Dawqdaq 15:32 - Akha

³² Dawˬ mehˬ maˬ naˇ haˬ-ehˇ-aˬ, yaw ha-ahˇ laˆ shaˬ-awˇ, dawˬ tsoˆ-ahˇ noeˬ poˆ-eu-aˬ, tsawˇ gahˇ lahˬ-mˇ jeˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Maeqdawq tsovdawq-anr hawdzeur-eu aqgeu ghaq maqkaq, Yawqhar yawqha hawdoer-eu jeq pyeuf-eu mae. Aerkhawf, maeqpar-eu gar narhaq-eu tsawrhaq-aq, Ghovshaw-eu jeq za-eu mae.

Dawqdaq 15:32 ပူးပေါင်းရင်းမြစ်များ

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 10:17

Mehˬ-eu tsoˆ-eu jeˬ-ahˇ naˇ haˬ-eu tsawˇ haˬ-aˬ, dehꞈ-eu gaˇ ma-ahˇ cah luꞈ-awˇ, maˬ mehˬ maˬ tsoˆ paˇ nya-eu tsawˇ haˬ-aˬ, gaˇ bahˬ iˇ luꞈ-eu meh.

Dawqdaq 13:18

Mehˬ nehˬ tsoˆ nehˬ gaˇ maˬ naˇ haˬ-eu tsawˇ haˬ shaˬ le zahˬ le-awˇ, mehˬ gaˇ tsoˆ gaˇ naˇ haˬ-eu tsawˇ haˬ-ahˇ aˬ cawˬ yaw zeu baw tehꞈ-a.

Dawqdaq 15:14

Zaˬ siˬ zaˬ, tsawˇ gahˇ poˆ, aˇ gah zaˬ, aˬ jaꞈ jaꞈ.

Dawqdaq 15:21

Tsawˇ doeˇ yaw doeˇ jeˬ-ahˇ laˬ kʼaˬ cehˇ-awˇ, tsawˇ muiˬ yaw muiˬ jeˬ mˇ-eu meh.

Dawqdaq 15:31

Dawˬ mehˬ dawˬ tsoˆ gʼoˆ geuꞈ-eu tsawˇ haˬ, zaˬ siˬ tsawˇ gahˇ ahˇ-eu meh.

Dawqdaq 15:33

Sahˬpaˬ Miˬyehˇ-ahˇ guˆ-eu-aˬ, zaˬ siˬ tsawˇ gahˇ za-awˇ, nui nahˬ nui yu mehˬ hu aˬ cawˬ yaw zeu baw-eu jeˬ jaˆ-mˇ jeˇ.

Dawqdaq 15:5

Da dawˬ maˬ naˇ zaˬ yo tsawˇ kʼawˇ. Da dawˬ naˇ-eu zaˬ yo tsawˇ gahˇ lahˬ-mˇ jeˇ.

Dawqdaq 17:16

Nui ma-ahˇ maˬ noeˬ-eu aˬ dzawˬ aˇ gah deuˬ, zaˬ siˬ tsawˇ gahˇ poˆ-eu pyuˇ laˆ jiˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Dawqdaq 18:15

Nui noeˬ dehꞈ-eu tsawˇ haˬ tsawˇ gahˇ za-awˇ, zaˬ siˬ naˬ bawˇ tsawˇ gahˇ ciˬ kʼmˇ-eu meh.

Dawqdaq 19:20

Dawˬ mehˬ dawˬ tsoˆ-ahˇ naˇ haˬ geuꞈ naˇ, aˬ kaˇ tiˬ nah zaˬ siˬ tsawˇ gahˇ byah laˇ tehꞈ-a.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Dawˬ tsoˆ 7:5

Aˬ dzawˬ caˇ gaˇ naˇ-eu maˬ tseˇ, zaˬ siˬ dehˬ gaˇ naˇ-eu tsaˬ meh.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Iˇsaˬyaˇ 3:9

Aˬ yawꞈ maꞈ myaˆ pyawˬ huiˬ nyiˇ tseˇ-euˬ saˇ kiˇ jaˆ-awˇ, aˬ yawꞈ maꞈ-euˬ iˬ baˇ maˬ zaꞈ taˬ ni, Sawˇdoˬ meuˬ-euˬ iˬ baˇ loꞈ-ehˇ bya cehˆ ni jaˆ-eu meh.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Dawˬmehˬ 21:18

“Tsawˇ haˬ tiˬ gʼaˬ, aˬ ma aˬ da-ahˇ puiˬ mawꞈ-eu, nui ma gʼahˇ-eu aˬ li tiˬ li jawˇ-eu ehˇ-awˬ. Aˬ li kʼoeˇ li-ahˇ aˬ ma aˬ da deuˬ diˬ diˬ-ehˇ mehˬ nehˬ kʼawꞈ, ehˇ dawˬ maˬ naˇ haˬ-eu ehˇ-awˬ.

Dawˬmehˬ 21:20

‘Nga pehˬ-euˬ aˬ li heu gʼaˬ-aˬ, nui ma gʼahˇ-awˇ, aˬ ma aˬ da-euˬ ehˇ dawˬ maˬ naˇ haˬ ni, aˬ ma aˬ da-ahˇ puiˬ-eu uˬ taꞈ, pyuˇ zmˬ dzeh-awˇ, jiˇ baˬ dawˇ yehꞈ dawˇ yehꞈ-ehˇ jawˇ-eu aˬ li tiˬ gʼaˬ pyeuꞈ-eu meh’ lehˇ, aˬ yuiꞈ aˬ tsu kʼoeˇ deuˬ-ahˇ aˬ ma aˬ da ya ehˇ nehˬ meh.

HeˬByehˇ 12:15

Miˬyehˇ-euˬ guiˬ lahˬ-ahˇ maˬ ya byehˇ dzeh ni yahˇ-awˬ. Kʼaˬ dui dui-eu baw duˆ mehˇ laˇ-awˇ aˬ yawꞈ-euˬ doꞈ kʼoeˇ neh aˬ cawˬ-ahˇ laˆ bahˬ laˆ muˆ-eu loꞈ-ehˇ, tsawˇ haˬ tiˬ gʼaˬ-iˬ taˬ bi pyeuꞈ.

Yaˬkoˆ 1:22

Aˬ yawꞈ-euˬ dawˬ-ahˇ naˬ bawˇ tehꞈ-ehˇ gaˬ-awˇ, yawˬ haˇ yawˬ ha jaˬ myawꞈ myawꞈ-eu tsawˇ haˬ taˬ bi pyeuꞈ. Naˇ haˬ geuꞈ-eu tsawˇ haˬ bi pyeuꞈ-awˬ.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.