Dawqdaq 14:19 - Akha

¹⁹ Tsawˇ doeˇ deuˬ tsawˇ muiˬ-ahˇ ya tahˬ shaˇ-awˇ, yaw haiˬ deuˬ yaw tsaˬ yaw dawˇ-euˬ gʼoˆ kʼehˬ-ahˇ ya shaˇ ju leˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Tsawrdoer-aq, tsawrmuiq-euq maeqshi ya awbyav-awr, Tsawrcawv-aq, tsaq-awr dawr-eu tsawrhaq-euq kmrkhaeq-anr ya awbyav taef-a.

Dawqdaq 14:19 ပူးပေါင်းရင်းမြစ်များ

Aˇ dahˬ 42:6

Yoˇsehˆ-aˬ, Iˇjiˇtuˆ miˇ kʼahˬ kʼoeˇ taˆ uˆ lahˇ-awˇ haw-eu pyaˆ-eu gʼaˬ pyeuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ cehˇ zeuˇ dzaˬ laˇ gaˇ cehˇ ahˬ nehˬ luꞈ-eu meh. Kʼoeˇ ngeh, Yoˇsehˆ-euˬ aˇ doˆ deuˬ oe-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, Yoˇsehˆ-ahˇ yaw zeu baw nehˬ-euˬ meh.

Aˇ dahˬ 43:28

Aˬ ha mehˇ nmˇ ehˇ-eu, “Nawˬ-euˬ zaˬ kʼaˆ pyeuꞈ-eu ngaˬ ha mehˇ nmˇ-euˬ aˬ da-aˬ, nymˬ-mˇ keuˆ ni dehꞈ luꞈ-awˇ, jawˇ saˇ kʼawꞈ doˆ luꞈ meh.” Kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, Yoˇsehˆ-ahˇ yaw zeu paˇ baw nehˬ-euˬ meh.

2 Sahˬpaˬ 3:12

Kʼoeˇ ngeh jawˇ, “Aˬ yawꞈ-aˬ, aˬ diˇ aˬ maˇ Miˬyehˇ gʼaˇ duˬ ngehˬ dah-eu tsawˇ haˬ meh” lehˇ sahˬ paˬ Yeˬhawˇshaˬpaˇ ehˇ-awˇ, sahˬ paˬ smˇ gʼaˬ luꞈ Eˇliˇshehˇ jawˇ gaˇ iˇ-euˬ meh.

Jaceuq 49:14

Yawˇ loꞈ-ehˇ aˬ yawꞈ maꞈ ya shiˇ cawˆ-awˇ, shiˇ-eu jeˬ aˬ yawꞈ maꞈ-ahˇ bo tehꞈ-a. Gaˇ mahˇ kaˬ-eu shiˇ-eu miˇ kʼahˬ-ahˇ, aˬ yawꞈ maꞈ buꞈ-iˇ shoˆ-iˇ ngeh, yaw tsaˬ yaw dawˇ tsawˇ haˬ deuˬ aˬ yawꞈ maꞈ-ahˇ gʼaˬ leˇ tehꞈ-a.

Doˆ-iˇ 11:8

Moˇseˬ paˇ ehˇ-eu, “ Kʼoeˇ ngeh jawˇ, nawˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ, ngaˬ-euˬ mehˬ shi laˇ-awˇ, aw byaˆ-eu laꞈ kʼoeˇ, ngaˬ-euˬ tsawˇ haˬ dawˬ tawˆ luꞈ sheuˬ-awˇ doˆ-iˇ nehˬ laꞈ-awˬ lehˇ ngaˬ-ahˇ ya shaˇ laˇ tehꞈ-a. Kʼoeˇ sawˇ miˇ tsa teh-ehˇ ngaˇ doˆ-iˇ ma.” Moˇseˬ kʼoeˇ loꞈ-ehˇ dawˬ saˬ saˬ yaꞈ-awˇ, nui ma pehˇ-eu laꞈ kʼoeˇ sahˬ paˬ kʼoeˇ gʼaˬ jawˇ gaˇ neh doˆ-iˇ-euˬ meh.

Doˆ-iˇ 8:8

Kʼoeˇ naˇ, sahˬ paˬ kʼoeˇ gʼaˬ Moˇseˬ hawˇ-eu Aˬloˬ-ahˇ kuˇ-awˇ ehˇ-eu, “Kʼaˬ paˬ heu deuˬ byoˆ-iˇ jiˇ ni, Sahˬpaˬ Miˬyehˇ-ahˇ guiˬ lahˬ shaˇ-awˬ. Sahˬpaˬ Miˬyehˇ-ahˇ lawˇ nehˬ shehˇ nehˬ-iˇ nya ni, naw maꞈ-euˬ tsawˇ haˬ deuˬ-ahˇ ngaˇ pyehˬ nehˬ ma.”

Dawqdaq 11:29

Yawˬ ha-euˬ nymˇ jiˇ-ahˇ laˆ shaˬ-eu tsawˇ haˬ uˆ kʼawꞈ kʼawꞈ-iˇ-awˇ, aˬ dzawˬ aˇ gah deuˬ tsawˇ gahˇ ahˇ-eu deuˬ-euˬ zaˬ kʼaˆ ya geuꞈ tehꞈ-a.

Dawqdaq 14:18

Dawˇ ga deuˬ yawˬ ha-euˬ lawˇ behˇ ya baꞈ-awˇ, noeˬ siˬ nya-eu deuˬ tsawˇ gahˇ guiˬ lahˬ za tehꞈ-a.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Maˬlaˬkiˇ 4:3

Ngaˇ luˆ laˇ ngeh nah, maˬ tsaˬ maˬ dawˇ-eu tsawˇ haˬ deuˬ-ahˇ naw maꞈ gʼaˬ leˇ-awˇ, aˬ yawꞈ maꞈ-aˬ, naw maꞈ-euˬ aˬ kuiˇ pehˬ zaˬ uˬ moˆ jaˆ-eu kʼaˬ lehˇ-ahˇ duˇ tehꞈ-a.

Gʼaˬkʼehˇ 16:39

Kʼoeˇ miˇ neh, aˬ yawꞈ maꞈ iˇ-awˇ, aˬ yawꞈ maꞈ lehˬ-iˇ-euˬ gaˇ kawˆ ja mehˬ-awˇ aˬ yawꞈ nyaꞈ-ahˇ tahˬ shaˇ-euˬ meh. Kʼoeˇ naˇ, aˬ yawꞈ nyaꞈ-ahˇ pyehˬ nehˬ-awˇ, meuˬ kʼoeˇ meuˬ-ahˇ neh doˆ-iˇ nehˬ laꞈ lehˇ shaˇ-euˬ meh.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.

1 Saˬmeuˬlaˆ 2:36

Nawˬ-euˬ zaˬ nawˬ-euˬ uˆ deuˬ laꞈ kʼoeˇ maˬ shiˇ-ehˇ kʼaˇ dehꞈ yaꞈ-euˬ deuˬ piˇ ma kʼoeˇ gʼaˬ jawˇ gaˇ le-awˇ, pyuˇ hawˇ-eu dzaˬ dzaˬ dawˇ dawˇ ya shaˇ leˇ gaˇ keuˆ tehꞈ-a. ‘Nga maꞈ maˬ ya mehꞈ sehꞈ-eu gʼaˇ duˬ, nawˬ-ahˇ caw mˇ paˬ-ehˇ gʼeh-eu gaˇ jaˆ naˇ bi mˇ laꞈ-awˬ’ lehˇ, piˇ ma kʼoeˇ gʼaˬ-ahˇ aˬ yawꞈ maꞈ ya shaˇ leˇ tehꞈ-a.”