Dawqdaq 15:9 - Akha

⁹ Haiˬ-eu deuˬ neh mˇ-euˬ gaˇ-ahˇ, Sahˬpaˬ Miˬyehˇ nui daˆ daˆ-awˇ, yaw tsaˬ yaw dawˇ mˇ-eu tsawˇ haˬ deuˬ-ahˇ, aˬ yawꞈ gaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ya’we Miqyaer, tsawrcawv-euq garma-anr nuidav dav-eu mae. Aerkhawf, aqyawf, tsaq-awr dawr-eu jeq-anr cantae-eu tsawrhaq-anr gaq-eu mae.

Dawqdaq 15:9 ပူးပေါင်းရင်းမြစ်များ

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Jaceuq 11:7

Tsaˬ-eu dawˇ-eu SahˬpaˬMiˬyehˇ, yaw tsaˬyaw dawˇmˇgaˇgaˬ-awˇ, kʼoeˇloꞈ-ehˇ mˇ-eu tsawˇhaˬdeuˬ, aˬyawꞈmehˬshi ya dehꞈtehꞈ-a.

Jaceuq 139:24

Ngaˬ-euˬ laꞈ kʼoeˇ yaw haiˬ jeˬ ahˇ nga loˇ lehˇ haw duˬ-awˇ, mˬ maˬ maˬ byaˆ zaˇ ziˇ ziꞈ-eu gaˇ ma-ahˇ ngaˬ-ahˇ sheuˬ gʼeh nehˬ laꞈ.

Jaceuq 5:5

Kʼahˬ sehˇjehˆgaˇ maˬhaw nahˇ-ehˇ, Yaw haiˬdeuˬ-ahˇ nawˇbye-eu meh.,

Dawqdaq 15:10

Dehꞈ bahˬ-eu tsawˇ haˬ-ahˇ yaw kʼaˆ-ehˇ kʼehˬ nehˬ-awˇ, maˬ mehˬ paˇ nya-eu deuˬ ya shiˇ tehꞈ-a.

Dawqdaq 21:21

Nawˇ ziˇ baw ziˇ za nya ni, gʼawˬ shaˬ gaˬ-eu nui ma ahˇ-awˇ yaw tsaˬ yaw dawˇ jeˬ mˇ-awˬ. Aˬ cawˬ nawˬ-ahˇ yaw zeu baw tehꞈ-a.

Dawqdaq 21:4

Haiˬ-eu deuˬ-euˬ nui ma yaw huiˬ yaw mahˇ, iˬ baˇ huiˬ dui dui meh.

Dawqdaq 21:8

Tsawˇ doeˇ gaˇ jaw poˆ. Tsawˇ muiˬ gaˇ dawˇ shaˇ.

Dawqdaq 4:19

Haiˬ-eu tsawˇ haˬ-euˬ gaˇ ma-aˬ, la tsehˆ ngeh miˇ loꞈ-ehˇ zahˇ-awˇ, pehˆ toˆ laˇ-eu jeˬ-ahˇ maˬ mawˇ nya-a.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Iˇsaˬyaˇ 26:7

Sahˬpaˬ Miˬyehˇ nawˇ tsawˇ muiˬ deuˬ gʼaˇ duˬ, gaˇ ma saˇ lehˆ ni shaˇ dahˇ-awˇ, juiˇ tsui ni laˆ saˆ nehˬ-eu meh.

Iˇsaˬyaˇ 51:1

Sahˬpaˬ Miˬyehˇ heu loꞈ-ehˇ ehˇ-eu meh. “Ka kʼoꞈ-eu jeˬ-ahˇ poˆ luꞈ-awˇ, ngaˬ-ahˇ tahˬ shaˇ laˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Naw maꞈ doˆ le-euˬ lo guˇ-ahˇ haw-awˬ. Naw maꞈ-ahˇ taꞈ doˆ-euˬ lo gahˬ-ahˇ shaˇ noeˬ-awˬ.

Iˇsaˬyaˇ 51:7

“Ngaˬ-euˬ zahˇ dawˬ kʼoꞈ dawˬ nui ma laꞈ kʼoeˇ ahˇ-awˇ, tsaˬ-eu dawˇ-eu jeˬ siˬ nya-eu naw maꞈ, ngaˇ ehˇ gaˇ naˇ haˬ-awˬ. Aˬ cawˬ naw maꞈ-ahˇ yehˬ bawˬ sehˇ lu-ehˇ ehˇ laˇ-awˇ lmˬ gaˇ, naw maꞈ ta guˆ.

Yeˬlaˬmiˇ 44:4

Miˬyehˇ gʼaˇ duˬ ngehˬ dah-euˬ ngaˬ-euˬ zaˬ kʼaˆ deuˬ-ahˇ, naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, ngaˇ bye dui dui-eu yaw jawꞈ jeˬ taˬ paˇ mˇ lehˇ bi ehˇ gaˬ le-euˬ ma.

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Maꞈtehˬ 7:13

“Gʼoˆ kʼehˬ yaw suꞈ-ahˇ uˇ leˇ-awˬ. Luˬ-iˇ seˇ-iˇ-eu gaˇ ma-euˬ gʼoˆ kʼehˬ-aˬ, jeˇ dui dui-awˇ, gaˇ ma saˇ lehˆ ni dahˇ-eu miˇ neh, uˇ leˇ-eu tsawˇ haˬ yaw myaˬ meh.

Dawˬmehˬ 7:13

Naw maꞈ tsawˇ haˬ myaˬ laˇ-awˇ, zaˬ oeˬ sahˇ jawˇ le ni, aˬ yawꞈ naw maꞈ-ahˇ gaˬ-awˇ guiˬ lahˬ biꞈ laꞈ tehꞈ-a. Dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, naw maꞈ-euˬ deh yaˇ hawˇ-eu yaˇ kmˇ deuˬ-ahˇ aˬ yawꞈ guiˬ lahˬ biꞈ laꞈ tehꞈ-a. Mawˇ neˇ hawˇ-eu yawˇ myaˬ laˇ behˇ laˇ ni, naw maꞈ-ahˇ aˬ yawꞈ guiˬ lahˬ biꞈ laꞈ tehꞈ-a. Naw maꞈ-ahˇ biꞈ-eu gʼaˇ duˬ naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ guiˬ lahˬ heu deuˬ, aˬ yawꞈ naw maꞈ-ahˇ biꞈ nehˬ laꞈ tehꞈ-a.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

2 Tiˆmoˇseˬ 2:22

Zaˬ guˬ deuˬ nui kʼahˇ jaˆ-eu jeˬ-ahˇ gaˇ jaw jaw-awˇ, Sahˬpaˬ Yeˬsuˇ-ahˇ caw ba nehˬ laꞈ lehˇ kuˇ luꞈ-eu nui ma shawˇ jehˆ ni gʼeh-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, yaw tsaˬ yaw dawˇ jeˬ , jah-eu jeˬ, gʼoeˇ-eu gaˬ-eu jeˬ, tsaˬ leˇ dzoeˇ leˇ-eu jeˬ, heu deuˬ gʼaˇ duˬ leh jeh dui dui-awˬ.