Dawqdaq 14:8 - Akha

⁸ Nui gahˇ ahˇ-eu deuˬ-euˬ tsawˇ gahˇ, dehꞈ jeˬ dehꞈ kawˆ tseˇ paˆ nya-awˇ, aˬ dzawˬ aˇ gah bym-eu jaˬ myawꞈ mehˇ shuiˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Noeqsiq noeqmawr nya-eu tsawrhaq-euq zaqsiq tsawrganr-aq, Yawqha-euq garma bi ghovshaw-eu gharduq mae. Aerkhawf, aqdzawq argan-euq yawdzawq yawgan-aq, Jaqmyawf maershuir mae.

Dawqdaq 14:8 ပူးပေါင်းရင်းမြစ်များ

Jaceuq 111:10

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ dawˬ pehˬ duˬ puˇ meh. Aˬ yawꞈ-euˬ dawˬ-ahˇ naˇ haˬ-eu deuˬ-ahˇ, aˬ yawꞈ yaw muiˬ-ehˇ mehˬ nehˬ tsoˆ nehˬ-eu meh. Mˬ maˬ maˬ byaˆ zaˇ ziˇ aˬ yawꞈ-ahˇ ja ceuˬ-eu tsaˬ meh.

Jaceuq 119:5

Nawˬ neh mehˬ nehˬ tsoˆ nehˬ laꞈ-euˬ dawˬ-ahˇ, ngaˇ saˇ jaˇ ziꞈ-awˇ caw teh ma.

Jaceuq 119:73

Nawˇ ngaˬ-ahˇ beh-awˇ haw piˇ nehˬ laꞈ-euˬ meh. Nawˬ-euˬ zahˇ dawˬ kʼoꞈ dawˬ deuˬ-ahˇ ngaˇ dzaw geuꞈ nya ni, noeˬ siˬ noeˬ mawˇ nya-eu jeˬ biꞈ nehˬ laꞈ.

Jaceuq 143:8

Nawˬ-ahˇ ngaˇ gʼoe luꞈ-eu miˇ neh, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, yawˬ shawˬ na luꞈ ngaˬ-ahˇ bi noeˬ mawˇ laꞈ. Ngaˬ-euˬ shaˇ dawˬ nawˇ jawˇ gaˇ le keuˆ ngeh, ngaˇ ya iˇ-eu gaˇ ma mehˬ laꞈ.

Dawqdaq 11:18

Haiˬ-eu tsawˇ haˬ deuˬ mˇ poeˬ shaˇ poeˬ maˬ baw-ehˇ, yaw tsaˬ yaw dawˇ tsawˇ haˬ neh mˇ-euˬ jeˬ guiˬ lahˬ za-eu yaw duˬ baw meh.

Dawqdaq 12:5

Yaw tsaˬ yaw dawˇ tsawˇ haˬ nui ma dawˇ-awˇ, haiˬ-eu tsawˇ haˬ-euˬ mehˬ bawˬ nui gʼoꞈ ahˇ-eu meh.

Dawqdaq 15:21

Tsawˇ doeˇ yaw doeˇ jeˬ-ahˇ laˬ kʼaˬ cehˇ-awˇ, tsawˇ muiˬ yaw muiˬ jeˬ mˇ-eu meh.

Dawqdaq 2:9

Ngaˬ-euˬ dawˬ-ahˇ nawˇ naˇ haˬ geuꞈ naˇ, muiˬ-eu jaˬ-eu jeˬ hawˇ-eu tsaˬ-eu dawˇ-eu jeˬ-ahˇ siˬ nya laˇ-awˇ, aˬ joˆ-ehˇ yaˬ dehꞈ ya jawˇ-eu gaˇ kawˆ siˬ duˬ laˇ tehꞈ-a.

Dawqdaq 8:20

Yaw tsaˬ yaw dawˇ gaˇ jawˬ-ahˇ ngaˇ cah-awˇ, yaw sui yaw dawˇ gaˇ ma-ahˇ ngaˇ iˇ-eu laꞈ kʼoeˇ,

Dawˬ tsoˆ 2:13

Yaw zahˇ naˆ maˬ tseˇ yaw shehꞈ muiˬ dzehˬ-eu loꞈ-ehˇ, aˬ dzawˬ aˇ gah gah-eu jeˬ naˆ maˬ tseˇ zaˬ siˬ tsawˇ gahˇ muiˬ dzehˬ meh.

Dawˬ tsoˆ 2:16

Aˬ dzawˬ aˇ gah-ahˇ aˬ cawˬ maˬ noeˬ keuˆ-eu loꞈ-ehˇ, zaˬ siˬ tsawˇ gahˇ ahˇ-eu gʼaˬ-ahˇ kʼawꞈ, aˬ cawˬ maˬ noeˬ keuˆ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, dawˬ tawˆ luꞈ-ahˇ aˬ cawˬ ngehˇ jiˇ tehꞈ-a. Tsawˇ gahˇ ahˇ-eu deuˬ maˬ ehˇ, aˬ dzawˬ aˇ gah deuˬ maˬ ehˇ, tiˬ nah ya shiˇ byoˆ jiˇ tehꞈ-a.

Yeˬlaˬmiˇ 13:20

Yeˬluˇsaˬlehˬ meuˬ-oˇ haw-awˬ. Nawˬ-ahˇ muiˇ-eu deuˬ laꞈ taˆ paw neh oe luꞈ meh. Nawˬ-ahˇ a nehˬ-awˇ bi haw-euˬ tsawˇ haˬ pyeuꞈ-eu, nawˇ kʼahˬ sehˇ jehˆ luꞈ-eu tsawˇ haˬ kʼoeˇ deuˬ aˬ lehˬ.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.

Eˇpeˇsu 4:22

Nawˬ-ahˇ gaˇ ma bi dehꞈ bahˬ-eu jeˬ-ahˇ mˇ mawꞈ-eu nui kʼahˇ jaˆ ni nawˬ-ahˇ mehˇ shuiˇ shuiˇ-eu yaw dehꞈ dehꞈ-eu yaw oeˇ kʼoeˇ hmˬ-ahˇ lehˆ dzeh-awˬ.

Eˇpeˇsu 5:17

Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

Yaˬkoˆ 3:13

Naw maꞈ laꞈ kʼoeˇ, tsawˇ gahˇ ahˇ-awˇ siˬ-eu nya-eu tsawˇ haˬ jawˇ te loˇ. Muiˬ-eu dehꞈ-eu jawˇ-eu jeˬ laꞈ kʼoeˇ maˬ ehˇ, nui nahˬ nui yu hawˇ-eu nui gahˇ neh mˇ doˆ shaˇ doˆ laꞈ-eu muiˬ-eu gaˇ deuˬ laꞈ kʼoeˇ maˬ ehˇ, zaˬ siˬ tsawˇ gahˇ kʼoeˇ bi doˆ laˇ-awˬ.