jawˇ gaˇ ya mawˇ-euˬ meh.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.