Dawqdaq 14:27 - Akha

²⁷ Sahˬpaˬ Miˬyehˇ-ahˇ guˆ-eu jeˬ-aˬ, dehꞈ-eu saꞈ laˇ lawˇ gawˆ pyeuꞈ-awˇ, shiˇ-eu lahˇ ju-ahˇ gaˇ jaw jaw nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Ya’we Miqyaer-anr guv-eu jeq-aq, Daef-eu jeq bif-eu cuq pyeuf-awr, Shir-eu lanrju-anr nae garjaw sheuqjaw nya-eu mae.

Dawqdaq 14:27 ပူးပေါင်းရင်းမြစ်များ

Jaceuq 18:5

Shiˇ-eu laˬpeu tahˇtsehˆtaˬ-awˇ, lmˬbymˇlahˇju kʼmˇtaˬ-euˬmeh.

Dawqdaq 10:27

Sahˬpaˬ Miˬyehˇ-ahˇ guˆ-eu tsawˇ haˬ ziˇ baw-awˇ, haiˬ-eu tsawˇ haˬ deuˬ ziˇ maˬ ya dehꞈ jiˇ-a.

Dawqdaq 13:14

Tsawˇ gahˇ ahˇ-eu deuˬ neh mehˬ-euˬ tsoˆ-euˬ dawˬ deuˬ, dehꞈ-eu saꞈ laˇ lawˇ gawˆ yoeˇ gaˇ duˇ-awˇ, shiˇ-eu lahˇ ju-ahˇ sheuˬ dzeuˇ nya-eu meh.

Dawqdaq 14:26

Sahˬpaˬ Miˬyehˇ-ahˇ guˆ-eu jeˬ-aˬ, nymˇ tsoˆ ziꞈ gaˇ duˇ-awˇ, zaˬ ziˇ keuˆ ni gmˬ-eu meh.

Dawqdaq 14:28

Sahˬ paˬ-euˬ kʼahˬ sehˇ miˇ kʼahˬ zaˬ kʼoeˇ taˆ jaˆ-awˇ, miˇ kʼahˬ zaˬ maˬ jawˇ-eu sahˬ paˬ yawꞈ ngehꞈ meh.

Dawqdaq 19:23

Sahˬpaˬ Miˬyehˇ-ahˇ guˆ-eu jeˬ ziˇ baw ziˇ za-awˇ, nui saˇ oꞈ-eu uˬ taꞈ, kʼahˬ lahˇ kʼaˇ maˬ za-a.

Dawqdaq 22:5

Yawˬ ha-euˬ saꞈ laˇ-ahˇ yawˬ ha gaˬ naˇ, gaˇ pehˇ kahˇ li jaˆ-eu haiˬ-eu deuˬ-ahˇ kʼmˇ taˬ-euˬ lahˇ ju-ahˇ yahˇ-awˬ.

Dawˬ tsoˆ 7:26

Shiˇ-eu jeˬ naˆ maˬ tseˇ doeˇ dui dui-eu tiˬ jeˬ ngaˇ mawˇ taˬ-euˬ ma. Kʼoeˇ-aˬ, zaˬ miˬ zaˬ meh. Aˬ yawꞈ-euˬ nui gaˬ lahˇ ju kʼmˇ gaˇ duˇ-awˇ, nawˬ-ahˇ byaˇ cuꞈ-eu aˬ yawꞈ-euˬ aˬ laꞈ shmˇ caˆ paꞈ gaˇ duˇ-eu meh. Miˬyehˇ-euˬ nui kʼahˇ poˆ-eu tsawˇ haˬ cehˆ dzeuˇ nya kʼawꞈ, iˬ baˇ mˇ-eu deuˬ paꞈ leˇ-eu meh.

Iˇsaˬyaˇ 33:6

Naw maꞈ-euˬ aˇ nah aˇ yamˬ gʼaˇ duˬ, ziꞈ dah ni gʼeh-eu dawˬ pehˬ aˬ yawꞈ meh. Aˬ yawꞈ-euˬ tsawˇ haˬ-ahˇ ka kʼoꞈ nehˬ-awˇ, zaˬ siˬ nui gahˇ biꞈ nehˬ tehꞈ-a. Sahˬpaˬ Miˬyehˇ-ahˇ yaw zeu baw-eu jeˬ-aˬ, huiˬ dzehˬ-eu smˇ muiˬ muiˬ-eu jeˬ meh.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.