Dawqdaq 13:9 - Akha

⁹ Yaw tsaˬ yaw dawˇ deuˬ bya dui dui-eu tsiˇ kʼmˬ kʼmˬ ma-ahˇ duˇ-awˇ, yaw haiˬ deuˬ miˆ-iˇ luꞈ-eu tsiˇ du du zaˬ-ahˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Tsaq-awr dawr-eu tsawrhaq-euq yawshaef-aq, laqkhaq bi caerlar-eu mae. Aerkhawf, tsawrcawv-euq tsirkhmq-aq ya’miv-ir taef-a.

Dawqdaq 13:9 ပူးပေါင်းရင်းမြစ်များ

1 Sahˬpaˬ 11:36

Ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ laꞈ kʼoeˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ aˬ myah luꞈ maˬ tsehˆ leˇ ni ya uˆ lahˇ-eu gʼaˇ duˬ, Sawˇlaˬmoˬ-euˬ aˬ li-ahˇ tsawˇ jeuˬ tiˬ jeuˬ ngaˇ biꞈ ma.

Yawˇbaˆ 21:17

Haiˬ-eu tsawˇ haˬ-euˬ tsiˇ kʼmˬ bi baw miˆ haw taˬ loˇ. Aˬ yawꞈ maꞈ tiˬ gʼaˬ na luˬ-iˇ seˇ-iˇ-eu jeˬ-ahˇ ya tahˬ puˬ haw taˬ loˇ. Haiˬ-eu tsawˇ haˬ-ahˇ Miˬyehˇ nui ma pehˇ-awˇ kʼehˬ nehˬ haw-euˬ jaˆ-awˇ,

Yawˇbaˆ 29:3

Kʼoeˇ ngeh Miˬyehˇ ngaˬ nehˬ-ehˇ aˬ myah luꞈ jawˇ-awˇ, yaw zahˇ laꞈ kʼoeˇ ngaˇ cah ngeh yaw shehꞈ bya nehˬ laꞈ-euˬ meh.

Jaceuq 112:4

Gʼawˬ shaˬ gaˬ nya-awˇ yaw tsaˬ yaw dawˇ jeˬ-ahˇ gaˬ-eu muiˬ-eu jaˬ-eu tsawˇ haˬ deuˬ kʼoeˇ taˆ, yaw zahˇ laꞈ kʼoeˇ yaw shehꞈ bya-eu meh.

Jaceuq 97:11

Yaw tsaˬ yaw dawˇ tsawˇ haˬ kʼoeˇ taˆ yaw shehꞈ bya-awˇ, muiˬ-eu jaˬ-eu tsawˇ haˬ deuˬ laˬ kʼaˬ ya cehˇ-eu meh.

Dawqdaq 13:10

Naˬ bawˇ maˬ tsoꞈ-eu iˬ dehˬ iˬ ceh laˆ doˆ-awˇ, aˬ cawˬ mehˬ gaˇ naˇ haˬ geuꞈ-eu deuˬ tsawˇ gahˇ za-eu meh.

Dawqdaq 13:8

Smˇ muiˬ deuˬ pyuˇ shuiˇ neh uˬ kʼawˇ ya shaˬ piˇ kʼawꞈ, iˇ shaˬ zaˬ-ahˇ muiˇ-eu gʼaˬ maˬ jawˇ-a.

Dawqdaq 20:20

Aˬ ma aˬ da-ahˇ yaˬ kʼehˇ yaˬ-eu tsawˇ haˬ, zahˇ tsui ni gʼeh ngeh tsiˇ kʼmˬ miˆ-iˇ tehꞈ-a.

Dawqdaq 24:20

Maˬ tsaˬ maˬ dawˇ-eu tsawˇ haˬ yaw dehꞈ dehꞈ-eu uˬ duˬ duˬ leˇ kʼaˇ maˬ za-a. Noeˬ tmˬ duˬ tiˬ jeˬ-iˬ maˬ jaˆ-a. -30-

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Yeˬsaˬgeˬlaˇ 32:7

Nawˬ-ahˇ ngaˇ laˆ cawˆ nehˬ ngeh nah, mˬ-ahˇ ngaˇ dehˬ kaˬ-eu laꞈ kʼoeˇ, aˬ guiˇ zahˇ tsui ni bi jaˆ ma. Nahˇ ma-ahˇ mˬ dmˇ dehˬ kaˬ-awˇ, ba la tsehˬ-eu bi naˬ leˇ ma.

Bawˇtsahˬ 27:4

Ngaˬ ha mehˇ nmˇ-euˬ aˬ da aˬ li maˬ jawˇ-eu miˇ neh, aˬ yawꞈ-euˬ aˇ jeuˬ aˇ ca laꞈ kʼoeˇ aˬ yawꞈ-euˬ tsawˇ myahˇ ya bi byoˆ-iˇ meh loˇ. Ngaˬ ha mehˇ nmˇ-euˬ aˬ da-euˬ aˬ yuiꞈ aˬ nyiˇ deuˬ-euˬ myawˬ gahˬ deuˬ nga maꞈ-ahˇ biˇ nehˬ laꞈ-awˬ.”

Maꞈtehˬ 22:13

‘Aˬ yawꞈ-ahˇ kuiˇ cuꞈ laꞈ cuˬ cuꞈ-awˇ, laꞈ nyiˇ paw yaw zahˇ-ahˇ baꞈ dzeh-awˬ. Kʼoeˇ gaˇ aˬ yawꞈ ngoeˇ ngoeˇ-ehˇ, seuˬ teuꞈ teuꞈ-ehˇ shaˬ luꞈ-uˇ.’ lehˇ, zaˬ kʼaˆ kʼoeˇ deuˬ-ahˇ sahˬ paˬ ehˇ nehˬ-euˬ meh.

Maꞈtehˬ 25:8

Yaw laiꞈ deuˬ noeˬ dahˇ doe-eu deuˬ-ahˇ ehˇ nehˬ-eu, ‘Nga maꞈ-ahˇ tsiˇ ui cuiˆ biꞈ laꞈ sheˇ. Nga maꞈ-euˬ tsiˇ kʼmˬ miˆ-iˇ shaw-iˬ meh.’