Dawqdaq 15:10 - Akha

¹⁰ Dehꞈ bahˬ-eu tsawˇ haˬ-ahˇ yaw kʼaˆ-ehˇ kʼehˬ nehˬ-awˇ, maˬ mehˬ paˇ nya-eu deuˬ ya shiˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Garma khoer-anr byaerdzae-euq tsawrhaq-aq, Yawkhav-aer dzawpar-eu jeq-anr yadaq-awr, Maeqpar-eu gar byae-eu tsawrhaq-aq yashir taef-a.

Dawqdaq 15:10 ပူးပေါင်းရင်းမြစ်များ

1 Sahˬpaˬ 18:17

Eˇliˇyaˆ-ahˇ aˬ yawꞈ tahˬ puˬ ngeh, “Iˇsaˬleˬlaˆ miˇ kʼahˬ-ahˇ laˆ suˬ saˬ-eu nawˇ heu gaˇ jawˇ law hawˇ ngaˬ tawˇ laˬ” lehˇ ehˇ nehˬ-euˬ meh.

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

1 Sahˬpaˬ 22:8

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah nehˬ laꞈ-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

Yawˇbaˆ 34:27

Aˬ yawꞈ maꞈ aˬ yawꞈ mehˬ nah maˬ caw teh ni byehˇ-awˇ, aˬ yawꞈ-euˬ dawˬ-ahˇ maˬ naˇ haˬ ni jawˇ ngeh, kʼoeˇ loꞈ-ehˇ jahˇ nehˬ-eu meh.

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Dawqdaq 1:25

ngaˬ neh ja sawˇ nehˬ-euˬ dawˬ-ahˇ maˬ geuꞈ-ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ naˇ haˬ geuꞈ-eu miˇ neh,

Dawqdaq 1:30

ja sawˇ nehˬ-euˬ dawˬ-ahˇ maˬ naˇ haˬ-ehˇ, dawˬ mehˬ dawˬ tsoˆ maˬ naˇ haˬ-eu miˇ neh,

Dawqdaq 10:17

Mehˬ-eu tsoˆ-eu jeˬ-ahˇ naˇ haˬ-eu tsawˇ haˬ-aˬ, dehꞈ-eu gaˇ ma-ahˇ cah luꞈ-awˇ, maˬ mehˬ maˬ tsoˆ paˇ nya-eu tsawˇ haˬ-aˬ, gaˇ bahˬ iˇ luꞈ-eu meh.

Dawqdaq 12:1

Zaˬ siˬ tsawˇ gahˇ ahˇ-eu tsawˇ haˬ, mehˬ nehˬ tsoˆ-nehˬ gaˇ naˇ haˬ-awˇ, aˬ dzawˬ aˇ gah-ahˇ maˬ mehˬ paˇ nya-a.

Dawqdaq 13:1

Aˬ li yaw gahˇ aˬ da mehˬ gaˇ naˇ haˬ-awˇ, aˬ dzawˬ gʼaˬ yaw lehˬ maˬ geuꞈ mawꞈ-a.

Dawqdaq 15:11

Miˇ oˆ miˇ taˆ kʼaˇ pyeuꞈ luꞈ-eu dawˬ tawˆ luꞈ, Sahˬ paˬ Miˬ yehˇ siˬ jiˇ-eu-aˬ, tsawˇ haˬ zaˬ-euˬ nui noeˬ aˬ joˆ-ehˇ beuˬ zaꞈ nya nmˇ.

Dawqdaq 15:9

Haiˬ-eu deuˬ neh mˇ-euˬ gaˇ-ahˇ, Sahˬpaˬ Miˬyehˇ nui daˆ daˆ-awˇ, yaw tsaˬ yaw dawˇ mˇ-eu tsawˇ haˬ deuˬ-ahˇ, aˬ yawꞈ gaˬ-eu meh.

Dawqdaq 23:35

“Yaw kʼaˆ-ehˇ bi laˆ tahˬ-euˬ nya. Ngaˬ-ahˇ ga uiˬ-awˇ diˬ nehˬ laꞈ-euˬ nya. Aˬ geuˬ gaˇ bi diˬ-euˬ maˬ noeˬ doˆ coeˇ nya. Aˬ jeˬ miˇ neh ngaˬ-ahˇ maˬ noeˬ gahˇ laˇ-eu nya heu. Tiˬ poˆ ya dawˇ nya siˬ” lehˇ nawˇ ehˇ tehꞈ-a.

Dawqdaq 5:12

Kʼoeˇ ngeh nawˇ heu loꞈ-ehˇ ehˇ tehꞈ-a. “Aˬ jeˬ miˇ neh ngaˇ zahˇ sahˇ kʼoꞈ-ahˇ bye-awˇ, mehˬ nehˬ tsoˆ nehˬ laꞈ-euˬ dawˬ-ahˇ maˬ naˇ haˬ ni dehꞈ-euˬ nga.

Yeˬlaˬmiˇ 2:17

Iˇsaˬleˬlaˆ-oˇ, gaˇ kawˆ heu nawˬ-euˬ uˬ duˬ-ahˇ daˇ laˇ ni, nawˇ yawˬ haˇ yawˬ ha mˇ-euˬ meh. Nawˬ-ahˇ ngaˇ sheuˬ gʼeh nehˬ luꞈ ngeh, nawˬ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ-ahˇ, nawˇ byehˇ dzeh yaꞈ-euˬ meh.

Yeˬsaˬgeˬlaˇ 33:9

Haiˬ-eu tsawˇ haˬ tiˬ gʼaˬ na-ahˇ nawˇ mehˬ paˇ tsoˆ paˇ kʼawꞈ, iˬ baˇ mˇ-eu maˬ byehˇ ni ya shiˇ naˇ, nawˬ-ahˇ ngaˇ shiˇ kʼawˇ bi dzeuˇ ma.”

Yoˇhaˬ 3:20

Yaw haiˬ jeˬ mˇ-eu tsawˇ haˬ-aˬ, yaw shehꞈ-ahˇ bye-awˇ, yaw shehꞈ jaˆ gaˇ maˬ laˇ-a. Aˬ jeˬ miˇ neh ehˇ naˇ, aˬ yawꞈ neh mˇ-euˬ yaw haiˬ jeˬ-ahˇ aˬ cawˬ mawˇ gaˇ guˆ-eu meh.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.