Dawqdaq 13:21 - Akha

²¹ Iˬ baˇ mˇ-eu deuˬ-euˬ mehˬ nah guˆ-eu gaˆ-eu jeˬ caw teh-awˇ, yaw tsaˬ yaw dawˇ deuˬ mehˬ shi guiˬ lahˬ keuˆ le tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Iqbaxzaq-euq maeqnan yawdoer jeq taeluf-eu mae. Aerkhawf, tsaq-awr dawr-eu tsawrhaq-aq, yawmuiq jeq za taef-a.

Dawqdaq 13:21 ပူးပေါင်းရင်းမြစ်များ

Aˇ dahˬ 4:7

Nawˇ dawˇ coe ni mˇ law nmˇ-aˬ, laˬ kʼaˬ ya cehˇ tehꞈ-a. Ehˇ kʼawꞈ, nawˇ yaw tsaˬ yaw dawˇ dawˇ-ehˇ maˬ mˇ-euˬ miˇ neh, nawˬ-euˬ nymˇ gʼoˆ kʼehˬ-ahˇ iˬ baˇ keuˆ le luꞈ meh. Iˬ baˇ kʼoeˇ nawˬ-ahˇ uˆ lahˇ mawꞈ-eu meh. Iˬ baˇ-ahˇ gʼaˬ leˇ ni nawˇ leh jeh-awˬ.”

Jaceuq 140:11

Aˬ cawˬ-ahˇ yaw doeˇ jahˇ-euˬ tsawˇ haˬ deuˬ, miˇ kʼahˬ heu kʼahˬ laꞈ kʼoeˇ taˬ bi dehꞈ dzaˬ laˇ. Aˬ cawˬ-ahˇ sehꞈ-eu tsawˇ haˬ deuˬ kʼoeˇ taˆ yaw haiˬ jeˬ bi keuˆ le-awˇ, bi luˬ bi seˇ-iˇ-awˬ.

Jaceuq 32:10

Haiˬ-eu tsawˇhaˬ shaˬzahˬnaꞈ-awˇ, SahˬpaˬMiˬyehˇ-ahˇgʼoe-eu deuˬ, gʼoeˇ-eu gaˬ-eu bi tsahˇlahˇmeh.

Jaceuq 54:5

Yawˬ ha neh kʼmˇ taˬ-euˬ lahˇ ju-ahˇ yawˬ ha paꞈ leˇ-eu loꞈ-ehˇ, muiˇ-eu deuˬ-ahˇ Miˬyehˇ yaw haiˬ jeˬ jahˇ kʼoꞈ nehˬ tehꞈ-a. Aˬ yawꞈ saˇ jaˇ ziꞈ-eu gʼaˬ pyeuꞈ-eu miˇ neh, aˬ yawꞈ maꞈ-ahˇ aˬ yawꞈ laˆ luˬ laˆ seˇ nehˬ tehꞈ-a.

Dawqdaq 11:31

Yaw tsaˬ yaw dawˇ tsawˇ haˬ deuˬ, miˇ tsaˬ kʼoeˇ taˆ dehꞈ ngeh guiˬ lahˬ za naˇ, haiˬ-eu tsawˇ haˬ deuˬ kʼehˬ-eu kʼaˆ-eu jeˬ-ahˇ maˬ ya daˬ-ehˇ aˬ gaˇ iˇ nmˇ.

Dawqdaq 13:13

Dawˬ mehˬ dawˬ tsoˆ maˬ naˇ haˬ-eu tsawˇ haˬ, shaˬ zahˬ shaˇ pi gaˇ duˇ-awˇ, dawˬ mehˬ dawˬ tsoˆ naˇ haˬ geuꞈ-eu tsawˇ haˬ, guiˬ lahˬ shaˇ baꞈ gaˇ duˇ-eu meh.

Dawqdaq 17:13

Yawˬ muiˬ jeˬ-ahˇ yaw doeˇ jahˇ kʼoꞈ-eu deuˬ-euˬ nymˇ jiˇ laꞈ kʼoeˇ yaw haiˬ jeˬ keuˆ le-eu maˬ tsehˆ leˇ-a.

Dawqdaq 24:16

Yaw sui yaw dawˇ tsawˇ haˬ aˇ myaˆ poˆ coˬ-iˇ kʼawꞈ paˇ tuˇ laˇ nya meh. Ehˇ kʼawꞈ, guˆ-eu gaˆ-eu jeˬ keuˆ le ngeh nui ma maˬ dawˇ-eu tsawˇ haˬ luˬ-iˇ seˇ-iˇ-eu meh. -28-

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Yeˬsaˬgeˬlaˇ 7:5

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Luˬ-iˇ seˇ-iˇ-eu jeˬ tiˬ hmˬ saˇ-iˬ tiˬ hmˬ nawˬ-euˬ kʼoeˇ taˆ keuˆ le tehꞈ-a.

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.

Gʼaˬkʼehˇ 28:4

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ kʼoeˇ deuˬ Pawˇluˆ-euˬ aˬ laꞈ-ahˇ aˇ lawˇ kʼoeˇ mawˇ ga gʼeu gaˇ mawˇ ngeh, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ cawˬ-ahˇ sehꞈ-euˬ tsawˇ haˬ ngaˇ. Iˬ ma laˆ shaˆ laꞈ kʼoeˇ maˬ shiˇ ni ya dzeuˇ-iˇ-euˬ kʼawꞈ, yaw tsaˬ yaw dawˇ jeˬ aˬ yawꞈ-ahˇ maˬ paˇ bi dehꞈ-eu yaw duˬ baw ngaˇ ehˇ lawˬ.”