Dawqdaq 14:3 - Akha

³ Aˬ dzawˬ aˇ gah-euˬ dawˬ daˇ cuiˇ shaˇ diˬ-awˇ, tsawˇ gahˇ ahˇ-eu deuˬ neh ngehˬ-euˬ dawˬ yawˬ ha-ahˇ mˇ cu-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqdzawq argan-euq khaqmae-euq lafkhoer, Nuima huiq-eu darcuir anrluf-eu mae. Aerkhawf, tsawrganr anr-eu tsawrhaq-euq maeqluq-aq, Aqyawf maf-anr hawpirnaeq taef-a.

Dawqdaq 14:3 ပူးပေါင်းရင်းမြစ်များ

Yawˇbaˆ 5:21

Aˬ cawˬ ja doeˇ-eu jeˬ laꞈ kʼoeˇ Miˬyehˇ nawˬ-ahˇ ka kʼoꞈ tehꞈ-a. Luˬ-iˇ seˇ-iˇ-eu jeˬ keuˆ le ngeh aˬ yawꞈ nawˬ-ahˇ haw piˇ tehꞈ-a.

Jaceuq 12:3

mehˇshuiˇshuiˇ-eu mehˬluˬhawˇ-eu, kʼahˬsehˇjehˆ-eu mehˬlaˇdeuˬ-ahˇ, SahˬpaˬMiˬyehˇ yehˬdzeh luꞈ-uˇ.

Jaceuq 31:18

Nui ma huiˬ-awˇkʼahˬsehˇjehˆ-ehˇ, yaw tsaˬyaw dawˇdeuˬ-ahˇbu-eu, jaˬmyawꞈmyawꞈ-eu mehˬluˬkʼoeˇdeuˬ, dawˬmaˬngehˬnya ni pyeuꞈluꞈ-uˇ.

Jaceuq 57:4

Tsawˇ haˬ shaˬ jiˇ dzaˬ-eu aˇ laˬ jaˬ shiˇ-ahˇ duˇ-eu muiˇ-eu deuˬ, ngaˬ-ahˇ jawˬ lahˇ taˬ-euˬ meh. Aˬ yawꞈ maꞈ-euˬ seuˬ, gahˬ hawˇ-eu kaˆ myaˬ-ahˇ duˇ-awˇ, aˬ yawꞈ maꞈ-euˬ mehˬ laˇ, taˆ dui dui-eu mi cehˇ-ahˇ duˇ-eu meh.

Dawqdaq 12:6

Haiˬ-eu tsawˇ haˬ-euˬ dawˬ aˬ cawˬ-ahˇ shiˬ laˆ doˆ-awˇ, yaw tsaˬ yaw dawˇ deuˬ-euˬ kʼaˬ meh aˬ cawˬ-ahˇ ka kʼoꞈ-eu meh.

Dawqdaq 13:3

Yawˬ ha-euˬ mehˬ laˇ-ahˇ bo nya-eu gʼaˬ ziˇ baw-awˇ, dawˬ ja myaˬ-eu tsawˇ haˬ cawˆ-iˇ-eu meh.

Dawqdaq 14:4

Deh ma mˇ-eu aˬ nyoˬ maˬ jawˇ naˇ cehˇ jiˇ yawꞈ ngehꞈ meh. Aˬ nyoˬ-euˬ gʼaˬ baˬ da neh cehˇ jaˆ le-eu meh.

Dawqdaq 18:6

Aˬ dzawˬ-euˬ mehˬ luˬ iˬ dehˬ iˬ ceh mehˬ kʼehˬ pyeuꞈ-awˇ, aˇ gah-euˬ kʼaˬ meh daˇ cuiˇ shaˇ diˬ-eu meh.

Dawqdaq 18:7

Aˬ dzawˬ aˇ gah kʼaˬ meh yawˬ ha-ahˇ laˆ cawˆ-eu duˬ kʼahˬ pyeuꞈ-awˇ, yawˬ ha mehˬ luˬ shaˆ shiˇ lahˇ ju-ahˇ, yawˬ haˇ yawˬ ha paꞈ leˇ-eu meh.

Dawqdaq 21:24

Aˬ dzawˬ aˇ gah aˬ cawˬ maˬ ngeuˇ-a, nui ma huiˬ-eu gʼaˬ meh.

Dawqdaq 22:8

Maˬ tsaˬ maˬ dawˇ-eu siˬ yoeˬ sehˬ naˇ, shaˬ zahˬ dehꞈ doˆ laˇ-awˇ, aˬ cawˬ kʼoeˇ taˆ maˬ kʼaˆ dzaˬ nya ni pyeuꞈ laˇ tehꞈ-a.

Dawqdaq 28:25

Nui kʼahˇ huiˬ-eu tsawˇ haˬ shaˬ zahˬ ya tahˬ puˬ-eu yaw duˬ baw meh. Sahˬpaˬ Miˬyehˇ-ahˇ gʼoe-eu tsawˇ haˬ baw le za le tehꞈ-a.

Daˬyeˬlaˇ 7:20

Aˬ yawꞈ-euˬ uˬ duˬ-ahˇ tsoꞈ-eu uˬ coeˇ tseˇ kahˬ hawˇ-eu, aˬ cawˬ jeˬ nah doˆ laˇ-awˇ, uˬ coeˇ smˇ kahˬ tahˬ juˆ dzeh-euˬ uˬ coeˇ kʼoeˇ kahˬ-euˬ dawˬ tsuiꞈ ngaˇ siˬ nya mawꞈ-eu ma. Uˬ coeˇ kʼoeˇ kahˬ tsawˇ haˬ-euˬ myaˆ nuiˆ tsoꞈ-awˇ, kʼahˬ sehˇ jehˆ dui dui-eu kʼaˬ meh ti meh tsoꞈ-eu meh. Jeˬ zaˬ kʼoeˇ mawˇ-aˬ, jeˬ zaˬ nui deuˬ naˆ maˬ tseˇ guˆ dui dui laˇ paˬ-ehˇ gʼeh-eu meh.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

Panmaeq 12:11

Aˬ dui-euˬ aˬ yuiꞈ aˬ nyiˇ Ka li zaˬ deuˬ-aˬ, Yawˇzaˬ-euˬ shiˬ hawˇ-eu aˬ yawꞈ maꞈ mehˬ luꞈ-eu yaw tsaˬ yaw dawˇ jeˬ baˬ da neh aˬ yawꞈ-ahˇ gʼaˬ leˇ-euˬ meh. Aˬ yawꞈ maꞈ-aˬ, gʼawˇ mawˇ shiˇ dah peuˬ-eu meh.

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.

1 Saˬmeuˬlaˆ 2:3

Nawˇ guˇ guˇ-ehˇ kʼahˬ sehˇ taˬ jehˆ. Dawˬ kʼaˆ taˬ ngehˬ, ciˬ cuˇ jawˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, siˬ nya mawˇ nya-eu Miˬyehˇ meh. Tsawˇ haˬ zaˬ kʼaˇ mˇ-euˬ jeˬ-ahˇ, aˬ yawꞈ yaˇ kʼaˬ daˇ nehˬ-eu meh.