Dawqdaq 16:12 - Akha

¹² Yaw tsaˬ yaw dawˇ jeˬ kʼoeˇ taˆ dzoeˬ dzaˬ ciˬ nuiˇ taˬ-euˬ miˇ neh, yaw haiˬ jeˬ-ahˇ sahˬ paˬ sahˬ ma deuˬ nui daˆ daˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Sanqpaq deuq-aq, yawcawv jeq mr-eu gar nuidav dav-eu mae. Aqjeq mirnae aernar-aq, tsaq-awr dawr-eu jeq-euq baqda’nae, nuirmanq zifnya-eu mae.

Dawqdaq 16:12 ပူးပေါင်းရင်းမြစ်များ

2 Laˬsaˬbaˬ 17:5

Yuˇdaˆ miˇ kʼahˬ-ahˇ yaw muiˬ paˬ-ehˇ uˆ lahˇ gʼaˬ nya ni, Yeˬhawˇshaˬpaˇ-ahˇ Sahˬpaˬ Miˬyehˇ yaw muiˬ paˬ-ehˇ caw ba nehˬ-awˇ, miˇ kʼahˬ zaˬ dawˬ tawˆ luꞈ aˬ yawꞈ-ahˇ laꞈ sawˬ biꞈ laˇ-eu miˇ neh, aˬ yawꞈ smˇ muiˬ muiˬ dui dui laˇ-awˇ, aˬ cawˬ aˬ yawꞈ-ahˇ taˬ huiˬ taˬ mahˇ-eu meh.

Jaceuq 99:4

Baoˬ huiˬ dui dui-eu sahˬ paˬ-oˇ, Iˇsaˬleˬlaˆ miˇ kʼahˬ laꞈ kʼoeˇ yaw tsaˬ yaw dawˇ jeˬ nawˇ bi jaˆ-euˬ meh. Yaw sui yaw dawˇ jeˬ nawˇ bi keuˆ le-euˬ meh.

Dawqdaq 16:13

Tsaˬ-eu dawˇ-eu dawˬ-ahˇ sahˬ paˬ gaˬ mawꞈ-eu loꞈ-ehˇ, yaw tsaˬ yaw dawˇ jeˬ ngehˬ-eu gʼaˬ-ahˇ aˬ yawꞈ taˬ huiˬ-eu meh.

Dawqdaq 20:18

Bawˬ toˆ yaw muiˬ suˇ teˇ naˇ, suˇ dawˬ maˬ kuꞈ gaˇ guiˇ taˬ deuˆ.

Dawqdaq 25:5

Sahˬ paˬ-ahˇ maˬ muiˬ maˬ jaˬ-eu nui noeˬ nui duˇ biꞈ luꞈ-eu tsawˇ haˬ deuˬ-ahˇ teh dzeh ngeh, sahˬ paˬ yaw tsaˬ yaw dawˇ laꞈ kʼoeˇ uˆ lahˇ-eu gaˇ kawˆ doˆ laˇ-eu meh.

Dawqdaq 28:9

Zahˇ sahˇ kʼoꞈ mehˬ nah maˬ caw teh-eu tsawˇ haˬ-euˬ guiˬ lahˬ shaˇ dawˬ-ahˇ, Miˬyehˇ nui daˆ daˆ-eu meh.

Dawqdaq 29:14

Sahˬ zaˬ zahˬ zaˬ-ahˇ gʼawˬ shaˬ gaˬ-eu laꞈ kʼoeˇ haw piˇ-eu sahˬ paˬ dzoeˬ dzaˬ ziꞈ-eu meh.

Dawqdaq 29:4

Yaw tsaˬ yaw dawˇ jeˬ-ahˇ gaˬ-eu sahˬ paˬ-aˬ, miˇ kʼahˬ laˆ ziꞈ-awˇ, pyuˇ shuiˇ-ahˇ gaˬ-eu sahˬ paˬ miˇ kʼahˬ laˆ cawˆ-eu meh.

Luˇkaꞈ 12:48

Ehˇ kʼawꞈ, baw leˬ-euˬ nui kʼahˇ maˬ siˬ nya-eu miˇ neh bi diˬ paˬ-ehˇ gʼeh-eu jeˬ mˇ bahˬ-euˬ zaˬ kʼaˆ-aˬ, yaw kʼaˆ kʼaˆ-ehˇ diˬ gaˇ maˬ ya daˬ-aˇ. Gʼawˬ mya ni za-euˬ tsawˇ haˬ yawˬ gʼaˬ na luꞈ, gʼawˬ mya ni ya biꞈ tehꞈ-a. Kʼoeˇ myaˆ maˬ tseˇ biꞈ taˬ-euˬ tsawˇ haˬ-ahˇ, kʼoeˇ myaˆ maˬ tseˇ paˇ shaˇ kʼoꞈ tehꞈ-a.

Dawˬmehˬ 25:16

Tsawˇ gahˇ gahˇ dzaˬ-eu tsawˇ haˬ-ahˇ Sahˬpaˬ Miˬyehˇ bye-eu meh.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.