Dawqdaq 15:27 - Akha

²⁷ Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Maerjuir juir-awr maqtsaq maqdawr-eu lafkhoer zalarni mr-eu tsawrhaq-aq, Yawqha-euq nymrjir lavshaq-eu mae. Aerkhawf, lafnmf nmf-eu gar byae-eu tsawrhaq-aq, yadaef-eu mae.

Dawqdaq 15:27 ပူးပေါင်းရင်းမြစ်များ

1 Sahˬpaˬ 2:40

Kʼoeˇ ngeh, aˬ yawꞈ-euˬ mahˬ tah laˆ dziˬ gʼa laˆ dawˆ-awˇ, aˬ yawꞈ-euˬ zaˬ kʼaˆ kʼoeˇ nyiˬ gʼaˬ-ahˇ poˆ kʼoꞈ leˇ-eu lehˇ, Gaˬdaˇ sahˬ paˬ Aˬkiˇ jawˇ gaˇ le-euˬ meh. Zaˬ kʼaˆ kʼoeˇ nyiˬ gʼaˬ-ahˇ aˬ yawꞈ poˆ mawˇ-awˇ, iˇ kahˇ-ahˇ sheuˬ kʼoꞈ leꞈ-euˬ meh.

2 Sahˬpaˬ 5:27

Nymˬ-mˇ poˆ jawˇ, Neˬmaˬ-euˬ naˇ gawˇ kʼoeˇ nawˬ-ahˇ nyawˬ laˇ-awˇ, nawˇ hawˇ-eu nawˬ-eu zaˬ nawˬ-euˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ naˇ gawˇ kʼoeˇ ya daˬ tehꞈ-a.” Geˬhaˬziˇ doˆ-iˇ ngeh, nyawˬ naˇ laˇ-awˇ, aˬ yawꞈ-euˬ shaˬ jiˇ ngehˇ loꞈ-ehˇ pyuˇ deuˬ ni pyeuꞈ-iˇ-euˬ meh.

Jaceuq 15:5

aˇ liˬ yuˇdzaˬ-eu maˬbaw ni, biꞈpaˇngaˬpaˇnehˬ-eu tsawˇhaˬ, iˬbaˇmaˬahˇgaˇ kʼehˬ-eu lehˇ, laꞈnmꞈmaˬha geuꞈ-eu tsawˇhaˬ. kʼoeˇloꞈ-ehˇmˇ-eu tsawˇhaˬ-aˬ, maˬluˆlaˇni ya ziꞈtehꞈ-a.

Doˆ-iˇ 18:21

Kʼoeˇ uˬ taꞈ, tsawˇ haˬ heu deuˬ-ahˇ bi haw bi pyaˆ-eu gʼaˇ duˬ, gʼeh nya-eu deuˬ tseˇ doˆ-awˇ, aˇ heˇ gʼaˬ kʼoeˇ taˆ aˬ yuiꞈ geuꞈ-eu deuˬ, aˇ yaˇ gʼaˬ kʼoeˇ taˆ aˬ yuiꞈ geuꞈ-eu deuˬ, ngaˬ tseˇ gʼaˬ kʼoeˇ taˆ aˬ yuiꞈ geuꞈ-eu deuˬ hawˇ-eu, tseˇ gʼaˬ kʼoeˇ taˆ aˬ yuiꞈ geuꞈ-eu deuˬ lehˇ bi baw-eu tsaˬ tehꞈ-a. Aˬ yuiꞈ aˬ tsu geuꞈ-eu tsawˇ haˬ kʼoeˇ deuˬ-aˬ, Miˬyehˇ-ahˇ guˆ-awˇ, jah coeˇ paˬ-ehˇ gʼeh-eu uˬ taꞈ, pyuˇ shuiˇ myaˆ pyawˬ-ahˇ maˬ haw-eu yaw tsaˬ yaw dawˇ tsawˇ haˬ deuˬ ya bi pyeuꞈ tehꞈ-a.

Doˆ-iˇ 23:8

Aˬ cawˬ nawˬ-ahˇ laꞈ nmꞈ nmꞈ-eu pyuˇ nawˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmˬ nehˬ-eu jeˬ-aˬ, yaw tsaˬ yaw dawˇ jeˬ-ahˇ maˬ mawˇ nya ni, tsawˇ haˬ zaˬ-ahˇ myaˆ behꞈ bi behꞈ-iˇ-awˇ, iˬ baˇ maˬ ahˇ-eu tsawˇ haˬ deuˬ-ahˇ iˬ baˇ ahˇ-eu tsawˇ haˬ loꞈ-ehˇ bi pyeuꞈ-iˇ nya-eu meh.

Dawqdaq 1:19

Heu-aˬ, yaw haiˬ mˇ-awˇ dehꞈ dzaˬ-eu deuˬ ya iˇ-eu, maˬ law-iˇ nya-eu gaˇ ma meh. Aˬ cawˬ-ahˇ tahˇ joe joe-eu tsawˇ haˬ, yawˬ ha-euˬ saꞈ laˇ maˬ lahˇ dzeuˇ-a.

Dawqdaq 11:19

Yaw tsaˬ yaw dawˇ jeˬ-ahˇ tsuˆ tehˬ taˬ-euˬ deuˬ ya dehꞈ-awˇ, yaw haiˬ jeˬ mehˬ nah caw teh-eu deuˬ ya shiˇ tehꞈ-a.

Dawqdaq 11:29

Yawˬ ha-euˬ nymˇ jiˇ-ahˇ laˆ shaˬ-eu tsawˇ haˬ uˆ kʼawꞈ kʼawꞈ-iˇ-awˇ, aˬ dzawˬ aˇ gah deuˬ tsawˇ gahˇ ahˇ-eu deuˬ-euˬ zaˬ kʼaˆ ya geuꞈ tehꞈ-a.

Dawqdaq 15:26

Yaw haiˬ deuˬ-euˬ nui noeˬ-ahˇ Sahˬpaˬ Miˬyehˇ nui daˆ daˆ-awˇ, yaw sui yaw dawˇ deuˬ-euˬ dawˬ aˬ yawꞈ-ahˇ laˬ kʼaˬ bi cehˇ-eu meh.

Dawqdaq 20:21

Yaw awˬ yaw yaˇ-ehˇ za-euˬ jeˬ biˇ, tsawˇ haˬ-ahˇ guiˬ lahˬ maˬ biꞈ-a.

Dawqdaq 23:4

Smˇ muiˬ muiˬ laˇ ni tehꞈ-ehˇ maˬ leh jeh ni noeˬ gahˇ-awˬ.

Dawqdaq 28:16

Nui ma-ahˇ maˬ noeˬ-eu sahˬ paˬ-aˬ, gʼawˬ shaˬ maˬ gaˬ ni kʼehˬ-eu kʼaˆ-euˬ meh. Maˬ sui maˬ dawˇ-eu jeˬ-ahˇ bye-eu sahˬ paˬ ziˇ baw-eu meh.

Dawqdaq 28:25

Nui kʼahˇ huiˬ-eu tsawˇ haˬ shaˬ zahˬ ya tahˬ puˬ-eu yaw duˬ baw meh. Sahˬpaˬ Miˬyehˇ-ahˇ gʼoe-eu tsawˇ haˬ baw le za le tehꞈ-a.

Dawqdaq 29:4

Yaw tsaˬ yaw dawˇ jeˬ-ahˇ gaˬ-eu sahˬ paˬ-aˬ, miˇ kʼahˬ laˆ ziꞈ-awˇ, pyuˇ shuiˇ-ahˇ gaˬ-eu sahˬ paˬ miˇ kʼahˬ laˆ cawˆ-eu meh.

Yeˬlaˬmiˇ 17:11

Maˬ sui maˬ dawˇ-eu gaˇ ma-ahˇ gʼoe-awˇ, pyuˇ shuiˇ laˆ za-eu tsawˇ haˬ-aˬ, yawˬ ha maˬ ka taˬ-euˬ ya uˆ uˆ-eu, aˇ jiˇ tiˬ mawˇ-ahˇ duˇ-eu meh. Gʼaˬ kʼaˆ loˆ jaˆ luꞈ ngeh pyuˇ shuiˇ myawˬ gahˬ byoˆ le jiˇ-awˇ, aˇ saˬ saˬ ngeh aˬ dzawˬ dzawˬ-iˇ tehꞈ-a.

Dawˬmehˬ 16:19

Aˬ yawꞈ maꞈ yaˇ kʼaˬ daˇ ngeh, maˬ tsaˬ maˬ dawˇ-eu jeˬ hawˇ-eu myaˆ pyawˬ huiˬ nyiˇ tseˇ-eu jeˬ maˬ ya mˇ-a. Laꞈ nmꞈ nmꞈ-eu jeˬ-ahˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmꞈ-eu jeˬ-aˬ, dawˇ coe ni mˇ-eu tsawˇ haˬ deuˬ hawˇ-eu zaˬ siˬ tsawˇ gahˇ ahˇ-eu tsawˇ haˬ deuˬ-ahˇ myaˆ behꞈ bi behꞈ-iˇ-awˇ, yaˇ kʼaˬ daˇ-eu jeˬ-ahˇ bi lehˬ-iˇ nya-eu meh.

Dawˬmehˬ 7:26

Tsawˇ haˬ kʼoeˇ deuˬ-euˬ tahˬ pahˬ aˬ ma mawˇ kawˇ deuˬ naw maꞈ-euˬ nymˇ-ahˇ taˬ sha ahˇ. Kʼoeˇ loꞈ-ehˇ jahˇ naˇ, yaˬ kʼehˇ yaˬ-eu jeˬ-ahˇ tsawˇ haˬ kʼoeˇ deuˬ ya daˬ-euˬ loꞈ-ehˇ, naw maꞈ kʼawꞈ ya daˬ tehꞈ-a. Tahˬ pahˬ aˬ ma mawˇ kawˇ kʼoeˇ deuˬ-ahˇ naw maꞈ bye-awˇ, nui daˆ daˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Sahˬpaˬ Miˬyehˇ neh yaˬ kʼehˇ yaˬ taˬ-euˬ jeˬ pyeuꞈ-eu meh.

1 Tiˆmoˇseˬ 6:10

Aˬ jeˬ miˇ neh ehˇ naˇ, pyuˇ-ahˇ mehˇ juiˇ juiˇ-eu nui ma-aˬ, yaw haiˬ jeˬ dawˬ tawˆ luꞈ-euˬ dawˬ pehˬ duˬ puˇ pyeuꞈ-eu meh. Tiˬ paˆ na deuˬ-aˬ, pyuˇ-ahˇ nui kʼahˇ jaˆ-eu miˇ neh jah-eu jeˬ-ahˇ gaˇ mahˇ kaˬ dui dui-iˇ-awˇ, noeˬ shaˬ-eu gʼawˬ mya jeˬ ciˬ tehˬ-eu baˬ da neh nui ma tsawˬ paˆ gaˇ keuˆ-eu meh.

1 Tiˆmoˇseˬ 6:9

Ehˇ kʼawꞈ, smˇ muiˬ muiˬ laˇ mawꞈ-eu tsawˇ haˬ deuˬ-aˬ, muˇ juˇ juˇ-eu jeˬ laꞈ kʼoeˇ ga ahˇ-awˇ, luꞈ-iˇ seˇ-iˇ-eu jeˬ laꞈ kʼoeˇ aˬ yawꞈ maꞈ-ahˇ gʼeu ahˇ-eu jeˬ pyeuꞈ-eu, luˬ-eu seˇ-eu lahˇ ju-ahˇ paꞈ leˇ-eu meh.

Yawˇshuˆ 6:18

Ya laˆ luˬ ya laˆ seˇ nehˬ-eu mˇ myawˬ kʼoeˇ deuˬ tiˬ jeˬ-iˬ naw maꞈ maˬ ya yuˇ geuꞈ-a. Naw maꞈ yuˇ naˇ, shaˬ-eu zahˬ-eu jeˬ hawˇ-eu luˬ-iˇ seˇ-iˇ-eu jeˬ Iˇsaˬleˬlaˆ tsawˇ haˬ deuˬ-euˬ sehˬ gʼawˆ kʼoeˇ taˆ keuˆ le ni naw maꞈ jahˇ gaˇ duˇ-eu meh.

1 Saˬmeuˬlaˆ 12:3

Nymˬ-mˇ ngaˇ heu gaˇ yawꞈ luꞈ-eu ma. Ngaˬ neh mˇ lehˬ taˬ-euˬ tiˬ jeˬ paˬ jaˆ naˇ, Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ mehˬ shi nymˬ-mˇ ehˇ doˆ-awˬ. Aˬ cawˬ-euˬ mawˇ neˇ hawˇ-eu aˬ cawˬ-euˬ mahˬ tahˬ laˆ-ahˇ ngaˬ neh yuˇ geuꞈ taˬ-euˬ jaˆ ta loˇ. Ngaˬ neh aˬ cawˬ-ahˇ myawꞈ dzaˬ kʼaˆ dzaˬ-euˬ jaˆ ta loˇ. Aˬ cawˬ neh laꞈ nmꞈ nmꞈ nehˬ laꞈ-euˬ jeˬ-ahˇ ngaˬ neh ha geuꞈ-euˬ jaˆ ta loˇ. Heu loꞈ-ehˇ gʼeh-eu jeˬ ngaˬ neh mˇ taˬ-euˬ jaˆ naˇ, ngaˬ neh kʼaˇ yuˇ-euˬ jeˬ ngaˇ biꞈ kʼoꞈ ma.”