Dawqdaq 13:6 - Akha

⁶ Muiˬ-eu jaˬ-eu tsawˇ haˬ yaw tsaˬ yaw dawˇ jeˬ neh bi ciˬ tuˇ-awˇ, haiˬ-eu tsawˇ haˬ iˬ baˇ neh bi nawˬ lah-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aerkhar maqza-eu garma-anr, Can-eu tsawrhaq-anr tsaq-awr dawr-eu jeq lofpir taef-a. Aerkhawf, yawcawv jeq-aq, iqbaxzaq-anr gheucoq taef-a.

Dawqdaq 13:6 ပူးပေါင်းရင်းမြစ်များ

1 Sahˬpaˬ 1:52

Kʼoeˇ ngeh, “Aˬ yawꞈ saˇ jaˇ ziꞈ naˇ, aˬ yawꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ maˬ bi ga-iˇ. Ehˇ kʼawꞈ, saˇ jaˇ maˬ ziꞈ naˇ ya shiˇ tehꞈ-a” lehˇ, sahˬ paˬ Sawˇlaˬmoˬ ehˇ-eu meh.

1 Sahˬpaˬ 13:34

Aˬ yawꞈ neh mˇ-euˬ iˬ baˇ kʼoeˇ-aˬ, aˬ yawꞈ-euˬ nymˇ jiˇ tsuiꞈ dahˬ ya dahˬ-iˇ-eu gaˇ kawˆ pyeuꞈ-awˇ, miˇ tsaˬ kʼoeˇ taˆ aˬ yawꞈ-euˬ aˇ jeuˬ tiˬ gʼaˬ-iˬ maˬ jawˇ-ehˇ ya shiˇ cuˆ jiˇ gaˇ keuˆ ni bi guˬ dzaˬ leˇ-euˬ iˬ baˇ meh.

2 Laˬsaˬbaˬ 28:23

Aˬ yawꞈ-ahˇ guiˇ deuˆ gʼaˬ-euˬ Suˇliˆ tsawˇ haˬ deuˬ-euˬ miˬ yehˇ deuˬ-ahˇ aˬ yawꞈ lawˇ-eu shehˇ-eu jeˬ mˇ-euˬ meh. “Suˇliˆ miˬ yehˇ deuˬ Suˇliˆ sahˬ paˬ deuˬ-ahˇ caw ba nehˬ-eu loꞈ-ehˇ, ngaˇ kʼawꞈ aˬ yawꞈ maꞈ-ahˇ lawˇ nehˬ shehˇ nehˬ naˇ, ngaˬ-ahˇ kʼawꞈ caw ba nehˬ laꞈ-eu duˇ” lehˇ aˬ yawꞈ noeˬ-euˬ meh. Ehˇ kʼawꞈ, aˬ yawꞈ-euˬ nui noeˬ kʼoeˇ aˬ yawꞈ kʼoeˇ taˆ hawˇ-eu aˬ yawꞈ-euˬ miˇ kʼahˬ kʼoeˇ taˆ, luˬ-iˇ seˇ-iˇ-eu jeˬ bi keuˆ le-euˬ meh.

Jaceuq 119:1

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, iˬ baˇ taˬ kʼaˇ maˬ za ni dehꞈ-eu deuˬ guiˬ lahˬ huiˬ luꞈ-uˇ.

Jaceuq 140:11

Aˬ cawˬ-ahˇ yaw doeˇ jahˇ-euˬ tsawˇ haˬ deuˬ, miˇ kʼahˬ heu kʼahˬ laꞈ kʼoeˇ taˬ bi dehꞈ dzaˬ laˇ. Aˬ cawˬ-ahˇ sehꞈ-eu tsawˇ haˬ deuˬ kʼoeˇ taˆ yaw haiˬ jeˬ bi keuˆ le-awˇ, bi luˬ bi seˇ-iˇ-awˬ.

Jaceuq 15:2

dawˇcoe ni cah luꞈ-eu tsawˇhaˬ, yaw tsaˬyaw dawˇmˇ-eu tsawˇhaˬ, dawˇcoe ni dawˬngehˬ-eu tsawˇhaˬ,

Jaceuq 25:21

Nawˬ-ahˇngaˇnoeˬtmˬ-eu miˇneh, ngaˬ-euˬyaw sui yaw dawˇhawˇ-eu, ngaˬ-euˬmuiˬ-eu jaˬ-eu jeˬneh, ngaˬ-ahˇ haw piˇnehˬlaꞈluꞈ-uˇ.

Jaceuq 26:1

Sahˬpaˬ Miˬyehˇ-oˇ, Ngaˇyaw tsaˬyaw dawˇjeˬmˇ-awˇ, nawˬ-ahˇjah-eu ziꞈ-eu miˇneh, iˬbaˇ maˬahˇ-a lehˇ daˇ-awˬ.

Dawqdaq 10:29

Yaw sui yaw dawˇ deuˬ-ahˇ Sahˬpaˬ Miˬyehˇ haw piˇ-awˇ, yaw haiˬ jeˬ mˇ-eu deuˬ-ahˇ aˬ yawꞈ laˆ cawˆ-eu meh.

Dawqdaq 11:20

Nui ma maˬ shawˇ-eu deuˬ-ahˇ Sahˬpaˬ Miˬyehˇ nui daˆ daˆ-awˇ, shawˇ jehˆ ni dehꞈ-eu deuˬ-ahˇ aˬ yawꞈ nui kʼahˇ shiˇ-eu meh.

Dawqdaq 11:3

Muiˬ-eu jaˬ-eu tsawˇ haˬ deuˬ yawˬ ha-euˬ yaw sui yaw dawˇ jeˬ neh bi haw piˇ-awˇ, saˇ jaˇ maˬ ziꞈ-eu tsawˇ haˬ deuˬ yawˬ ha-euˬ nui gʼoꞈ neh bi laˆ sehꞈ-eu meh.

Dawqdaq 21:12

Yaw tsaˬ yaw dawˇ Miˬyehˇ-aˬ, haiˬ-eu deuˬ-euˬ nymˇ jiˇ laꞈ kʼoeˇ kʼaˇ pyeuꞈ-eu luꞈ-eu siˬ nya jiˇ-awˇ, yaw haiˬ deuˬ-ahˇ kʼehˬ nehˬ kʼaˆ nehˬ-eu meh.

Dawqdaq 5:22

Haiˬ-euˬ tsawˇ haˬ iˬ baˇ mˇ-eu lahˇ ju kʼmˇ gaˇ duˇ-awˇ, yawˬ ha-euˬ iˬ baˇ lahˇ ju-ahˇ yawˬ ha teuˆ paꞈ-eu meh.