Dawqdaq 15:33 - Akha

³³ Sahˬpaˬ Miˬyehˇ-ahˇ guˆ-eu-aˬ, zaˬ siˬ tsawˇ gahˇ za-awˇ, nui nahˬ nui yu mehˬ hu aˬ cawˬ yaw zeu baw-eu jeˬ jaˆ-mˇ jeˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Ya’we Miqyaer-anr guv-eu jeq-aq, Zaqsiq tsawrganr za-eu maeqdawq tsovdawq pyeuf-awr, Nuinanq nuiyu-euq maeqnan, Taqhuiq taqmanr-eu jeq caw-eu mae.

Dawqdaq 15:33 ပူးပေါင်းရင်းမြစ်များ

Iˇsaˬtaˆ 2:15

Iˇsaˬtaˆ sahˬ paˬ jawˇ gaˇ le-eu aˇ yamˬ tsaˬ laˇ-euˬ meh. Iˇsaˬtaˆ-aˬ, Aˬbiˇheˬlaˇ-euˬ aˬ buˇ pyeuꞈ-awˇ Mawˬdaˬkehˇ-euˬ dmˇ ma tsaˬ-eu meh. Mawˬdaˬkehˇ neh aˬ yawꞈ-ahˇ gʼoˆ cu-euˬ meh. Iˇsaˬtaˆ-ahˇ kʼaˇ mawˇ-euˬ tsawˇ haˬ yawˬ gʼaˬ na luꞈ, aˬ yawꞈ-ahˇ gʼawˬ shaˬ gaˬ-eu nui ma ahˇ-eu meh. Aˬ yawꞈ ya le-eu aˇ yamˬ tsaˬ laˇ ngeh, aˬ yawˇ yawꞈ tiˬ jeˬ-iˬ maˬ dm maˬ geuꞈ ni, sahˬ paˬ-euˬ zaˬ miˬ zaˬ deuˬ jawˇ-eu nymˇ-ahˇ haw-eu pyaˆ-eu gʼaˬ pyeuꞈ-eu Heˬgehˇ neh bi dm di geuꞈ-euˬ loꞈ-ehˇ dm-awˇ geuꞈ-awˇ le-euˬ meh.

Yawˇbaˆ 28:28

“Kʼoeˇ naˇ, Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ pyeuꞈ-awˇ, yaw haiˬ jeˬ-ahˇ gaˇ jaw jaw-eu jeˬ-aˬ, gʼoˆ siˬ gʼoˆ shaw nya-eu jeˬ pyeuꞈ-eu meh lehˇ, tsawˇ haˬ zaˬ-ahˇ Miˬyehˇ ehˇ taˬ-euˬ meh.”

Jaceuq 111:10

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ dawˬ pehˬ duˬ puˇ meh. Aˬ yawꞈ-euˬ dawˬ-ahˇ naˇ haˬ-eu deuˬ-ahˇ, aˬ yawꞈ yaw muiˬ-ehˇ mehˬ nehˬ tsoˆ nehˬ-eu meh. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-eu tsaˬ meh.

Jaceuq 34:11

Zaˬguˬdeuˬngaˇjawˇgaˇlaˇ-awˇ, ngaˬ-euˬdawˬ-ahˇnaˇhaˬlaˇsheˇ. SahˬpaˬMiˬyehˇ-ahˇzeu-eu jeˬ, naw maꞈ-ahˇngaˇmehˬduˬnehˬnyaˇ.

Dawqdaq 1:2

Dawˬ daˬ heu deuˬ-aˬ, zaˬ siˬ tsawˇ gahˇ hawˇ-eu muiˬ dui dui-eu mehˬ-eu tsoˆ-eu dawˬ deuˬ-ahˇ nawˇ siˬ nya-awˇ, dawˬ tsuiꞈ naꞈ dui dui-eu dawˬ deuˬ-ahˇ nawˇ gʼoˆ shaw nya-eu gʼaˇ duˬ pyeuꞈ-eu meh.

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 15:32

Dawˬ mehˬ maˬ naˇ haˬ-ehˇ-aˬ, yaw ha-ahˇ laˆ shaˬ-awˇ, dawˬ tsoˆ-ahˇ noeˬ poˆ-eu-aˬ, tsawˇ gahˇ lahˬ-mˇ jeˇ.

Dawqdaq 16:1

Nui noeˬ tsawˇ haˬ-ahˇ oꞈ kʼawꞈ, dawˬ tmˇ Sahˬpaˬ Miˬyehˇ-ahˇ oꞈ-mˇ jeˇ.

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

Dawqdaq 29:23

Nui ma huiˬ-eu mahˇ-eu jeˬ nawˬ-ahˇ laˆ shaˬ-awˇ, nui nahˬ nui yu ahˇ naˇ, aˬ cawˬ nawˬ-ahˇ yaw zeu baw tehꞈ-a.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

Yaˬkoˆ 4:10

Sahˬpaˬ Miˬyehˇ-euˬ mehˬ shi nui ma nahˬ yu ni taˬ-awˬ. Aˬ yawꞈ naw maꞈ-ahˇ ciˬ huiˬ ciˬ mahˇ nehˬ laꞈ tehꞈ-a.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.