Dawqdaq 15:5 - Akha

⁵ Da dawˬ maˬ naˇ zaˬ yo tsawˇ kʼawˇ. Da dawˬ naˇ-eu zaˬ yo tsawˇ gahˇ lahˬ-mˇ jeˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqdzawq argan-aq, yawqha-euq aqda maeqpar tsovpar lar-eu gar hawdoer-eu mae. Aerkhawf, maeqpar naeq-eu gar narhaq-eu ghaq-aq, Noeqsiq noeqmawr nya-eu tsawrhaq mae.

Dawqdaq 15:5 ပူးပေါင်းရင်းမြစ်များ

1 Laˬsaˬbaˬ 28:20

Aˬ yawꞈ-euˬ aˬ li Sawˇlaˬmoˬ-ahˇ sahˬ paˬ Daˬbiˇ heu loꞈ-ehˇ ehˇ nehˬ-euˬ meh. “Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ gʼeh-awˬ. Gaˇ mˇ-eu dawꞈ leˇ-awˇ, aˬ jeˬ pyeuꞈ kʼawꞈ maˬ byehˇ dzeh ni mˇ daˆ leꞈ-awˬ. Ngaˇ gʼoe luꞈ-eu Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ tehꞈ-a. Aˬ yawꞈ nawˬ-ahˇ maˬ byehˇ dzeh-ehˇ, aˬ yawꞈ-euˬ Uˬ duˬ tahˬ nymˇ nymˇ ma tsoˆ gaˇ taꞈ leˇ-eu yawˬ jeˬ na luꞈ-ahˇ nawˇ mˇ jiˇ ngeh keuˆ ni, nawˬ nehˬ-ehˇ aˬ yawꞈ jawˇ tehꞈ-a.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Dawqdaq 1:23

Ngaˇ saˇ kiˇ kamˬ gaˇ naˇ haˬ sheˇ. Ngaˬ-euˬ nui gahˇ naw maꞈ-ahˇ shehˆ daˆ nehˬ-awˇ, ngaˬ-euˬ dawˬ naw maꞈ-ahˇ bi gaˬ le ma.

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 10:1

Heu-aˬ, Sawˇlaˬmoˬ-euˬ dawˬ daˬ deuˬ meh. Nui ma-ahˇ noeˬ-eu aˬ li-aˬ, aˬ da-ahˇ nui saˇ bi oꞈ-awˇ, aˬ dzawˬ dzawˬ-eu aˬ li-aˬ, aˬ ma-ahˇ shaˬ zahˬ ciˬ pi-eu meh.

Dawqdaq 13:1

Aˬ li yaw gahˇ aˬ da mehˬ gaˇ naˇ haˬ-awˇ, aˬ dzawˬ gʼaˬ yaw lehˬ maˬ geuꞈ mawꞈ-a.

Dawqdaq 13:18

Mehˬ nehˬ tsoˆ nehˬ gaˇ maˬ naˇ haˬ-eu tsawˇ haˬ shaˬ le zahˬ le-awˇ, mehˬ gaˇ tsoˆ gaˇ naˇ haˬ-eu tsawˇ haˬ-ahˇ aˬ cawˬ yaw zeu baw tehꞈ-a.

Dawqdaq 15:4

Dawˬ muiˬ maˬ shiˇ jaˆ gʼaˬ. Dawˬ doeˇ shaˆ shiˇ mehˬ dzaˬ.

Dawqdaq 15:6

Tsawˇ muiˬ nymˇ jiˇ pyuˇ shuiˇ duˬ gahˬ maˬ byoˆ, tsawˇ doeˇ myawˬ gahˬ yaw sahˇ laˆ shaˬ mˇ jeˇ

Dawqdaq 19:20

Dawˬ mehˬ dawˬ tsoˆ-ahˇ naˇ haˬ geuꞈ naˇ, aˬ kaˇ tiˬ nah zaˬ siˬ tsawˇ gahˇ byah laˇ tehꞈ-a.

Dawqdaq 25:12

Naˇ haˬ geuꞈ mawꞈ-eu tsawˇ haˬ tiˬ gʼaˬ yahˇ nya ni, siˬ duˬ mawˇ duˬ haw-euˬ gʼaˬ neh mehˬ nehˬ tsoˆ nehˬ-euˬ dawˬ-aˬ, muiˬ dui dui-eu shuiˇ neh jahˇ taˬ-euˬ laꞈ behˬ hawˇ-eu myawˬ guˇ naˆ maˬ tseˇ aˇ poeˬ kʼaˆ-eu meh.

Dawqdaq 6:23

Dawˬ mehˬ dawˬ tsoˆ tsoˆ-eu jeˬ-aˬ, tsiˇ kʼmˬ yaw shehꞈ loꞈ-ehˇ duˇ-awˇ, nawˬ-ahˇ dehꞈ jeˬ dehꞈ kawˆ gaˇ ma mehˬ-eu meh.

Tiˇtuˆ 1:13

Kʼoeˇ loꞈ-ehˇ ehˇ taˬ-euˬ kʼoeˇ tsaˬ-eu meh. Kʼoeˇ miˇ neh, aˬ yawꞈ maꞈ jah-eu ziꞈ laˇ nya ni yaw kʼaˆ kʼaˆ-ehˇ dehˬ-awˇ mehˬ nehˬ-awˬ.

Tiˇtuˆ 2:15

Gaˇ kawˆ heu deuˬ mehˬ nehˬ tsoˆ nehˬ-awˬ. Gʼaˬ biꞈ ngeh maˬ ehˇ, dehˬ dehˬ-ehˇ mehˬ paˇ tsoˆ paˇ ngeh maˬ ehˇ, baoˬ tiˬ byah ni zmˬ-awˬ. Aˬ cawˬ tiˬ gʼaˬ-iˬ nawˬ-ahˇ ta bi taˬ nyiˇ.