Dawqdaq 14:28 - Akha

²⁸ Sahˬ paˬ-euˬ kʼahˬ sehˇ miˇ kʼahˬ zaˬ kʼoeˇ taˆ jaˆ-awˇ, miˇ kʼahˬ zaˬ maˬ jawˇ-eu sahˬ paˬ yawꞈ ngehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Tsawrhaq myaq-eu baqda’nae, sanqpaq khanqsaer za-eu mae. Aerkhawf, tsawrhaq maqmyaq nar-aq, dzoeqda yacoq-ir taef-a.

Dawqdaq 14:28 ပူးပေါင်းရင်းမြစ်များ

2 Saˬmeuˬlaˆ 19:7

Nymˬ-mˇ iˇ-awˇ, nawˬ-euˬ tsawˇ haˬ deuˬ-ahˇ dawˬ yaw muiˬ paˬ-ehˇ ngehˬ cawˬ nehˬ-iˇ-awˬ. Nawˇ kʼoeˇ loꞈ-ehˇ maˬ jahˇ naˇ, nyi shawˬ uˬ bya bya laˇ ngeh, aˬ yawꞈ maꞈ nawˬ nehˬ-ehˇ tiˬ gʼaˬ-iˬ maˬ jawˇ ni doˆ-iˇ jiˇ tehꞈ-a lehˇ, sahˬ paˬ Miˬyehˇ-euˬ tsawˇ myahˇ uˬ moˆ ngaˇ ehˇ tsehˆ peuˬ ma. Kʼoeˇ-aˬ, nawˬ-euˬ tiˬ ziˇ kʼaˇ ya tahˬ puˬ-euˬ shaˬ zahˬ dawˬ tawˆ luꞈ kʼoeˇ taˆ, doeˇ dui dui-eu jeˬ pyeuꞈ tehꞈ-a.”

2 Saˬmeuˬlaˆ 24:3

Sahˬ paˬ-ahˇ Yoˇbaˬ ehˇ nehˬ-eu, “Sahˬ paˬ-oˇ, nawˬ-euˬ tsawˇ haˬ deuˬ iˬ nah myaˆ maˬ tseˇ tiˬ yaˇ bymˇ myaˬ laˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ mˇ luꞈ-uˇ. Ehˇ law hawˇ kʼawꞈ, aˬ jeˬ miˇ neh nawˇ heu loꞈ-ehˇ tsawˇ seˬ gʼoˆ haw mawꞈ-eu nya.”

1 Sahˬpaˬ 20:27

Iˇsaˬleˬlaˆ tsawˇ haˬ deuˬ kʼawꞈ, aˬ yawꞈ maꞈ-euˬ tsawˇ haˬ kuˇ uiˬ-awˇ, guiˇ deuˆ-eu keu ka biˇ nehˬ-euˬ meh. Kʼoeˇ naˇ, guiˇ deuˆ-eu lehˇ doˆ-iˇ-awˇ, tsawˇ haˬ nyiˬ muˇ biˇ paˆ-awˇ, Suˇliˆ tsawˇ haˬ deuˬ nehˬ-ehˇ maˬ kaˬ maˬ kaˇ-ehˇ taˆ tsoˆ-awˇ jawˇ-euˬ meh. Deh ga tiˬ byah ni jawˇ byah taˬ-euˬ Suˇliˆ tsawˇ haˬ deuˬ nehˬ-ehˇ shaˇ cehˆ haw ngeh, Iˇsaˬleˬlaˆ tsawˇ haˬ deuˬ-aˬ, deh ga-ahˇ uiˬ leˇ taˬ-euˬ ciꞈ myehꞈ ciꞈ maꞈ maꞈ zaˬ nyiˬ maꞈ loˆ ni tehꞈ meh.

2 Sahˬpaˬ 13:7

Yeˬhawˇhaˆ-euˬ guiˇ maꞈ laꞈ kʼoeˇ, mahˬ dziˬ-eu yehˇ ngaˬ tseˇ gʼaˬ, mahˬ laˆ lawˬ tseˇ laˇ hawˇ-eu, kuiˇ zoˬ cah-eu yehˇ tiˬ muiˇ gʼaˬ tehꞈ-ehˇ dzeˇ-eu meh. Aˬ jeˬ miˇ neh ehˇ naˇ, aˬ yawꞈ-euˬ guiˇ maꞈ kʼaˬ puiˬ kʼaˬ lehˇ loꞈ-ehˇ pyeuꞈ-iˇ gaˇ keuˆ ni Suˇliˆ sahˬ paˬ neh bi laˆ cawˆ nehˬ-euˬ meh.

Doˆ-iˇ 1:12

Ehˇ kʼawꞈ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ ngehˬ-ehˇ kʼehˬ naˇ, aˬ yawꞈ maꞈ tsawˇ haˬ ngehˬ-ehˇ paˇ behˇ laˇ-awˇ, Iˇjiˇtuˆ miˇ kʼahˬ doe ni ngehˬ-ehˇ paˇ jawˇ byah gʼeh-euˬ meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Dawqdaq 14:27

Sahˬpaˬ Miˬyehˇ-ahˇ guˆ-eu jeˬ-aˬ, dehꞈ-eu saꞈ laˇ lawˇ gawˆ pyeuꞈ-awˇ, shiˇ-eu lahˇ ju-ahˇ gaˇ jaw jaw nya-eu meh.

Dawqdaq 14:29

Oˇ dzeuˇ nya-eu tsawˇ haˬ zaˬ siˬ tsawˇ gahˇ byah-awˇ, nui ma yaw suˬ deuˬ yawˬ ha-euˬ yaw lehˬ pah pyehˬ-eu meh.

Yeˬlaˬmiˇ 13:20

Yeˬluˇsaˬlehˬ meuˬ-oˇ haw-awˬ. Nawˬ-ahˇ muiˇ-eu deuˬ laꞈ taˆ paw neh oe luꞈ meh. Nawˬ-ahˇ a nehˬ-awˇ bi haw-euˬ tsawˇ haˬ pyeuꞈ-eu, nawˇ kʼahˬ sehˇ jehˆ luꞈ-eu tsawˇ haˬ kʼoeˇ deuˬ aˬ lehˬ.