Dawqdaq 15:11 - Akha

¹¹ Miˇ oˆ miˇ taˆ kʼaˇ pyeuꞈ luꞈ-eu dawˬ tawˆ luꞈ, Sahˬ paˬ Miˬ yehˇ siˬ jiˇ-eu-aˬ, tsawˇ haˬ zaˬ-euˬ nui noeˬ aˬ joˆ-ehˇ beuˬ zaꞈ nya nmˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Shir-eu mirkhanq hawr-eu cawv-ir-eu mirkhanq khawf, Ya’we Miqyaer-euq maeqshi byacaevni javluf-eu-aq, Tsawrhaqzaq-euq nuima ngeurdzaeq aqjox-aer javzaf nya-eu?

Dawqdaq 15:11 ပူးပေါင်းရင်းမြစ်များ

2 Laˬsaˬbaˬ 6:30

aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Mˬ kʼoeˇ taˆ jaˆ-eu nawˬ-euˬ nymˇ-ahˇ jawˇ-awˇ, aˬ yawꞈ maꞈ-euˬ shaˇ dawˬ-ahˇ naˇ haˬ-eu laꞈ kʼoeˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Nawˇ tiˬ gʼaˬ tehꞈ-ehˇ tsawˇ haˬ zaˬ aˬ joˆ-ehˇ noeˬ luꞈ-eu gaˇ kawˆ siˬ nya-eu meh. Nga maꞈ-euˬ aˬ poeˬ aˬ bawˇ deuˬ-ahˇ nawˬ neh biꞈ nehˬ-euˬ miˇ kʼahˬ laꞈ kʼoeˇ, nawˬ-euˬ tsawˇ haˬ deuˬ kʼaˇ jawˇ kʼoeˇ keuˆ ni, nawˬ-ahˇ yaw zeu baw-awˇ nawˬ-euˬ ehˇ dawˬ-ahˇ aˬ myah luꞈ naˇ haˬ geuꞈ nya ni, tsawˇ haˬ yawˬ gʼaˬ na luꞈ-ahˇ yawˬ ha neh kʼaˇ mˇ-euˬ loꞈ-ehˇ daˇ nehˬ-awˬ.

Yawˇbaˆ 26:6

Shiˇ-eu miˇ kʼahˬ dehˬ kaˬ taˬ-euˬ jeˬ maˬ jaˆ-ehˇ, Miˬyehˇ mehˬ shi bya tsehˆ ni jaˆ-eu meh.

Jaceuq 139:8

Mˬ-ahˇ ngaˇ cehˆ daˆ kʼawꞈ, nawˇ kʼoeˇ gaˇ jawˇ tehꞈ-a. Shiˇ-eu miˇ oˆ kʼahˬ-ahˇ yuꞈ-iˇ kʼawꞈ, nawˇ kʼoeˇ gaˇ jawˇ tehꞈ-a.

Jaceuq 44:21

Miˬyehˇmaˬsiˬ-ehˇjawˇnmˇloˇ. Nui noeˬnoeˬkʼoeˬ-euˬgaˇkeuˆni, aˬyawꞈsiˬjiˇmawˇjiˇluꞈmeh.

Jaceuq 7:9

Haiˬ-eu deuˬ aˇsaˬbi saˬ-awˇ, tsaˬ-eu deuˬ bi dehꞈtuˇlaˇ-awˬ. Tsaˬ-eu dawˇ-eu Miˬyehˇnawˇ-aˬ, nui ma-ahˇ yaˇkʼaˬdaˇ-eu meh.

Dawqdaq 15:10

Dehꞈ bahˬ-eu tsawˇ haˬ-ahˇ yaw kʼaˆ-ehˇ kʼehˬ nehˬ-awˇ, maˬ mehˬ paˇ nya-eu deuˬ ya shiˇ tehꞈ-a.

Dawqdaq 17:3

Shuiˇ hawˇ-eu pyuˇ-ahˇ miˬ dzaˬ neh lawˬ haw-awˇ, tsawˇ haˬ zaˬ-euˬ nui ma-ahˇ Sahˬpaˬ Miˬyehˇ lawˬ haw-eu meh.

Dawqdaq 27:20

Tsawˇ haˬ zaˬ-euˬ nui kʼahˇ-aˬ, shiˇ-eu miˇ kʼahˬ-ahˇ duˇ-awˇ,

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Gʼaˬkʼehˇ 1:24

Kʼoeˇ naˇ, a yawꞈ maꞈ heu loꞈ-ehˇ guiˬ lahˬ shaˇ-euˬ meh. “SahˬpaˬMiˬyehˇ-oˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ-ahˇ nawˇ siˬ nya-eu meh. Yuˇdaˆ-aˬ, yawˬ paw yawˬ ciˬ pyawˇ-awˇ, aˬ yawꞈ-ahˇ geuˇ-eu jawˇ duˬ-ahˇ le dzeuˇ-euˬ meh. Kʼoeˇ miˇ neh, Yuˇdaˆ-euˬ dah zaˇ gʼaˬ kʼehˇ geuꞈ-awˇ gaˇ mˇ-eu gʼaˇ duˬ, tsawˇ haˬ heu nyiˬ gʼaˬ laꞈ kʼoeˇ nawˬ neh tseˇ doˆ-euˬ gʼaˬ nga maꞈ-ahˇ mehˬ nehˬ laꞈ-awˬ.”

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)

1 Saˬmeuˬlaˆ 16:7

Ehˇ kʼawꞈ, aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ aˇ gahˬ aˇ goˇ muiˬ-awˇ aˇ gʼehˇ muiˬ gaˇ taˬ haw. Aˬ yawꞈ-ahˇ ngaˇ tseˇ doˆ-euˬ maˬ ngeuˇ. Aˬ jeˬ miˇ neh ehˇ naˇ, tsawˇ haˬ zaˬ haw mawˇ-eu hawˇ-eu ngaˇ haw mawˇ-eu maˬ duˇ leˇ-a. Tsawˇ haˬ zaˬ-aˬ, laꞈ nyiˇ aˇ gʼehˇ-ahˇ tehꞈ-ehˇ haw-eu meh. Ehˇ kʼawꞈ, ngaˇ-aˬ nui ma-ahˇ haw-eu ma.”