Dawqdaq 16:10 - Akha

¹⁰ Sahˬ paˬ sahˬ ma-ahˇ Miˬyehˇ bi noeˬ doˆ-eu miˇ neh, yaˇ kʼaˬ daˇ-eu maˬ lehˬ maˬ ca-iˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Sanqpaq-euq maeqluq aertsaev-eu dawq ngaeq-eu mae. Aqyawf-euq khaqmae yarkhaqdar ngae, yawbanq yawlaeq maqanr-a.

Dawqdaq 16:10 ပူးပေါင်းရင်းမြစ်များ

Aˇ dahˬ 44:15

Yoˇsehˆ ehˇ-eu, “Naw maꞈ aˬ jeˬ mˇ yaꞈ teˬ. Ngaˇ loꞈ-ehˇ gʼeh-eu miˇ kʼahˬ-ahˇ uˆ lahˇ-eu tsawˇ haˬ tiˬ gʼaˬ ja maw maw haw-eu laꞈ kʼoeˇ, naw maꞈ neh kʼaˇ mˇ taˬ-euˬ jeˬ-ahˇ haw mawˇ nya tehꞈ-a lehˇ naw maꞈ maˬ siˬ nya te loˇ.”

Aˇ dahˬ 44:5

Aˬ jeˬ miˇ neh naw maꞈ ngaˬ-euˬ sahˬ paˬ-euˬ pyuˇ kʼmˬ maˬ kʼoeˬ teˬ. Kʼmˬ maˬ heu kʼmˬ-aˬ, ngaˬ-euˬ sahˬ paˬ dawˇ-eu kʼmˬ maˬ pyeuꞈ-awˇ, ja maw maw ngeh kʼawꞈ, kʼmˬ maˬ heu kʼmˬ tehꞈ-ehˇ aˬ yawꞈ zmˬ-eu meh. Tiˬ pawꞈ-iˬ maˬ mˇ kʼmˬ-eu bahˬ dui dui-eu jeˬ-ahˇ naw maꞈ mˇ-euˬ nga’ lehˇ ehˇ nehˬ-awˬ.”

2 Saˬmeuˬlaˆ 14:16

Ngaˬ-euˬ dawˬ-ahˇ nawˇ naˇ haˬ nehˬ laꞈ-eu laꞈ kʼoeˇ, ngaˬ li-ahˇ maˬ ehˇ, ngaˬ-ahˇ maˬ ehˇ, Sahˬpaˬ Miˬyehˇ neh aˬ yawꞈ-euˬ tsawˇ jeuˬ-ahˇ jeˬ biˇ biꞈ nehˬ taˬ-euˬ miˇ tsaˬ laꞈ kʼoeˇ maˬ ya jawˇ ni sehꞈ-eu lehˇ gʼeh-eu gʼaˬ-euˬ aˬ laꞈ laꞈ kʼoeˇ, ngaˬ-ahˇ nawˇ ka kʼoꞈ nehˬ laꞈ tehꞈ-a lehˇ ngaˇ noeˬ-euˬ ma.

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

2 Laˬsaˬbaˬ 26:16

Sahˬ paˬ Awˇziˇ baoˬ huiˬ laˇ ngeh jawˇ, aˬ yawꞈ nui ma huiˬ laˇ-euˬ miˇ neh, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, yaw saw jeˬ lawˇ-eu lawˇ duˬ kʼoeˇ taˆ aˬ yawꞈ-euˬ gʼawˇ mawˇ yaw saw jeˬ doꞈ-awˇ lawˇ-eu laꞈ kʼoeˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ mˇ bahˬ-euˬ meh.

Jaceuq 99:4

Baoˬ huiˬ dui dui-eu sahˬ paˬ-oˇ, Iˇsaˬleˬlaˆ miˇ kʼahˬ laꞈ kʼoeˇ yaw tsaˬ yaw dawˇ jeˬ nawˇ bi jaˆ-euˬ meh. Yaw sui yaw dawˇ jeˬ nawˇ bi keuˆ le-euˬ meh.

Dawqdaq 29:4

Yaw tsaˬ yaw dawˇ jeˬ-ahˇ gaˬ-eu sahˬ paˬ-aˬ, miˇ kʼahˬ laˆ ziꞈ-awˇ, pyuˇ shuiˇ-ahˇ gaˬ-eu sahˬ paˬ miˇ kʼahˬ laˆ cawˆ-eu meh.

Hawˇseˬ 10:4

Aˬ yawꞈ maꞈ dawˬ awˬ kʼawꞈ ngehˬ-awˇ, saˇ jaˇ dzaˬ-eu jaˬ myawꞈ tehꞈ meh. Yaw tsaˬ yaw dawˇ poˆ laˆ laˆ-awˇ, doꞈ kʼaˆ dui dui-eu baw duˆ deuˬ, deh ga dehꞈ byah-euˬ gaˇ duˇ meh.

Aˬmoˆ 5:7

Yaw tsaˬ yaw dawˇ jeˬ-ahˇ sheu pyawˆ-awˇ, aˬ cawˬ kʼoeˇ taˆ myawꞈ dzaˬ shuiˇ dzaˬ-eu naw maꞈ deuˬ kʼoeˇ taˆ, dawˇ keuˆ le tehꞈ-a.

Aˬmoˆ 6:12

Kʼaˬ lo lo gahˬ kʼoeˇ taˆ mahˬ pyehˬ teh sehˇ nya ta loˇ. Tsawˇ haˬ zaˬ iˬ ma laˆ shaˆ-ahˇ mawˇ neˇ neh deh ma tsehˬ nya ta loˇ. Ehˇ kʼawꞈ, naw maꞈ-aˬ, yaw tsaˬ yaw dawˇ jeˬ-ahˇ doꞈ bi pyeuꞈ-iˇ-awˇ, tsaˬ-eu jeˬ-ahˇ lehˬ-eu jeˬ pyeuꞈ-iˇ ni sheu pyawˆ-eu meh.