Dawqdaq 16:14 - Akha

¹⁴ Sahˬ paˬ nui pehˇ tsawˇ shiˇ uˬ kʼawˇ shaˇ-eu miˇ neh, tsawˇ gahˇ ahˇ-eu deuˬ sahˬ paˬ-ahˇ dehꞈ tsaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Sanqpaq-euq nuipaer-aq, shir-eu jeq-euq ghaqzaq ghaqkhaer pyeuf-eu mae. Aerkhawf, tsawrganr anr-eu tsawrhaq, Nuipaer khoer-anr daeqkaq nya-eu mae.

Dawqdaq 16:14 ပူးပေါင်းရင်းမြစ်များ

Aˇ dahˬ 40:2

Aˬ yawꞈ nyaꞈ kʼoeˇ loꞈ-ehˇ mˇ bahˬ-euˬ gaˇ, sahˬ paˬ nui ma pehˇ-eu meh.

Iˇsaˬtaˆ 7:7

Sahˬ paˬ nui ma pehˇ-eu laꞈ kʼoeˇ tuˇ-awˇ, laꞈ nyiˇ doˆ-iˇ-awˇ yaˇ kmˇ-ahˇ iˇ-euˬ meh. Gaˇ kawˆ kʼoeˇ baˬ da neh aˬ yawꞈ-ahˇ sahˬ paˬ kʼehˬ-eu lehˇ noeˬ tsehˆ taˬ-euˬ gaˇ Haˬmaˬ haw siˬ-awˇ, naˇ kʼah paw jawˇ yaꞈ-awˇ, aˬ yawꞈ maˬ ya shiˇ ni sahˬ paˬ miˬ zaˬ Iˇsaˬtaˆ-ahˇ shaˇ ju-euˬ meh.

Dawqdaq 15:18

Nui ma yaw suˬ deuˬ iˬ dehˬ iˬ ceh laˆ doˆ-awˇ, nui ma yaw mahˇ deuˬ nui jaˆ laˆ byoˆ-eu meh.

Dawqdaq 16:13

Tsaˬ-eu dawˇ-eu dawˬ-ahˇ sahˬ paˬ gaˬ mawꞈ-eu loꞈ-ehˇ, yaw tsaˬ yaw dawˇ jeˬ ngehˬ-eu gʼaˬ-ahˇ aˬ yawꞈ taˬ huiˬ-eu meh.

Dawqdaq 16:15

Sahˬ paˬ myaˆ pyawˬ shiˬ-eu dehꞈ-eu saꞈ laˇ pyeuꞈ-awˇ, aˬ yawꞈ nui ma tsaˬ-eu jeˬ-aˬ, jawˇ la-ahˇ uˬ yehˇ bi yehˇ le-eu mˬ dmˇ-ahˇ duˇ-eu meh.

Dawqdaq 17:11

Haiˬ-eu tsawˇ haˬ yaw cawˆ jeˬ tehꞈ-ehˇ mˇ-eu miˇ neh, haiˬ dui dui-eu tsawˇ kaˬ-ahˇ, aˬ yawꞈ jawˇ gaˇ pyehˬ gʼeh tehꞈ-a.

Dawqdaq 19:12

Sahˬ paˬ-euˬ nui pehˇ kʼaˬ laˬ joeˬ gaˇ duˇ-awˇ, aˬ yawꞈ-euˬ nui gaˬ yaˇ moꞈ-ahˇ ceuˬ ga gaˇ duˇ-eu meh.

Dawqdaq 20:2

Sahˬ paˬ nui pehˇ dzoeˬ-eu kʼaˬ laˬ, sahˬ paˬ-ahˇ laˆ ca-euˬ tsawˇ shiˇ uˬ kʼawˇ.

Dawqdaq 29:26

Sahˬ paˬ sahˬ ma deuˬ neh gʼawˬ shaˬ bi haw gaˬ-eu jeˬ-ahˇ yawˬ gʼaˬ na luꞈ geuꞈ mawꞈ-eu meh. Ehˇ kʼawꞈ, yaˇ kʼaˬ daˇ nehˬ-eu gʼaˬ Sahˬpaˬ Miˬyehˇ meh.

Dawqdaq 29:8

Aˬ cawˬ gʼaˇ duˬ maˬ shaˇ noeˬ-eu tsawˇ haˬ, meuˬ meuˬ lah-ehˇ laˆ shaˬ nya-awˇ, zaˬ siˬ tsawˇ gahˇ ahˇ-eu tsawˇ haˬ iˬ dehˬ iˬ ceh laˆ byoˆ nya-eu meh.

Dawˬ tsoˆ 10:4

Sahˬ paˬ sahˬ ma nawˬ-ahˇ nui ma maˬ saˇ ngeh, nawˬ-ahˇ biꞈ taˬ-euˬ gaˇ maˬ mˇ ni taˬ byehˇ dzeh. Ciˬ cuˇ ni jawˇ-eu jeˬ-aˬ, huiˬ-eu iˬ baˇ bi buˬ-iˇ nya-eu meh.

Daˬyeˬlaˇ 2:16

Tiˬ poˆ tehꞈ-ehˇ, sahˬ paˬ jawˇ gaˇ Daˬyeˬlaˇ le-awˇ, yuꞈ maˆ-euˬ dawˬ tsuiꞈ sahˬ paˬ-ahˇ aˬ yawꞈ ehˇ mehˬ nehˬ nya ni, aˇ yamˬ tiˬ kʼehˬ biꞈ laꞈ-eu gʼaˇ duˬ shaˇ leˇ-euˬ meh.

Maˬkuˆ 6:27

Kʼoeˇ miˇ neh, kʼoeˇ gaˇ loꞈ luꞈ-eu yehˇ tiˬ gʼaˬ-ahˇ yaw kawˇ-ehˇ kʼehˇ gʼeh-awˇ, Yoˇhaˬ-euˬ uˬ duˬ yuˇ laꞈ-eu gʼaˇ duˬ dawˬ biꞈ-euˬ meh. Yehˇ kʼoeˇ gʼaˬ tawˬ-ahˇ iˇ-awˇ, Yoˇhaˬ-euˬ uˬ duˬ coeˇ tsehˆ-euˬ meh.

Gʼaˬkʼehˇ 12:20

Heˬloˆ-aˬ, Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ-ahˇ nui ma pehˇ dui dui-eu meh. Kʼoeˇ miˇ neh, aˬ yawꞈ maꞈ nui maˬ tiˬ siˬ tehꞈ-ehˇ taˬ-eu laꞈ kʼoeˇ, baˬ maꞈ puˇ jeˬ-ehˇ aˬ yawꞈ-ahˇ tahˬ puˬ laˇ-euˬ meh. Sahˬ paˬ-euˬ hawˇ nymˇ-ahˇ aˬ yuiꞈ geuꞈ-awˇ haw-eu pyaˆ-eu gʼaˬ pyeuꞈ-eu Baˬlaˬduˇ-ahˇ jeˬ huˬ ja cawˬ-awˇ, Heˬloˆ nehˬ-ehˇ ja tsaˬ geuꞈ leˇ-euˬ meh. Aˬ jeˬ miˇ neh ehˇ naˇ, sahˬ paˬ Heˬloˆ-euˬ miˇ kʼahˬ-ahˇ aˬ yawꞈ maꞈ dzaˬ dzaˬ dawˇ dawˇ gʼoe luꞈ-eu meh.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.