Dawqdaq 16:18 - Akha

¹⁸ Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Nuima huiq-eu jeq-aq, cawv-ir-eu jeq-euq maeqhu canluf-awr, Janrghae-eu nuima-aq, coq-ir-eu jeq-euq maeqhu canluf-eu mae.

Dawqdaq 16:18 ပူးပေါင်းရင်းမြစ်များ

Iˇsaˬtaˆ 3:5

Mawˬdaˬkehˇ gʼaˬ aˬ yawꞈ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu jeˬ maˬ mˇ lehˇ noeˬ tsehˆ taˬ-euˬ gaˇ Haˬmaˬ ya siˬ duˬ ngeh, nui ma pehˇ dui dui leˇ-euˬ meh.

Iˇsaˬtaˆ 6:6

Kʼoeˇ naˇ, Haˬmaˬ uˇ laˇ-awˇ, aˬ yawꞈ-ahˇ sahˬ paˬ ehˇ nehˬ-eu, “Ngaˇ yaw kʼaˆ-ehˇ ciˬ huiˬ ciˬ mahˇ nehˬ mawꞈ-eu tsawˇ haˬ tiˬ gʼaˬ jawˇ-eu ma. Aˬ yawꞈ-ahˇ ngaˇ aˬ joˆ-ehˇ jahˇ nehˬ-eu tsaˬ nmˇ” lehˇ ehˇ nehˬ-euˬ meh. “Sahˬ paˬ aˇ dzehˬ-ehˇ ciˬ huiˬ ciˬ mahˇ neh mawꞈ-eu gʼaˬ-aˬ, ngaˇ maˬ ngeuˇ-ehˇ aˬ suˇ gʼaˬ paˇ jawˇ nmˇ” lehˇ Haˬmaˬ noeˬ kʼoeˬ-euˬ meh.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Dawqdaq 11:2

Nui ma huiˬ-eu mahˇ-eu mehˬ nah, nui ma cawˆ-eu jeˬ caw-awˇ, nui ma nahˬ yu ni gʼeh-eu mehˬ nah, zaˬ siˬ tsawˇ gahˇ caw-eu meh.

Dawqdaq 17:19

Iˬ baˇ-ahˇ gaˬ-eu tsawˇ haˬ yaˇ kʼaˬ laˆ doˆ gaˇ duˇ-awˇ, kʼahˬ sehˇ jehˆ-eu tsawˇ haˬ shaˬ zahˬ shaˇ naꞈ gaˇ duˇ-eu meh.

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Iˇsaˬyaˇ 37:38

Tiˬ nah keuˆ laˇ ngeh, aˬ yawꞈ-euˬ miˬ yehˇ pyeuꞈ-eu Niˇsaˬloˆ miˬ yehˇ-euˬ uˬ duˬ tahˬ nymˇ-ahˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬlaˬmeˬlehˆ hawˇ-eu Shaˬleˬzaˬ aˬ nyaꞈ nmˇ, aˬ yawꞈ-ahˇ mi cehˇ neh sehꞈ-awˇ, Aˬyaˬyaˇ miˇ kʼahˬ-ahˇ cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇsaˬhaˬdoˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

Yeˬlaˬmiˇ 49:16

Nawˇ nui ma huiˬ-eu mahˇ-eu jeˬ, nawˬ-ahˇ mehˇ shuiˇ shuiˇ-euˬ meh. Nawˬ neh noeˬ-euˬ loꞈ-ehˇ, aˬ cawˬ tiˬ gʼaˬ-iˬ nawˬ-ahˇ maˬ guˆ-a. Gawˬ jawˬ uˬ du jaˆ-eu lo guˇ uˬ gʼmˬ-ahˇ nawˇ jawˇ-eu meh. Kʼaˬ dzeˇ loꞈ-ehˇ goˇ dui dui-eu tsahˇ-ahˇ jawˇ kʼawꞈ, Sahˬpaˬ Miˬyehˇ nawˬ-ahˇ dehˬ ka nya meh lehˇ, Sahˬpaˬ Miˬyehˇ ehˇ taˬ-euˬ dawˬ jaˆ meh.”

Yeˬlaˬmiˇ 50:32

Nui ma huiˬ-eu mahˇ-eu naw maꞈ tsawˇ jeuˬ coˬ-iˇ-awˇ, tsahˇ tuˇ nehˬ-eu gʼaˬ maˬ jawˇ-ehˇ pyeuꞈ-iˇ tehꞈ-a. Nawˬ-euˬ meuˬ deuˬ-ahˇ ngaˇ miˬ dzaˬ keuˬ dzeh-awˇ, tahˬ gʼoꞈ tahˬ jawˇ kʼaˇ jaˆ-eu jeˬ dawˬ tawˆ luꞈ cawˆ-iˇ jiˇ tehꞈ-a.”

Yeˬsaˬgeˬlaˇ 28:17

Nawˬ-euˬ seuˆ jeuꞈ aˇ gʼehˇ muiˬ gaˇ, nawˇ nui ma huiˬ dui dui-eu meh. Nawˇ tsawˇ myahˇ doˆ-eu baˬ da neh, nui ma-ahˇ maˬ paˇ noeˬ-euˬ meh. Kʼoeˇ miˇ neh, nawˬ-ahˇ dehˬ coˬ-awˇ, miˇ kʼahˬ sahˬ paˬ deuˬ-euˬ mehˬ shi, haw niˇ gʼa duˬ bi pyeuꞈ-euˬ ma.

Yeˬsaˬgeˬlaˇ 29:9

Iˇjiˇtuˆ miˇ kʼahˬ byoˆ-iˇ laˆ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu nawˇ ya siˬ duˬ tehꞈ-a. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu miˇ neh,

Daˬyeˬlaˇ 11:12

Aˬ yawꞈ guiˇ deuˆ gʼaˬ-euˬ gaˇ kawˆ hawˇ-eu, aˬ yawꞈ neh yehˇ gʼawˬ mya ni deuˆ sehꞈ-euˬ gaˇ kawˆ, aˬ yawꞈ kʼahˬ sehˇ jehˆ tehꞈ-a. Ehˇ kʼawꞈ, aˬ yawꞈ aˬ myah luꞈ kʼoeˇ loꞈ-ehˇ tehꞈ-ehˇ maˬ deuˆ gʼaˬ nya ni pyeuꞈ laˇ tehꞈ-a.

Daˬyeˬlaˇ 5:22

“Ehˇ kʼawꞈ, aˬ yawꞈ-euˬ aˬ li pyeuꞈ-eu nawˇ-aˬ, gaˇ kawˆ heu deuˬ dawˬ tawˆ luꞈ siˬ nya kʼawꞈ, nui nahˬ nui yu maˬ ahˇ-a.

Daˬyeˬlaˇ 5:24

Kʼoeˇ miˇ neh, sahˬ boꞈ heu bi boꞈ-eu lehˇ, Miˬyehˇ neh aˬ laꞈ pyehˬ gʼeh leꞈ-euˬ meh.

Maꞈtehˬ 26:74

Kʼoeˇ ngeh jawˇ, Beˬtuˆluˆ ehˇ-eu, “Ngaˇ jaˬ myawꞈ maˬ myawꞈ lehˇ kamˬ peuˬ ma. Ngaˇ jaˬ myawꞈ myawꞈ lawˬ naˇ, Miˬyehˇ ngaˬ-ahˇ kʼehˬ luꞈ-uˇ. Tsawˇ haˬ kʼoeˇ gʼaˬ-ahˇ ngaˇ maˇ maˇ ni maˬ siˬ nya nya.” Kʼoeˇ loꞈ-ehˇ ehˇ gʼaˬ-eu nehˬ-ehˇ, ya poeˇ doeˇ doˆ laˇ-euˬ meh.

Luˇkaꞈ 14:9

Kʼoeˇ loꞈ-ehˇ kuˇ taˬ-euˬ gaˇ zaˬ leˇ ngeh jawˇ, naw nyaꞈ nyiˬ gʼaˬ luꞈ-ahˇ kuˇ-euˬ nymˇ sahˇ gʼaˬ nawˬ-ahˇ, ‘Heu gʼaˬ-ahˇ nawˬ-euˬ nuiˇ duˬ tiˬ poˆ pawˇ nehˬ-iˬ sheˇ’ lehˇ ehˇ le tehꞈ-a. Kʼoeˇ ngeh jawˇ, nawˇ ya shaꞈ dawˇ-awˇ, aˬ cawˬ taꞈ-ehˇ awˆ dzehˬ-eu nuiˇ duˬ-ahˇ ya nuiˇ paˇ-iˇ tehꞈ-a.

Lormav 11:20

Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.

1 Tiˆmoˇseˬ 3:6

Nehꞈ sahˬ pahˬ nui ma huiˬ-eu mahˇ-eu baˬ da neh Miˬyehˇ neh yaˇ kʼaˬ daˇ nehˬ-euˬ jeˬ-ahˇ ya daˬ-euˬ loꞈ-ehˇ maˬ ya pyeuꞈ ni, jah-eu jeˬ laꞈ kʼoeˇ gʼaˬ kʼaˆ loꞈ laˇ-euˬ tsawˇ haˬ ya bi pyeuꞈ meh.

Yaˇ kʼaˬ daˇ 11:28

Ehˇ kʼawꞈ, Yeˬpaˬtaˆ neh dawˬ tsaꞈ biˬ tsaꞈ gaˬ-iˇ-euˬ dawˬ-ahˇ, Aˬmoˬ sahˬ paˬ maˬ naˇ haˬ geuꞈ-a.

1 Saˬmeuˬlaˆ 17:42

Daˬbiˇ-ahˇ aˬ yawꞈ mawˇ duˬ ngeh, noeˬ teˬ dui dui-awˇ, nui ma pehˇ laˇ-euˬ meh. Aˬ jeˬ miˇ neh ehˇ naˇ, Daˬbiˇ-aˬ, nahˬ jawˆ ni gʼeh-awˇ, aˇ gʼehˇ muiˬ dui dui-eu aˬ li zaˬ guˬ tiˬ gʼaˬ pyeuꞈ luꞈ gaˇ aˬ yawꞈ ya mawˇ-euˬ meh.