Dawqdaq 15:15 - Akha

¹⁵ zaˬ coeˬ zaˬ shaˬ lehˆ-euˬ maˬ baw-eu loꞈ-ehˇ, nui saˇ oꞈ-eu deuˬ byawˬ saˬ byawˬ li-euˬ maˬ baw-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Shaqzanq naf-eu tsawrhaq-euq gharduq, Yawqnan navluf yawdoer mae. Aerkhawf, nuima laqkhaq caer-eu tsawrhaq-aq, Maq tsaevlerni yawbui builuf-eu mae.

Dawqdaq 15:15 ပူးပေါင်းရင်းမြစ်များ

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

Dawqdaq 15:13

Laˬ kʼaˬ cehˇ-eu nui ma myaˆ pyawˬ bi shiˬ-awˇ, noeˬ shaˬ-eu nui ma myaˆ pyawˬ bi nyoeˬ-eu meh.

Dawqdaq 15:14

Zaˬ siˬ zaˬ, tsawˇ gahˇ poˆ, aˇ gah zaˬ, aˬ jaꞈ jaꞈ.

Dawqdaq 15:16

Pyuˇ shuiˇ jaˆ myaˬ-awˇ noeˬ kʼahˇ mahˇ-eu deuˬ-aˬ, maˬ jaˆ kʼawꞈ Sahˬpaˬ Miˬyehˇ-ahˇ guˆ-eu deuˬ maˬ tawˬ-a.

Dawqdaq 16:22

Zaˬ siˬ tsawˇ gahˇ-aˬ, tsawˇ gahˇ ahˇ-eu deuˬ gʼaˇ duˬ dehꞈ-eu saꞈ laˇ lawˇ baˬ pyeuꞈ-awˇ, aˬ dzawˬ aˇ gah-ahˇ mehˬ paˇ-eu jeˬ-aˬ, aˇ yamˬ laˆ smˬ gaˇ duˇ-eu meh.

Dawqdaq 17:22

Nui ma saˇ-eu jeˬ jaˆ gʼaˬ gʼaˬ ma pyeuꞈ-awˇ, nui ma cawˆ-eu jeˬ puˇ nmꞈ gui-iˇ-eu naˇ gawˇ meh.

Gʼaˬkʼehˇ 16:25

Sehˇ gʼahˇ ceh laˇ ngeh, Pawˇluˆ hawˇ-eu Siˬlaˆ aˬ nyaꞈ guiˬ lahˬ shaˇ shaˇ-ehˇ Miˬyehˇ-ahˇ ja ceuˬ-eu caˇ dawˬ caˇ luꞈ-awˇ, tawˬ-ahˇ uˇ-eu tsawˇ haˬ deuˬ naˇ haˬ luꞈ-eu meh.

Lormav 12:12

Noeˬ tmˬ-eu laꞈ kʼoeˇ laˬ kʼaˬ cehˇ-awˬ. Shaˬ-eu zahˬ-eu jeˬ laꞈ kʼoeˇ nui ma gʼawˬ mahˇ ni taˬ-awˬ. Aˬ myah luꞈ guiˬ lahˬ shaˇ-awˬ.

Lormav 5:11

Ehˇ kʼawꞈ, kʼoeˇ naˆ tehꞈ-ehˇ maˬ ngeuˇ-a siˬ. Aˬ dui Miˬyehˇ-ahˇ cawˬ cawˬ taꞈ nya laˇ ni mˇ-euˬ gʼaˬ pyeuꞈ-eu Sahˬpaˬ Yeˬsuˇ Ka li-ahˇ gʼoe-eu laꞈ kʼoeˇ, Miˬyehˇ neh aˬ dui-ahˇ mˇ nehˬ laꞈ-euˬ jeˬ-ahˇ aˬ dui laˬ kʼaˬ cehˇ dui dui-eu ma.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 1:5

Ka li ya daˬ-euˬ shaˬ zahˬ gʼawˬ mya jeˬ-ahˇ aˬ dui caw daˬ-eu loꞈ-ehˇ, Miˬyehˇ-euˬ huiˬ dui dui-eu ngehˬ gʼeh dah teˬ nehˬ laꞈ-eu jeˬ-ahˇ Ka li laꞈ kʼoeˇ aˬ dui za-euˬ ma.

2 Gawˇliˬtu 6:10

Noeˬ shaˬ dui dui luꞈ gaˇ duˇ kʼawꞈ, aˬ myah luꞈ laˬ kʼaˬ cehˇ luꞈ-eu tsawˇ haˬ ma. Iˇ shaˬ shaˬ gaˇ duˇ kʼawꞈ, aˬ cawˬ gʼawˬ mya ni smˇ muiˬ muiˬ laˇ ni jahˇ nehˬ-euˬ tsawˇ haˬ ma. Tiˬ jeˬ-iˬ maˬ jaˆ gaˇ duˇ kʼawꞈ, yawˬ jeˬ na luꞈ jaˆ kuꞈ-eu tsawˇ haˬ ma.

1 Beˬtuˆluˆ 4:13

Ka li ya shaˬ ya zahˬ gaˇ duˇ ni naw maꞈ kʼawꞈ ya shaˬ ya zahˬ-eu miˇ neh laˬ kʼaˬ cehˇ-awˬ. Aˬ jeˬ miˇ neh ehˇ naˇ, aˬ yawꞈ yaw shehꞈ kʼahˬ sehˇ laꞈ kʼoeˇ zaꞈ le ngeh, naw maꞈ laꞈ kʼaˬ ya cehˇ tehꞈ-a.