Dawqdaq 13:4 - Akha

⁴ Yaw doeˇ neh noeˬ tmˬ-euˬ jeˬ tiˬ jawˇ-iˬ maˬ keuˆ le-ehˇ, leh jeh-eu deuˬ-euˬ nui kʼahˇ maˬ lehˬ-iˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nymrgawq yawdoer tsawrhaq-euq nuima saflar-aq, Geufmawf-eu khawf tiqjeq-iq maqza-ar. Aerkhawf, yawbym tiq ghaq-euq nuima saflar-aq, Tiqbyan tiqlof nuikhanr yashir taef-a.

Dawqdaq 13:4 ပူးပေါင်းရင်းမြစ်များ

Aˇ dahˬ 26:32

Kʼoeˇ ngeh nah, Iˇtsaˆ-euˬ zaˬ kʼaˆ deuˬ Iˇtsaˆ jawˇ gaˇ laˇ-awˇ, aˬ yawꞈ maꞈ duˬ luꞈ-eu lah duˬ kʼoeˇ duˬ iˇ cuꞈ mawˇ le-euˬ gaˇ kawˆ tsaꞈ gaˬ laˇ-euˬ meh.

Jaceuq 92:14

aˬ myah luꞈ nyoeˇ jawꞈ ni jaˆ-awˇ, bawˇ mawˬ mawˬ laˇ ngeh keuˆ ni aˇ siˬ siˬ-eu aˇ bawˇ kʼoeˇ deuˬ-ahˇ duˇ tehꞈ-a.

Dawqdaq 10:4

Yaw doeˇ doeˇ-eu nymˇ gawˬ aˬ laꞈ, iˇ shaˬ shaˬ-eu jeˬ beuˬ doˆ-awˇ, maˬ naˬ leˇ ni mˇ-eu aˬ laꞈ smˇ muiˬ gaˇ ma beuˬ dahˇ-eu meh.

Dawqdaq 11:25

Aˬ cawˬ-ahˇ biꞈ-eu tsawˇ haˬ baw le za le tehꞈ-a. Aˬ cawˬ-ahˇ caw ba-eu tsawˇ haˬ, yawˬ ha-ahˇ paˇ bi caw ba kʼoꞈ tehꞈ-a.

Dawqdaq 12:11

Miˇ tsaˬ-ahˇ beuˬ nahˇ-eu tsawˇ haˬ, dzaˬ dzaˬ dawˇ dawˇ jaˆ-awˇ, nui loˆ mehˬ nah teh-eu tsawˇ haˬ, gaˇ dahˇ maˬ tsoeˬ-a.

Dawqdaq 12:24

Mˇ coeˇ shaˇ coeˇ-eu deuˬ dzoeˬ dzaˬ oꞈ-awˇ, nymˇ gawˬ deuˬ zaˬ kʼaˆ ya geuꞈ-eu meh.

Dawqdaq 12:27

Nymˇ gawˬ shaˬ maˬ mi nya-ehˇ, mˇ gaˇ gaˬ-eu tsawˇ haˬ pyuˇ shuiˇ jaˆ le-eu meh.

Dawqdaq 13:3

Yawˬ ha-euˬ mehˬ laˇ-ahˇ bo nya-eu gʼaˬ ziˇ baw-awˇ, dawˬ ja myaˬ-eu tsawˇ haˬ cawˆ-iˇ-eu meh.

Dawqdaq 13:5

Yaw tsaˬ yaw dawˇ tsawˇ haˬ-aˬ, maˬ tsaˬ-eu jeˬ-ahˇ bye-awˇ, haiˬ-eu tsawˇ haˬ daˬ ga-eu jeˬ mˇ doˆ laꞈ-eu meh.

Dawqdaq 20:4

Nymˇ gawˬ, deh yaˇ yamˬ law maˬ tsehˬ yehˬ le cehˇ diꞈ laꞈ tuˆ maˬ byah.

Dawqdaq 21:25

Maˬ mˇ maˬ shaˇ nahˇ-eu nymˇ gawˬ aˬ da, yawˬ haˇ yawˬ ha kʼehˬ sehꞈ gaˇ duˇ-eu meh.

Dawqdaq 21:5

Noeˬ dahˇ doe-awˇ mˇ-eu dehꞈ dzaˬ laˇ-awˇ, nui ma aˬ huˬ huˬ-eu shaˬ le tehꞈ-a.

Dawqdaq 24:30

Nymˇ gawˬ dawˇ ga tiˬ gʼaˬ-euˬ deh yaˇ hawˇ-eu aˬ gaꞈ yaˇ kmˇ-ahˇ ngaˇ cah haw-euˬ ma.

Dawqdaq 24:31

Aˬ gah baw duˆ dehꞈ dehꞈ-ehˇ, yaˇ moꞈ uˆ tehˬ taˬ gaˇ ya mawˇ-euˬ ma. Yaˇ kmˇ gawˬ lahˇ taˬ-euˬ kʼaˬ lo deuˬ kʼawꞈ ga byaˆ jiˇ taˬ-euˬ meh.

Dawqdaq 26:13

Nymˇ gawˬ gawˬ-eu tsawˇ haˬ aˬ jeˬ miˇ neh iˇ kahˇ laꞈ nyiˇ maˬ doˆ-iˇ ta. Aˬ jeˬ guˆ kʼaˇ za ta. Aˇ laˬ jaˬ shiˇ-ahˇ guˆ ta loˇ.

Dawqdaq 28:25

Nui kʼahˇ huiˬ-eu tsawˇ haˬ shaˬ zahˬ ya tahˬ puˬ-eu yaw duˬ baw meh. Sahˬpaˬ Miˬyehˇ-ahˇ gʼoe-eu tsawˇ haˬ baw le za le tehꞈ-a.

Dawqdaq 6:6

Yaw doeˇ doeˇ-eu tsawˇ haˬ deuˬ-oˇ, aˇ ho jawˇ gaˇ iˇ-awˬ. Aˇ ho kʼoeˇ deuˬ mˇ gaˇ dzaw geuꞈ-awˬ.

Dawqdaq 8:34

Ngaˬ-euˬ ehˇ dawˬ naˇ haˬ geuꞈ-eu tsawˇ haˬ laˬ kʼaˬ ya cehˇ tehꞈ-a. Yawˬ nah na luꞈ ngaˬ-euˬ nymˇ laˇ gʼoˆ-ahˇ jawˇ-awˇ, ngaˬ-euˬ nymˇ gʼoˆ kʼehˬ-ahˇ loꞈ-eu tsawˇ haˬ laˬ kʼaˬ ya cehˇ tehꞈ-a.

Dawˬ caˇ 5:3

Ngaˇ mehˬ tsoeˬ lehˆ dzeh gʼaˬ jiˇ taˬ-euˬ, aˬ joˆ-ehˇ paˇ dm kʼoꞈ nmˇ. Ngaˬ-euˬ aˬ kuiˇ dzuiꞈ shawˇ gʼaˬ jiˇ-euˬ, aˬ joˆ-ehˇ paˇ nawˬ jawꞈ nmˇ.

Iˇsaˬyaˇ 58:11

Kʼoeˇ naˇ naw maꞈ-ahˇ ngaˇ aˬ myah luꞈ sheuˬ gʼeh-awˇ, muiˬ-eu guiˬ lahˬ shehˬ byah lawˇ byah nehˬ-eu laꞈ kʼoeˇ, gʼoeˇ mˇ-awˇ jawˇ saˇ bi doˆ-eu miˇ neh, iˇ cuꞈ tiˬ byah za-eu yaˇ kmˇ hawˇ-eu, maˬ tsiˇ leˇ-eu lawˇ gawˆ-ahˇ naw maꞈ duˇ tehꞈ-a.

Bawˇtsahˬ 23:10

Iˇsaˬleˬlaˆ-euˬ zaˬ deuˬ uˆ deuˬ-aˬ, kʼaˬ lehˇ loꞈ-ehˇ myaˬ-eu meh. Behˇ dui dui-eu aˬ yawꞈ maꞈ-ahˇ, aˬ suˇ gʼaˬ gui jiˇ coeˇ nmˇ. Miˬyehˇ-euˬ tsawˇ haˬ kʼoeˇ deuˬ nehˬ-ehˇ, ngaˬ-ahˇ ziˇ bi dehꞈ jiˇ laꞈ-awˬ. Yaw tsaˬ yaw dawˇ tsawˇ haˬ loꞈ-ehˇ, coꞈ ngehˇ ni ngaˬ-ahˇ bi shiˇ laꞈ-awˬ.”

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

HeˬByehˇ 6:11

Naw maꞈ neh noeˬ tmˬ taˬ-euˬ jeˬ keuˆ le ni, naw maꞈ yawˬ gʼaˬ na luꞈ aˇ saˬ saˬ ngeh keuˆ ni nui ma keuˆ gaˇ nga maꞈ geuꞈ mawꞈ dui dui-eu ma.

Yawˇshuˆ 7:3

Yawˇshuˆ jawˇ gaˇ gʼoꞈ laˇ-awˇ, “Tsawˇ haˬ yawˬ gʼaˬ na luꞈ le-awˇ Aˬiˇ meuˬ-ahˇ guiˇ deuˆ-leˇ-eu maˬ loˬ-a. Meuˬ kʼoeˇ meuˬ-aˬ, meuˬ yaw huiˬ tiˬ meuˬ maˬ ngeuˇ-a” lehˇ dzawˇ mehˬ laˇ-euˬ meh.