Dawqdaq 15:23 - Akha

²³ dawˬ tsaˬ tmˇ-eu nui saˇ bi oꞈ-awˇ, dawˬ muiˬ ngeh-eu laˬ kʼaˬ bi cehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Tsaq-eu dawq aerkhof nya-eu tsawrhaq-aq, laqkhaq caer-awr, Aryamq-anr ngaeqtsaq-euq dawq, arnavni muiq-eu nga.

Dawqdaq 15:23 ပူးပေါင်းရင်းမြစ်များ

Yawˇbaˆ 6:25

Dawˇ coe ni ngehˬ-eu tmˇ-eu dawˬ, nui ma-ahˇ gʼaˬ biꞈ lahˬ-eu meh. Ehˇ kʼawꞈ naw maꞈ ngehˬ-eu dawˬ-aˬ, gaˇ dahˇ tsoeˬ-eu jeˬ maˬ ahˇ nya.

Dawqdaq 12:14

Yawˬ ha neh ngehˬ-euˬ tmˇ-euˬ dawˬ yawˬ ha-ahˇ mˇ cu-awˇ yawˬ ha neh mˇ-euˬ gaˇ yawˬ ha jawˇ gaˇ gʼoꞈ kʼoꞈ laˇ tehꞈ-a.

Dawqdaq 12:25

Kʼahˬ lahˇ-eu nui ma yawˬ ha-ahˇ kʼehˬ-awˇ, dawˬ muiˬ tmˇ gaˇ nui saˇ caw-eu meh.

Dawqdaq 15:22

Suˇ dawˬ maˬ naˇ-aˬ, yaw lehˬ myaˬ-awˇ, tseˇ dawˬ yaˇ dawˬ naˇ-eu guiˬ lahˬ baw-eu meh.

Dawqdaq 16:13

Tsaˬ-eu dawˇ-eu dawˬ-ahˇ sahˬ paˬ gaˬ mawꞈ-eu loꞈ-ehˇ, yaw tsaˬ yaw dawˇ jeˬ ngehˬ-eu gʼaˬ-ahˇ aˬ yawꞈ taˬ huiˬ-eu meh.

Dawqdaq 16:24

Dawˬ muiˬ tmˇ-eu byaˬ byaˬ uiˇ-ahˇ duˇ-awˇ, nui ma-ahˇ laˬ kʼaˬ bi cehˇ-awˇ, gʼawˇ mawˇ-ahˇ jawˇ saˇ bi doˆ-eu meh.

Dawqdaq 24:26

Dawˇ coe ni ngehˬ-eu tmˇ-eu jeˬ-aˬ, cawˬ yaw muiˬ pyeuꞈ-eu saˇ kiˇ meh.

Dawˬ tsoˆ 3:1

Mˬ heu siˬ-euˬ uˬ moˆ, kʼaˇ pyeuꞈ kʼaˇ jaˆ-eu jeˬ dawˬtawˆ, yawˬ yamˬ yawˬ law baw luꞈ-eu meh.

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Yoˇhaˬ 1:37

Zaˬ lahˇ kʼoeˇ nyiˬ gʼaˬ Yoˇhaˬ kʼoeˇ loꞈ-ehˇ ehˇ gaˇ gaˬ-awˇ, Yeˬsuˇ-euˬ mehˬ nah iˇ-euˬ meh.

Yoˇhaˬ 11:29

Dawˬ kʼoeˇ dawˬ-ahˇ Maˬliˇ ya gaˬ ngeh, yaw kawˇ-ehˇ tsawˬ tuˇ-awˇ, Yeˬsuˇ-ahˇ ha laˬ-iˇ-euˬ meh.

Eˇpeˇsu 4:29

Aˬ cawˬ-ahˇ bi coeˬ leˇ-eu dawˬ taˬ ngehˬ. Ehˇ kʼawꞈ, nawˬ neh ngehˬ-euˬ dawˬ aˬ cawˬ gʼaˇ duˬ muiˬ ni, loˬ-eu jeˬ-ahˇ caw ba nya-awˇ bi huiˬ bi mahˇ laˇ nya-eu gaˇ dahˇ tsoeˬ-eu dawˬ ngehˬ-awˬ.